MIKA 1:6 - Biblía Axweesantá Hhohho' ar Mungú 2004

⁶ Aako i kaahi, «Gawaá adoorihe aníng gixsár Samaria a /aantani tleéhh baraá tla/ángw xatsto, tari adór dír ta xaa'aá sabiíbú i dahamamisi. Nee tlaa/eedá' tara tleehhiít in kwaáhh baraá xatsa, iihhafiiriirós ngiri geehhoeés.

MIKA 1:6 Iomraidhean Croise

2 SAMUELI 17:13

Barnaxes aa goów amór gixsarka koo/ír gawít koom, naagáy múk Israeli sleémeero him'e kingin huuw, gixsarí kingari uuruux ay baraá xatsa, tam tla/anoó niiná oo gixsarí ku geexayká.»

2 WAAWITÁ 18:10

Alhhe'eesoó kurkú tame múk Ashuru gixsár Samaria gari hayóh. Qoomaarihe Hesekia baraá waawuti'iimaro kureeraá lahhoó' gaa aáy, nee qoomaarihe waawutmoó Israeli kureeraá gwaleél gaa /aáy baraá waawuti'iimaro.

2 WAAWITÁ 18:9

Kurkú tsiyáhh oo waawuti'iimár Hesekia, sleeme qoomaarihe Hoshea garmoó Ela kureeraá faanqw gaa /aáy baraá waawuti'iimár yaamaá Israeliro, Shalmanesa waawutmoó Ashuru gixsár Samaria gana i haratláy, gari harweér.

2 WAAWITÁ 19:25

Kuúng aga axaskáhe adór aníng kaangwí hám ni tlehhiit ngura qoomeés iimír aange. Kuúng una qaás as gixsaduudá' koo/i gawden kiwa warqes tawa ufér sluhhaay.

ISAYA 17:1

Kaangwí a iigu'utuú Mungú aa laqán daanduú gixsár Damaskoro, i kaahi, «Ga/aaweek, gixsár Damasko in hhaán iri baloó gixsárí ki/ká, in hhitirút iri ufa tleehhít.

ISAYA 25:12

Gixsaduín kudá' koo/i tledaadet gin yaamií daahh, giri inslah giri yaamúr tsataat, giri teerúy.

ISAYA 25:2

Asma kuúng gixsa ana /aantani tléhh, nee koo/ír gawit kari gixsár aa hhiturut tléhh, nee maraá dahaaye tari sangw gixsaroká, sleeme ki baloó /abeesiiká tleehhamoro.

YEREMIA 31:5

Kuúng sabiíbu u malé dahás gawaá ságw tloomár Samaria. Muu dahaasiingw gu dahaas nee mamu kiri saqwalalaa/.

YEREMIA 51:25

Ga/aaweek, kiíng tloomár hhaamimiis, aníng nee kiíng ti araán. Kiíngasíng yaamu sleémeero gi hhitaatiim, aníng dakw'eé' u gawaawók i tleés, iri gawaá tla/uú wa daáhh, iri adór tloomár taa daá/ tleéhh.

YEREMIA 51:37

Babuloni a taangu tleéhh, tari mar'ír intsaawe i hot, tari dír dae tlaaq, tari dír ta waaqaseesen, nee heé baraadá' wa hoót iri kaahh.

YEREMIA 9:11

AAKOÓ MUNGÚ i kaahi, «Aníng gixsár Yerusalemu a ufuú tse/ewasi tleéhh, tay dír qatuú intsaawe. Gixsadaá Yuda in xaanxay tleéhh, heé gi hoót iri qwaar.

WA/AA/I 4:1

Xáy, adór sahaáburén ira boo/áy, adór sahaábu hhohhó' ira warqáy! Tlaa/aá hhohho' tsee/a ngaa tsataatiyé' baraá umuúqo loohiro.

ESEKIELI 13:14

Koo/irí kuungá' taa /awakeesé' a amór saáw i daáhh nee maparirós iri geehhoouúr. Koo/irí bira hú', kuungá' nuri alqát tari hhaandá'. Daqaní adoorihe kuungá' a tsahhá' aníng adór tar AAKOÓ MUNGÚ.›

HOSEA 13:16

Múk Samaria doohhór tlakweemaaín ga sláy, asma Munguín ngwaa aahhiyé'. Inooín ki daasl ar paangadu, na/ii'ín awa qaweero kin naasaasúy, nee /ameenar'ín ar tsiihaawe kari gur'e posl'omiis.

AMOS 5:11

Kuungá' múk narkuute un baramaanuumamisá' nee ohmér yaariir ar angaáno an ohahiindá'. Maraay ina tlehhité' ar tlaa/aá taa tlaáq, ala kuungá' baraá maraysíng i hota'aaká. Kuungá' qamaá sla'atamisá' awa sabiíbu ina mak doslé', ala kuungá' difaáir'ín a wata'aaká.

AMOS 6:8

Aakoó MUNGÚ lo'o gaa huúw ar umuuwós, AAKOÓ MUNGÚ, Munguú Aleesleemusmo i kaahi, «Aníng ti buhhtamis nee daara/ángw múk Yakobo, nee koo/irós tidá' aa parootuús aníng aga aáhh. Gawaá adoorihe gixsarí aníng a haniís dír wakuuse dinkwa nee umuú gaaro ar baraadií diriia.»

MIKA 3:12

Gawaá adoorihe, siyoni, gixsár Mungú, ka doosl adór qaymór wá alé, Nee Yerusalemu iri taango tleehhít asma kuungá'. Nee tloomadá' taa Doó Mungú i tleéhh, iri gara tleehhít sleeme.

HABAKUKI 3:13

Tari tleér as mukók kuwa ba/amis, nee as heewók kudá' taa iimbaláx kuwa ba/amis. Kuúng geeraharusmoó múk tlákw un suwa tsát, nee eeharuuseerós kari hhaamís.

Matayo 24:2

Yesu eeharuuseerós gari báy, «Tí sleémeero a ga/eerá'a? Án a kah, tlaa/anoó gawaá kuqí meét oo ta fee/iiká i kaahh.»