MIKA 1:5 - Biblía Axweesantá Hhohho' ar Mungú 2004

⁵ Tí sleémeero i tleehharút as dakuúsár múk Yakobo nee as tlakweemaá múk Israeli. Xáy, dakuúsar múk Yakobo a milá? Ahaá, a gixsar'ín tidá' ur ar Samariároke? Xáy, tlakweemaá múk Yuda a milá? Ahaá, a gixsar'ín tidá' ur ar Yerusalemuúwoóke?

MIKA 1:5 Iomraidhean Croise

1 WAAWITÁ 11:7

Gawaá tloomadár bihhaá da/aáw awa Yerusalemu, Solomon kiteeri giri tleéhh awa ilahhooa kawa hanmiisi dír munguúdá' ta waki oo ta bay Kemoshi oo múk Moabu nee dír munguúdá' ta waki oo ta bay Moloki oo múk Amoni.

1 WAAWITÁ 13:32

Asma axweesantadá' sleémeero aa káh ar AAKOÓ MUNGÚ aa oó', daanduú kitangwduú ilahhooa oo Beteli nee maraá taa tleéhh baraá gongoamaá Samaria, ar looeemaawo tí i bó/.»

1 WAAWITÁ 16:24

Tloomár Samaria gari tlaáxw ar peésár kume lahhoó' dír heé ta bay Shemerí wa ale, koo/ír gawit gari tleéhh nee gixsa gari gawaadí tleéhh. Gixsadá' gari báy Samaria, as umuú heedá' ta bay Shemeri, kudá' ngiwa tlaáxw.

2 QOM'I 34:3

Kurkú dakaát baraá waawuti'iimarose, qoomaadae inós a masoomoó niiná, inós Munguú baabuúwós Daudi guna leeleéhh ar muunaáwós sleémeero. Kurkú mibaá nee tsare wa/aameedár gawaá gongoama' ar munguaá hatlá' kiwa sluufmiisi gana iimu/ún hingeemisuwo, nee slaqsi'iidaá Ashera, nee kudá' taa hhasliít, nee kudá' taa kwahhuuti.

2 QOM'I 34:4

Kiteeridá' ta ilahhooa hanmaamisi dír Ba'ali kina dír geeraawós wa daraáhh, kiteeridá' taa gáwtí tleereés ta mooyángw i da/aa/an inós gina sií'. Munguúdá' ta bay Ashera kuri naasúy, nee slaqsa'aá hatlá' kudá' taa hhasliít nee awa taa kwahhuuti, teeridá' gari kwahhtá áy gawaá /antaá mukdá' aáng slaqsi'iiká' gaa sluufmaamiis.

ISAYA 7:9

Slám ságw Efraimu a Samaria, nee ságw Samaria a garmoó Remalia. Barnaxes a haratlintatia'aaká, looeemaawo a gawdura'aaká.»

YEREMIA 2:17

Kuungá' múk Israeli tí ana kiloohúng leelehhité'. Aníng ina geexeeré', anuú AAKOÓ MUNGÚ, Munguúhúng kudá' naa geerahaar baraá loohiro.

YEREMIA 2:19

Tlakweemahúng awa kilá' kuungá' nu muxiyá', nee kuungá' lo'o nu eér as aníng iwa geexeeré'. Gimsé' xuaak, ka ló'wa tlaakw nee a gár slahh'eemiis, anuú AAKOÓ MUNGÚ, Munguúhúng, bira geexeeré', nee ilaiwa/amer'eé' bara hingesé' baraá muunerhunge. Anuú Aakoó MUNGÚ Aleesleemusmo tí ngina oó'.

YEREMIA 23:13

Baraá tla/ángw aaruusér Samariaro gár ló'wa buhhtamis aga ár. Inooín nina aariiriné' ar umuú Ba'ali, muk'eé' oo Israeli nguri qwaareesiyé'.

YEREMIA 23:14

Ala baraá aaruusér Yerusalemuro xisluú dae tlaáq ugwa ár. Inooín in fuquusiyá' nee i /aysenaá tlaaqiyá', mukdaádá' tlakweemaá tlehhiít ngun muunií qaminá', as adoorí heé tlakweemaá mamáw i kaahh. Inooín sleémeero dir'eene an adór múk Sodoma, yaamuloouuser'ín a múk tlákw adór múk Gomora.»

YEREMIA 4:18

Yúda, hotaangók nee tlehhmi'iiwók kuúng ugwa kaangwí huwiyé'. Kaangwí an qwanaay nee slahh'amu diroge, slám a ló'wa dáh baraá muunaáwók.»

YEREMIA 5:25

Dakuúsarhúng kuungá' naa tsuuqaá /ít, nee tlakweemaahúng nuna hhooeemaá /itiyé'.

YEREMIA 6:19

Yaámu, iia qaasaak, ga/aawaak, aníng mukwí u amotlakweérí huúw, adoodá' inslaway'ín kudá' tlákw kus hariím. Asma inooín axweesante'eé' ngaa gaárií xui'iiká, nee intsaahhasar'eé' sleeme ngina si'iyé'.

WA/AA/I 5:16

Muruudá' aáng tira diidi'iimisaán aa faák, tsaxwaarén asma tlakweema iga tleehhaán.

ESEKIELI 16:46

«Hho'oorók ar ur a Samaria, tidár bihhaá /iya, dinkwa nee hhaeewók. Hho'oorók ar niina a Sodoma, tidá' bihhaá basa, dinkwa nee dasuwós.

HOSEA 7:1

Qoomár bar múk Israeli u ba/amisár wa slaá', tlakweemaaín kingin geehhoees, nee tlehhma'aá tlakw awa Samaria kingin laqán, asma tin kilooín al/aginá', nee in fisisiná', tan darah baraá maraá muu tan fisiisín, nee amoqár tsee/aawo malguuse i muruú múk hayohiín ar /uuru.

AMOS 6:1

Tsaxwaahúng kuungaásingá' aga yaandahhe'eese' baraá Siyoniro, nee tsaxwaahúng kuungaá amohhooár hootá' gawaá tloomár Samaríaro, tunduwa ga/ay a waawituú xooroodá' iia tleer tidá' múk Israeli aa haraahhiíf.

AMOS 7:9

Kiteeridaá saaliingw gawaá tlom'i awa doó Isaka ki fee/, nee wa/angwdá' hhohhó' oo múk Israeli ku taangu tleehh. Aníng tlahhoó waawutmo Yeroboamu un hhaamiís ar paánga.»

AMOS 8:14

Kudá' lo'o ngaa /ayiye' ar umuú munguúín kudá' ta bay Ashima, oo gixsár Samaria, iwa kaahiya', ‹Ar adoodá' munguú Dani ir daadeér,› nee ‹Ar adoodá' munguú Ber-sheba ir daadeér,› mukwí i huuhu'ún, iri baloó sihhiitiiká.»

MIKA 1:13

Kuungaásingá' yaamuloouusér Lakishír hoot, gaardaá slaqwara farsuú isláhh ti tsege'. Asma kuungá' tlakweemaá múk Israeli ina alealusé', nee múk Siyoni kuri tlakweemár eeré' sleeme.