MIKA 1:2 - Biblía Axweesantá Hhohho' ar Mungú 2004

² Kuungá' múk xoordu sleémeero, iia qaasaak, kuungá' baraá yaamu sleeme iia qaasaak nee umuúqo gár baraá yaamií diriia. Aakoó MUNGÚ nusa kwasleemuut iimír amór Do'ós kudá' hhoohhoó' wa ale.

MIKA 1:2 Iomraidhean Croise

1 WAAWITÁ 22:28

Mikaya iri oó', «Kuúng barnaxes naa kí/ ar wayda, daqaní AAKOÓ MUNGÚ aníng iga ya/aawiiká.» Iri malé kumiít axweesanto, «Iími, aníng tí ni kah iiaárí qaasaak.»

2 QOM'I 18:27

Mikaya iri oó', «Barnaxes kuúng naa kí/ ar wayda, daqaní AAKOÓ MUNGÚ aa axweesiiká ar loohír aníng.» Iri malé oó', «Aá xoóro, tí aníng ni kah iiárií qaasaak.»

WARA'AMI 11:4

AAKOÓ MUNGÚ i baraá Do'ós kudá' hhoohhoó'. Kitángw AAKOÓ MUNGÚ i gawaá doori. Muu gu ga/áy ilaawose. Umuúqo gár muu i tlehhiiti ga xuu'.

WARA'AMI 24:1

Yaamu nee muruudá' sleémeero gaa hatsiis an daqaari'iimár AAKOÓ MUNGÚ, yaamu nee múk baraawós wa hoota a kós.

WARA'AMI 28:2

/Aa/ee'eé' iiárií qaaseek qoomár bar alee/isoó fiririím, dabaaeé' bira gáwtí tleés amór Do'ók kudá' hhoohhoó'.

WARA'AMI 50:1

AAKOÓ MUNGÚ, Munguú Aleesleemusmo, in axwees, múk baraá hhapeemo sleémeero gun amoorós i ateetín da/aáw wa tleemu ay /uwa.

WARA'AMI 50:12

«Geeraawo bar aníng an qwariita, un qo ádbawaaká. Asma yaamu a kwe'eé', tam muruú daanduú yaamu a kwe'eé'.

WARA'AMI 50:7

«Kuungaá muk'eé', iia qaasaak, gár ni oo' i deer. Israeli, adór kuúng tay diri' ngi lamabuú'. Aníng an Mungú, aníng a Munguúwók.

AXWEESANOÓ SAGALOOA 8:4

«Aá xoóro, aníng kuungá' nun ateetiím, ateetamor'eé' a amór muu sleémeero.

ISAYA 1:2

Iia qaasaak kuungaá doóri, iia qaasaak kuungaá yaámu, asma AAKOÓ MUNGÚ aa axweés, iwa kaahi, «Na/ii ina /aymiís nee ina umiím, ala iga aldee/anuutiyé'.»

ISAYA 18:3

Kuungaásaá yaamuloouusér baraá yaamu sleémeero, iia qaasaak, kuungaásingá' baraá yaamú wa hootá', qoomár bendeéra bar ka gawaá tlom'í wa tleés ta qaytsitá', qoomár tarumbeéta barka ufaáhh iia ka qasá'.

ISAYA 50:7

Asma Aakoó MUNGÚ in alee/iimiis, gawaá adoorihe, heé nee aníng ti tlaampa'aasá' i kaahh, gawaá adoorihe, aníng guruueé' ugwa tlaa/árí dahaás. Aníng a xuú' ti baloó mureekeesiiká.

YEREMIA 22:29

Aá yaámu, yaámu, yaámu, axweesantá AAKOÓ MUNGÚ iiárií qaasaak!

YEREMIA 29:23

Inooín adoorí gin sleér, asma alsi'imu nguna tleehhiyé' baraá yaamaá Israeliro. Inooín fuqi kana tleéhh nee tlaawoó muu, nee lama kana tlaáq ar umuú AAKOÓ MUNGÚ, gár anuú AAKOÓ MUNGÚ ngaa bawiiká kana tlehhiít. Aníng tí a xuú', aníng a lamabu'usmo. Anuú AAKOÓ MUNGÚ tí ngina oó'.»

YEREMIA 42:5

Naagáy muu Yeremia guri báy, «Masók AAKOÓ MUNGÚ a lamaabu'usmoó ló' nee oo inkihhimuú koóm daanduurene, barnaxes axweesantadá' AAKOÓ MUNGÚ Munguúwok uwa amoorén i ya/aáw aga tleehhaniiká.

YEREMIA 6:19

Yaámu, iia qaasaak, ga/aawaak, aníng mukwí u amotlakweérí huúw, adoodá' inslaway'ín kudá' tlákw kus hariím. Asma inooín axweesante'eé' ngaa gaárií xui'iiká, nee intsaahhasar'eé' sleeme ngina si'iyé'.

YONA 2:7

Qoomár muunaáeé' iwa /e/etin, AAKOÓ MUNGÚ nguri insláw, firor'eé' niri hardát amoorók i alé, baraá Do'ók kudá' hhoohhoó'.

YONA 2:8

Mukdá' munguaá hatlá' haratlintaatií', ta inkihhimuú konká diroge.

HABAKUKI 2:20

«Ala AAKOÓ MUNGÚ i baraá do'ós kudá' hhoohhoó' i dirii', yaamu sleémeero i xasliitiye' geeraawós i ale.»

MALAKI 2:14

Ala kuungá' a kata', «Asma milá?» Asma AAKOÓ MUNGÚ tawa lamabu'usmoó al'axweesani tla/ángw kuúng nee hareerók ar bi/i, tidá' taa sí' inós tam toge, nee harér al'axweesantók.

MALAKI 3:5

AAKOÓ MUNGÚ Aleesleemusmo i kaahi, «Aníng kuungá' nun i tseewúw as nuwa sakwasleemuut, aníng tay lamabu'usmoó inslahhúw daanduú da/aluuseero, nee daanduú fuquuseero, nee daanduú kudá' lo'ór huwahuuwá' ar lama, nee daanduú kudá' sagadiyuuser'ín ngi baramaanuusá' baraá slaasláwar'ine, kudá' kwaalo'o nee panmo ngi baramaanuusá', kudá' hariímár /eetusmo ngi /ititimá', tam aníng i da'ayumitiaaká.»

DABE 32:1

«Aá doóri, kuungá' iia qaasaak, aníng a axweés. Aá yaámu, axweesanoó ni axwees iiárií qaasaak.

Geehhoeemaá 2:11

«Heé iaá koóm, axweesantí ngi axaasi, tí Qeeru i kaahi dír múk kríshaanáy, «Heé arba/ati ga sláw, inós ku slahh'eesiiká nee gwa'araadár tsár.»

Geehhoeemaá 2:17

«Heé iaá koóm, axweesantí ngi axaasi, tí Qeeru i kaahi dír múk kríshaanáy, «Heedaádá' arba/ati ga sláw, aníng muruú /aymaadá' ta bay Maána kudá' taa luú/, u haniís. Nee tlaa/anoó /awaák nguri haniís. Gawaá tlaa/anoodae umuú /abén kwaa gooín, oo ta baloó tsaahhiiká nee hee, aqo har heedaádá' gu sláw.»

Geehhoeemaá 2:29

«Heé iaá koóm, axweesantí ngi axaasi, tí Qeeru i kaahi dír múk kríshaanáy.»

Geehhoeemaá 2:7

«Heé iaá koóm, axweesantí ngi axaasi, tí Qeeru i kaahi dír múk kríshaanáy, «Heedaádá' arba/ati ga sláw, aníng u ya/aám mamaá xa'anooduú slafiingw ngiwa /ayi, kudá' baraá asalmoó Mungú i dirií'.»

Geehhoeemaá 3:13

«Heé iaá koóm axweesantí ngi axaasi, tí Qeeru i kaahi dír múk kríshaanáy.»

Geehhoeemaá 3:22

«Heé iaá koóm, axweesantí ngi axaasi, tí Qeeru i kaahi dír múk kríshaanáy.»

Geehhoeemaá 3:6

«Heé iaá koóm, axweesantí ngi axaasi, tí Qeeru i kaahi dír múk kríshaanáy.»

HAR'OHUUSE 11:10

Bariiseedá' iri oó', «Ar tsuwa ló', AAKOÓ MUNGÚ a lamabu'usmoó tí, atén adoosíng kuúng ta sla' ngi tleehhaán.»