Matayo 9:8 - Biblía Axweesantá Hhohho' ar Mungú 2004

⁸ Boo/aydá' didií dirií' adoodá' ngiwa ár iri da'ayuút. Mungú kuri xirfayeemiís, oo aleesleemuú adoorí gwa dír múkwí haniis.

Ya/abtór hho' 1977

⁸ Boo/aydá' didí dirií' adoodá' ngiwa ár iri da'ayuút. Mungú kuri xirfayeemiís, oo aleesleemuú adoorí gwa haniis dír múk i alé.

Matayo 9:8 Iomraidhean Croise

Matayo 12:23

Boo/aydá' sleémeero iri waa/oó/, tari káh, «Heewí a Garmoó Daudíwoóke?»

Matayo 15:31

Tam boo/aydá' iri waa/oó/ múk afewaslén kuwa ár, iwa axweesi, nee múk aa sol'omiit iwa hhooáy, nee taqooraay iwa hi'iimiti, nee taampu iwa xumiisiya'. Boo/aydá' Mungú múk Israeli kuri xirfayeemiís.

Matayo 28:18

Yesu giri i tseewúy, giri báy, «Aleesleemu sleémeero oo gawaá doori nee oo baraá yaamu kunga aníng i haniís.

Matayo 5:16

Gawaá adoorihe gwa/aateemaahúng i gwa/aatiye' dír geeraá muko, as tlehhemi'iihúng awa hhohho' kiwa ari, nee Baabuúhúng kuduú gawaá doorí dirií' kuwa xirfayeesi.»

Matayo 9:7

Iri sihhiít, iri waátl amór do'ós.

Marko 2:12

Siiwadár kilae heedaádá' iri sihhiít, hhaftuuwós guri gagaár, iri ti'iít geeraá muu sleémeero, muu sleémeero iri waa/oó/, Mungú kuri xirfayeemiís, tay káh, «Kureeriiwo gár adoorí aga baloó araaniiká.»

Marko 7:37

Waa/oo/amooro tari harwaaraáhh, tari káh, «Mura' sleémeero tlehhemuuwo gwa qoomeés. Heé iiawasli i axamiis, nee heé afewasli axweesani gaa aleesláy.»

Luka 13:13

Yesu dabaawós giri gawaá /ameenidá' i qaás. Inós hamtidár kilae iri ganá', Mungú guri xirfayeemís.

Luka 17:15

Ala heé wák dir'ine ngiwa ár adór ira hunguú/, iri kií/ amór Yesu, i hara Mungú xirfayeemiis ar afór ur.

Luka 17:18

Heé naa kii/ oo Mungú ngwa xirfayeesár ay i káhhi? Aqo har kwí kilós oo dahaaymoówo?»

Luka 18:43

Hamtidár kilae ilaawós nay qaytsitiyé', nee Yesu tari koné', inós i hara Munguú xirfayeemiis. Nee muu sleémeero adoodá' kawa ár, Mungú kuri xirfayeemiís.

Luka 2:20

De'eemuuseedá' iri kí/, ta hara Munguú xirfayeemiis, nee kuwa diidi'iimisi, as tidá' sleémeero taa axaás nee taa ár, adoodá' kara dir'ín i oó' nee malaykamo.

Luka 23:47

Nee geeraharusmoó askaári adoodá' ngiwa ár, Mungú guri xirfayeemiís iri oó', «Ar ló', heewí i dakuúsár konká.»

Luka 7:16

Muu sleémeero iri da'ayuút, Mungú kuri xirfayeemiís ta kaahi, «Aarusmoó úr naa ayaarén wa ti'iít,» nee «Mungú naa mukós ba/amisár áy.»

Yohana 15:8

Baabuúeé' ku xirfayeemiis, as adoodá' kuungá' mamu kiwa ló'wa laqwaliinda', nee tawa eeharuuser'eé' ar ló'.

Tlehhema'aá ya/Abuuse 11:18

Axweesantí kawa axaás tari xasliít, Mungú kuri xirfeés, tari oó', «Laatí Mungú tam múk xoordaá hatlá' sleeme gwa pa/ángw i haniís oo hhu'u'uungw, as slafiingw nguwa slaya'.»

Tlehhema'aá ya/Abuuse 21:20

Inooín kaangwí kuwa axaás, Mungú kuri xirfayeés, Paulo kuri báy, «Hhiyaarén, a ga/eéraáke múk Yahudi oo aa haratlintii' adór tar kumér yaariir. Inooín hara'ayár Mose ngi ló'wa ohiná'.

Tlehhema'aá ya/Abuuse 4:21

Alaá kiwa malé iigahhaata hhe'eés, kiri gweér asma pa/aangw kwa ariiká oo kiwa sakwasleemuuti as muu. Asma muu sleémeero Mungú guna xirfayeemiís as tidá' sleémeero aa tleehharut.

2 korinto 9:13

Alee/isaywí gár i laqaqan a haratlintaaorhúng. Nee inooín Mungú ngun sluufmisiyá' as haratlintaaorhúng. Asma haratlintaaoorí a kaahanaaká Ya/abtór Kristo an tawó katá', ala ana iialooeemisé' sleeme. Asma muruudá' ta koonda' una hanimisé' ar yaareema dir'ín i alé tam dír muu sleémeero.

Galatia 1:24

Inooín Mungú kuri xirfayeemiís as aníng.

1 Petro 2:12

Slafingwhúng masók i tlehhema'aá hhohhó' laqaaqán dír geeraá múk xoorduuwo. As qoomár inooín burtundu /ayseenií tlaaq, tawa kaahi, a muruú tlákw tlehhitá', ala inooín tlehhemi'iihúng awa hhohho' birka ara'ár, daqaní inooín Mungú ku xirfayees bál inós birna hardáh.