MIKA 1:8 - Biblía Axweesantá Hhohho' ar Mungú 2004

⁸ Gawaá adoorihe aníng a tsuunqumiís niri /aa/amiím as kaangwí, tsitay'eé' un duúx niri hi'iimiít ar /aankwets, niri tsuunqumiís adór iintsaawér wa alé, nee niri /aa/amiím adór sakwel.

MIKA 1:8 Iomraidhean Croise

2 WAAWITÁ 18:13

Qoomár kurkú mibaá nee tsiyáhh oo waawuti'iimár Hesekia, waawutmo Senakeribu oo Ashuru gixsadaá Yuda sleémeero kudá' taa tleéhh ar koo/ír gawden gina i haratláy, nee giri hayóh.

ESTA 4:1

Qoomár Mordekai muruudá' aa tleehharuut nguwa xuú', tlabaawós giri feehhamiís, guniyadu giri tsiít, tari sliík ar da/ara, iri waaraáhh ar baraá tla/ángw gixsa, /aa/eewo iri gáwtí tseé'.

YOBU 30:29

Aníng ana adór hhiyoó taweermo tleehhiít, aníng nee sakweeli dimbé i káhh.

WARA'AMI 102:6

Aníng a adór gwareesír baraá xaanxaay, a adór harkoonkír baraá taangu.

ISAYA 13:21

Ala makaá sla/a nin baraadá' wa guiyá', hárkoonka maray'ín giri dalá/. Sakwel iri baraá maray'íní waatl, manu iri baraá sluhhay'ín wa ni/iná'.

ISAYA 13:22

Bahu niri gawaá daandemaá maray'ín wa buuheeliná', intsaawe iri dát baraá maraá waawitá, deelór Babuloni aa fák, slám deeloorós ka doogiiká.»

ISAYA 16:9

Gawaá adoorihe, aníng a /aa/amiím dinkwa nee Yaseri as sabiíbuú Sibma, aga hhuuntsuumiít /aa/eewo as kuungá' kuungásingá gixsadaá Heshboni nee Eleale, ururu'umisuduú qoomár fiiqit aa faák.

ISAYA 21:3

Gawaá adoorihe, tla/angw'eé' iri tsatiít as iigu'utuudá', slahha'amú adór mutaai aníng iri áy, slahha'amú adór kuqú /ameenír xwayla iri áy. Aníng ana yaamií huú', tam gár ni axamiis i káhh, ana daanda feehhiít tam sleeme a xumiisaaká.

ISAYA 22:4

Gawaá adoorihe, aníng ana oó', aníng mi i qaytsimiitara', aníng mawaaré' ni /aa/amiím ar slahh'amu, ma daawimiitaara' aníng iwa gurkwa/amisa', asma muk'eé' iwa hhán.

ISAYA 32:11

Kuungásá /ameenár a yaandahhe'es daaraxé' daxta kuungásingá aga taqna/ute' kitlkitlé' daxta, Tlabaahúng sleémeero duuxaak, /aankwetsimé', guniyadu siinootaak gawaá afeetlerhúng.

YEREMIA 4:19

Baraaeene aga slahhaá', aga ló'wa slahhaá', nee slahh'amaaye ti gwangwar'aamaán, muunaáeé' aa slaaqaát. Muunaáeé' i ló'wa tuu'uut, xasliita a aleeslawaaká. Asma aníng afór tarumbeéta aga axaás nee tsimaahhír slaqwaraaro.

YEREMIA 9:1

Alók geeraawo sagw'eé' an adór ma'aay nee ilaaeé' tari adór kutltá hhirhheeri, as kahhó' niwa /aa/amiim tlaatla/aangw nee xweeraawo, as daanduú muk'eé' kudá' taa tsuú/.

YEREMIA 9:10

Aníng an /aa/aá áw gawaá sagér tlom'i, nee an tsuunqumiís as qawtantá hikwa ar baraá darma, asma yaamu naa xaanxay tleehhitiyé', tam gár baraadár waaraahh i káhh. Baraadae afór hikwa a axaská nee ar tsir/ooro, nee ar makaá sla/to, asma sleémeero naa diyaa/atiyé'.»

YEREMIA 9:19

Afór /aa/e ar amór Siyonír daahh aga axaasaán ar kah, Atén taa hhaamiís, atén taa ló'wa mureekeés. Asma atén yaamuurén iga geexawaán, asma inooín marayrén kaa yaamií daáhh.»

ESEKIELI 32:18

«Heewí, tsuunqumiís as mukwí yaariír oo yaamaá Misri. Mukwí huweek amór xoordaá aleesleemuú koomá', ta al/ee/etin nee kudaá baraá giaá kawá'.

MIKA 2:4

Baalaadá' birna hardát, muu kuungá' nuri daa'ángw kooyaángwí oh, oo adoodá' kuungá' taa mukdá' i tlehhé', tawa adór daa'ángw wa/aa/i, tay ooi, ‹Atén taa /awa/awín ló'wa alé, AAKOÓ MUNGÚ daqaari'iimarén gana warqeés, gari hingeés direne, qamuurén gina qasmiís dír múk wakuuse.›

1 SAMUELI 19:24

Inós tlabaawós gina duúx, iri aarín dír geeraá Samueli wa ale. Xweera nee tlaatla/aango ku tlaba' wásl. Gawaá adoorihe, muu tiri yaahamiís kilooín ale, «Xaysé', Saulo sleeme a aarusmoówo?»