MIKA 1:7 - Biblía Axweesantá Hhohho' ar Mungú 2004

⁷ Slaqsi'iiwós kudá' mungui sleémeero kin naasúy, nee umuúqo gaarose kari daa/ ar asla. Nee slaqsi'iiwós kudá' ngiri hhaamiís. Asma muruudá' sleémeero taa burumbuurín as bu'utuú tsaatuso'o, Kunar tláy tawa bu'utuú tsaatuuse sleeme.»

MIKA 1:7 Iomraidhean Croise

2 QOM'I 31:1

Deeloodá' ur ar Pasaáka iwa fák, múk Israeli sleémeero tari tláy baraá umuú gixsár Yudawo. Uheemidá' taa tlehhiít kiri feé/ kiri giqáy, munguúdá' ta bay Ashera kuri supín, wa/angwduú gawaá gongoamo' kudá' munguaá hatlá' kiwa sluufmaamisi kiri feé/. Inooín adoorí kana tleéhh baraá yaamaá Yuda nee awa Benyamini, nee Efraimu nee awa Manasewo sleeme. Tí kawa hhe'eés, umuú heewo iri waátl amór gixsarós nee dír aalirós.

ISAYA 2:18

Munguaá murslaaqat niri qwanaay hhe'eesiyá'.

ISAYA 23:17

Alaá kureeriiká mibeeraá faanqwe AAKOÓ MUNGÚ gixsár Tiro ga malé pa/ángwií haniis, inós tiri malé weeramisuú eér, iri kí/ baraá sli'ima nee waawituú xoordu sleémeero gawaá daanduú yaamuwo.

ISAYA 27:9

Gawaá adoorihe, adoorí an adór tlakweemaá múk Yakobo kir fiitsi, tlehhmuuwí in bu'uut tlakweemaaín hingeesaro, qoomár tlaa/e sleémeero awa kiteeraá ilahhooa birka naasúy, adór nee Munguúduú Ashera nee kiteeraá ilahhooár mooyángw koom kawa hanmiisi birka suqúy.

ESEKIELI 6:6

Amór taqo i hotaá eera'a, gixsaduhúng ki muu waslen, nee wa/ameedár gawaá gongoama' ar munguaá hatlá' kiwa sluufmaamisá' an hhitiín, slaqsi'iidaá munguaá hatlá' ki giqáy kiri hhitín. Didá' ta mooyángw tsuú' i da/a/aanda' ka fee/, nee umuú gaaro kari hhaamiis.

HOSEA 2:12

Aníng qamuuwós awa sabiíbu nee awa /aantsihe, in hhitiím kudá' inós iwa kat, ‹Qamuuká' an bu'utueé', kudá' mulqer'eé' naa hanís.› Aníng in gara tleéhh, makaá sla/a ngiri /ayiyá'.

HOSEA 2:14

Hamí daxta ga/aaweek, aníng a harhheehhe'eés ngiwa huuw baraá darma, ngiri i axweés ar fur'ár tsa'.

HOSEA 2:5

Asma aayor'ín tsaatu'uuma gaa tléhh, tidá' inooín gaa tsit, muruú alsi'ím guna tléhh, asma ina ó', «Aníng nee mulqer'eé' an alhi'iimitaán, kudá' i muruú /aymár i slaslaawá' nee ma'aay, nee tsitaay nee di/i nee xuftaro.»

HOSEA 8:5

Aá múk Samaria, Munguúhúng kuduú dama ugwa sií', aníng aga qa/iít buhhtaawo as kuungá', tlakweema tlehhtuuwo ta kumaamita' ay xaylá.

HOSEA 8:6

Asma baraá Israeliwo múk dakór baál i deer, inooín dama ngina tleehhiyé' ala a munguheeká baloó ale. Ala damarír Samaria ka suwawaa'.

Yoeli 3:3

Inooín muk'eé' nguna tsawdoórí tleehhiyé'. Maamár garma kana haniís tawa bu'utuú tsaatuso'o. Maamár dasi ngina haniisiyé' as difaái ngiwa slaya'.»

TLAHHOÓ LAÁWI 26:30

Dirhúng tidár firo ar gawaá gongoamo an hhitiím, kiteerihúng kudaá ilahhooa in feé/, nee kudá' mooyángw tsuú' tleemis, nee tu'uuhúng ngiri kwaáhh gawaá daanduú tuaá murslaaqatuhúng, qeeruueé' kuungá' nuri ló'wa aahh.

DABE 23:18

Bu'utuú tsaatu'uuma oo taa sleér as seeu'uumár fuqi mu huwaar amór doó AAKOÓ MUNGÚ, Munguúhúng as al'axweesani kawa boo/es. Asma AAKOÓ MUNGÚ, Munguúhúng, muruuwí tsaraawo gu waak.

DABE 9:21

Gadaádá' tlaakw, damaadá' taa tlehhé', ana daá/ ar asla, ngiri tuu'uút, ngiri xoósl, tari adór teeri, teeridá' ngiri kwaáhh baraá duxuudá' gawaá tloomaadá' wa wa/amiím.

Geehhoeemaá 18:3

Asma múk xoordu sleémeero gwa oonitimís ar tsaatu'uumarós tidá' xaraasl adór difaáír aa hamat. Nee waawituú baraá yaamu aa fuquús nee inós. Nee múk halaanu'uumár tlehhiít baraá yaamuwo, aa daqaari'iít ar daqaari'iimarós tidá' ur ar har qoomay wasl.»

Geehhoeemaá 18:9

Nee waawituú baraá yaamu, kudá' aa fuquus nee inós, nee kudá' nee inós diihhooa kaa al/aay, inooín tari tsuunqumiis qoomár quuír asltá inós gaa xaawuur bar kaa ár.

1 SAMUELI 5:4

Looaytleerose matlaatleero tawa tláy, naxés! Dagoni aa male gurúr huú' yaamií ale, dír geeraá sandakmooduú AAKOÓ MUNGÚ, nee ságw Dagoni nee kunda'aá dabaawós tsaraawo naa tsatimitiyé', i dír duuxutmo. Slaqwtá Dagoni kilós ina mét.