MIKA 1:13 - Biblía Axweesantá Hhohho' ar Mungú 2004

¹³ Kuungaásingá' yaamuloouusér Lakishír hoot, gaardaá slaqwara farsuú isláhh ti tsege'. Asma kuungá' tlakweemaá múk Israeli ina alealusé', nee múk Siyoni kuri tlakweemár eeré' sleeme.

MIKA 1:13 Iomraidhean Croise

IIMU/UUNGW 19:17

Qoomár kiwa tsee/ií duúx, malaykamoó wák iri oó', «Goów, slafiingók ba/amiseek, ló' ma alií qaytaar, tam sleeme ma dír wák i sihhiitaar baraá xatstihe, ti ba/amis gawaá tloomaarí alé, as tawa gwa'aká.»

1 WAAWITÁ 14:16

AAKOÓ MUNGÚ múk Israeli gu sii' as tlakweemadá' Yeroboamu aa tleéhh, nee múk Israeli gway baraá tlakweemií dahaás.»

1 WAAWITÁ 16:31

Slám tam tlehhma'aá Yeroboamu garmoó Nebati gaa eehari, Ahabu Yesebeli gari duúx, dasír Etba'ali, waawutmoó Sidoni. Ahabu Ba'ali guri sagadiyuús, nee gway sluufmiís.

1 WAAWITÁ 4:28

Umuúqo heewo baalaarós iwa xeér angaánoó shayiíri nee gitsór faras i /ayi gana huúw nee makaydá' tii'íngw baalá'.

2 WAAWITÁ 14:19

Muu qeeruú Amasia kur gaasi baraá Yerusalemu kuri tleéhh. Ala inós ngiwa tsaáhh iri goów Lakishi. Ala múk inós gu gaás kway Lakishírí ya/aáw kuri amoodá' wa gaás.

2 WAAWITÁ 18:17

Naagáy waawutmoó Ashuru geeraharusmoó úr oo slaqwaruuse nee geeraharusmoó úr oo askaári nee geeraharusmoó múk taa karmuumúy dinkwa nee slaqwaruusér yaariir, gari ya/aáw amór Lakishi wá ale ay amór waawutmo Hesekia baraá Yerusalemu, niri hardihiyé' baraá Yerusalemu. Inooín niwa hardihiyé' nay sihhitiyé' bihhaá maparír ma'aay tidár bihhaá loohidá' ur, ar amór didár hhuuntsitór kaw.

2 WAAWITÁ 8:18

Inós loohidá' tlaakw ar waawituú Israeli gana eehár, adór hhay Ahabu aa tléhh gana tleéhh, asma hareerós an dasír Ahabu. Inós muruú tlákw guna tlehhiít dír geeraá AAKOÓ MUNGUHE.

2 QOM'I 11:9

nee Adoraimu, nee Lakishi nee Aseka,

2 QOM'I 32:9

Alaá tihe waawutmo Senakeribu oo Ashuru, qoomár gixsár Lakishi ngiwa haraweel, sagadiyuuse gari ya/aáw Yerusalemu amór waawutmo Hesekia oo Yuda, nee dír muu sleémeero oo Yuda, kudá' baraá Yerusalemúrií dirií', tawa kaahi,

YOBU 39:10

Xáy, a aleesleéra ar wák kawa himúr tsek kari ar dósl? Laqaá inós i ya/aánda kurmo nguwa ar dosl?

TI'INAANGW 32:21

Mose Aroni guri báy, «Gár mukwí naa kuúngií tleéhh a milá, tlakweemaá ur awa adór kuká' kiri dir'ínií húp?»

ISAYA 10:31

Múk Madmena ta baraá guwaay, yaamuloouusér Gebimu taa /akumiít as dír saxamaar ngiwa slaya'.

ISAYA 36:2

Waawutmoó Ashuru geeraharusmoó úr oo slaqwaruuseerós guri ya/aáw amór Lakishír wa alé, amór waawutmo Hesekia baraá gixsár Yerusalemu. Geeraharusmoodá' ina sihhiít dír maparír ma'aá wa/amis baraá tlahhsa, bihhaá gawa awa loohír ur ar dír hhuntsitór kaw.

ISAYA 37:8

Geeraharusmoodá' iwa kií/ gari axaás adór waawutmoó Ashuru ira quútl baraá Lakishiro, iri tláy naxés gixsár Libna gana i haratláy.

YEREMIA 3:8

Múk Yuda fuqtá múk Israeli kudá' inkihhimu wásl gana ga/aa/áy, inooínaadá' aníng naa sií'. Ala hhaeekaá lamuuse awa Yuda naa da'ayuti'iiká, nina tlayé' niri fuqtá ayé'.

YEREMIA 34:7

Qoomaarihe slaqwaruusér waawutmoó Babuloni ta slaaqw nee gixsár Yerusalemu, nee gixsadaá hatlá' awa Yuda, kudá' naa meetiye' adór gixsár Lakishi nee Aseka, asma an gixsadaá koo/i gawden baraá yaamaá Yudawo.

YEREMIA 4:29

Qoomár afór slaqwaruusér aa tsa/aan gawaá faras nee ar maheeraá tlaquút birnga axaasiyé', umuú heewo iri ta'aaín. Bahh'alé tari dah baraá xwaansloó giíw, bahh'alé tari tsa/án gawaá tlaa/aá uren, umuú gixsaro in tawo mét, tam heé baraadá' hoót i kaahh.

ESEKIELI 23:11

«Hho'oorós Oholiba adoorí gana aán, ala inós ina ak harwaaráhh tlehhma'aá fuqto, tlehhmi'iiwós ki ak tlakw ta awa hho'oorós Oholaro.

MIKA 1:5

Tí sleémeero i tleehharút as dakuúsár múk Yakobo nee as tlakweemaá múk Israeli. Xáy, dakuúsar múk Yakobo a milá? Ahaá, a gixsar'ín tidá' ur ar Samariároke? Xáy, tlakweemaá múk Yuda a milá? Ahaá, a gixsar'ín tidá' ur ar Yerusalemuúwoóke?

YOSHUA 10:3

Gawaá adoorihe waawutmo Adoni-sedeki afo gay ya/aáw amór waawutmo Hohamu oo Hebroni, nee waawutmo Piramu oo Yarmuti, nee waawutmo Yafia oo Lakishi nee amór waawutmo Debiri oo Egloni.

YOSHUA 15:39

nee Lakishi, nee Boskati, nee Egloni,

Geehhoeemaá 2:14

Ala aníng axweesanoó niiná u koóm daanduuwoge. Kuúng mukko u koón diroge, oo intsaahhatimisuú Bala'amu gu eeharahaár. Inós an kudá' Balaki gwa intsaahhatimis adór múk Israeli ngur al/ayi, as masók inooín fu'unaydá' kiwa /ayi, kudá' taa ilahhooár wa hanimiís dír munguaá murslaaqat, nee tawa fuquusi.

Geehhoeemaá 2:20

Ala aníng axweesantaka a koóm daanduuwoge, /ameenidá' ta babay Yesebeli a aleeya/a/aán. Inós ti babeer a aaruso'o, nee sagadiyuuser'eé' gari intsaahhatimís nee gari qwaarés as tawa fuquusi, nee fu'unaydá' kiwa /ayi awa taa ilahhooár wa haniís dír munguaá murslaaqat.