MIKA 1:1 - Biblía Axweesantá Hhohho' ar Mungú 2004

¹ Kaangwí an axweesantá AAKOÓ MUNGÚ, tidá' Mika aa axaás, heé gixsár Moresheti, de'emaá waawituú yaamaá Yuda tawa Yotam nee Ahasi nee Hesekia. Inós axweesantí gana axaás ar loohír iigu'utuú aa araa'ár daanduú gixsár Samaria nee ar Yerusalemuro.

MIKA 1:1 Iomraidhean Croise

2 WAAWITÁ 15:32

Kurkú tsár oo waawuti'iimár Peka garmoó Remalia oo Israeliro Yotam garmoó Usia waawutmoó Yuda waawuti'iima gana iimu/ún baraá Yudawo.

2 WAAWITÁ 15:5

AAKOÓ MUNGÚ Asariya guri slaáhh ar tiqtír tsatmit ay gwa'ararós. Kuri har meetín nee muu baraá do'ós kudá' aa hooti. Gadiyeérós sleémeero ar waawut'iima kari tleéhh nee garmaawós Yotam.

2 WAAWITÁ 16:1

Kurkú mibaá nee faanqw oo waawuti'iimár Peka garmoó Remalia waawutmoó Israeliro, Ahasi garmoó Yotam waawutmoó Yuda waawuti'iima gana iimu/ún.

2 WAAWITÁ 18:1

Kurkú tám oo waawuti'iimár Hoshea garmoó Ela, waawutmoó Israeli, Hesekia garmoó Ahasi waawutmoó Yuda waawuti'iima gana iimu/ún.

2 QOM'I 28:1

Ahasi waawuti'iima ngiwa iimu/ún kureeriiwós a mibeeri tsár, ina waawuti'ín Yerusalemúr wa ale kureeri mibaá nee lahhoó'. Inós loohidá' hhoo' ar baabuúwós Daudi ga eehariiká, kángw AAKOÓ MUNGÚ sla'atimisaaká guna tleéhh.

2 QOM'I 29:1

Waawutmo Hesekia waawuti'iima ngiwa iimu/ún kureeriiwós a mibeeri tsár nee kooán, nee ina waawuti'ín Yerusalemúr wa ale kureeri mibeeri tsár nee gwaleél. Aayoorós a Abiya dasír Sekaria.

ISAYA 1:1

Kaangwí an iigu'utuú Isaya garmoó Amos aa ár, daanduú Yuda nee gixsár Yerusalemuro, de'emaá waawituú Yuda oo aa waawuti'ii'ín tawa kwí: Usia, nee Yotam, nee Ahasi, nee Hesekia.

ISAYA 1:2

Iia qaasaak kuungaá doóri, iia qaasaak kuungaá yaámu, asma AAKOÓ MUNGÚ aa axweés, iwa kaahi, «Na/ii ina /aymiís nee ina umiím, ala iga aldee/anuutiyé'.»

ISAYA 7:1

De'emaá waawutmo Ahasi garmoó Yotam, garmoó Usia, tawa waawutmoó Yuda, qoomaadae slaqwara nina /awuúr. Resini waawutmoó Aramu nee Peka garmoó Remalia, waawutmoó Israeli, gixsár Yerusalemu kana i haratláy, ala ngaa hayohi'iiká.

ISAYA 7:9

Slám ságw Efraimu a Samaria, nee ságw Samaria a garmoó Remalia. Barnaxes a haratlintatia'aaká, looeemaawo a gawdura'aaká.»

YEREMIA 26:18

«Qoomár Hesekia tawa waawutmoó Yuda, Mika, heé Moreshetír daáhh, múk Yuda sleémeero guna báy, AAKOÓ MUNGÚ Aleesleemusmo i kaahi, ‹Gixsár Siyoni ka adór qaymór wá doosl. Gixsár Yerusalemu ka taangu tleehh. Tloomár Doó Mungú i darma tleehhít.›

HOSEA 1:1

Kaangwí an axweesantá AAKOÓ MUNGÚ ar Hosea aa axaás, garmoó Be'eri, de'emaá waawituú yaamaá Yuda tawa Usia, nee Yotam, nee Ahasi nee Hesekia, nee waawutmoó yaamaá Israeli tawa Yeroboamu garmoó Yoashi.

HOSEA 4:15

Tam kuungaá Israeli a fuquuseero, ala múk Yuda tlakweema mingiwa tleéhh. Kuungá' ma tlawaara' ay Gilgali, tam ma tsa/amaara' ay Bet-afeni, sleeme umuú Aako mu lo'órár huwahuwaara' tawa kata', «Ar adoodá' AAKOÓ MUNGÚ ir hotaatin.»

HOSEA 8:14

Asma múk Israeli tleehharusmooín kwaa gunqareés. Inooín maraá waawutmo kiri tleéhh. Nee múk Yuda gixsadaá yaariir awa koo/i gawden ngiri tleehhiyé', ala aníng asla an kwaáhh baraá gixsaduuwós. Asltí ko/uuwós kudá' gawden giri tukuúr.

AMOS 1:1

Kaangwí an axweesantá Amos, de'eemusmoó gixsár Tekoár daáhh. Geehhoeemaá aa ár daanduú xoorór Israeliwo kureeraá tsár geeraá kurkú kunseeliro, de'emaá Usia tawa waawutmoó Yuda, nee Yeroboamu, garmoó Yoashi tawa waawutmoó Israeli.

AMOS 6:1

Tsaxwaahúng kuungaásingá' aga yaandahhe'eese' baraá Siyoniro, nee tsaxwaahúng kuungaá amohhooár hootá' gawaá tloomár Samaríaro, tunduwa ga/ay a waawituú xooroodá' iia tleer tidá' múk Israeli aa haraahhiíf.

MIKA 1:5

Tí sleémeero i tleehharút as dakuúsár múk Yakobo nee as tlakweemaá múk Israeli. Xáy, dakuúsar múk Yakobo a milá? Ahaá, a gixsar'ín tidá' ur ar Samariároke? Xáy, tlakweemaá múk Yuda a milá? Ahaá, a gixsar'ín tidá' ur ar Yerusalemuúwoóke?

MIKA 3:9

Na'asé' kaangwí iiárií qaasaak, kuungaásingá' geeraharuusér múk Yakobo, kuungaásíngá' baaluusér doó Israeli ngu sawaawuti'ii'imá', kuungaásingá' sakwasleemár ganaa' ngi ahhiitá', nee hhooeema kiri paslisé'.

HABAKUKI 1:1

Kaangwí an iigu'utuú AAKOÓ MUNGÚ oo aarusmo Habakuki aa ár.

2 Petro 1:21

Asma axweesantá aaru'uuma kinga baloó huwiiká as adoodá' hee i slai. Ala muu axweesantá Mungú gana axweés kiwa geeraharahaár nee Qeeruú hhoohhoó' oo Mungú baraá muner'ine.