Matayo 9:6 - Biblía Axweesantá Hhohho' ar Mungú 2004

⁶ Ala kuungá' xuaak adór Garmoó Hee aleesleemu ngur kón baraá yaamuwo oo tlakweema ngiwa gurtlay.» Tiqtusmoodá' guri báy, «Sihhiít, hhaftuuwók gagaareek, waátl amór do'ók.»

Ya/abtór hho' 1977

⁶ Ala kuungá' xuaak gídaabá Garmoó Hee aleesleemu gu kón baraá yaamuuwo oo tlakweema hingeesa.” Tiqtusmoodá' guri báy, “Sihhiít, qatanirók gagaareek, waátl amór do'ók.”

Matayo 9:6 Iomraidhean Croise

ISAYA 43:25

Anínguú kilá' an kudá' tlakweemaahúng gi hamtliít as aníng kilooeé'. Aníng tlakweemaahúng i baloó inslawaaká.

MIKA 7:18

Munguú adór kuúng i deéro? Asma kuúng tlakweemaá mukók kudá' aa meet in gurtleér, nee dakuúsar'ín an hingeemís. Kuúng buhhtaawós i alkomkakondaaká deelo sleémeerowo. Ala gár ta ló'wa sla' a sla'aarír warqawaaká,

Matayo 4:24

Kaangós iri tsiyaayaaxaát baraá yaamaá Shamu sleémeero. Múk tiqtír dimbadimbé kunguri huúw dirós i alé, nee kudá' slahh'amuú koomá', nee múk neetlaame aa eér, nee múk /araraám, nee múk tiqtír sol'omit, sleémeero giri hungu/umiís.

Matayo 8:20

Yesu iri oó', «Intsaawe i mar'ór koón, nee tsir/o i maray'ín koón, ala Garmoó Hee tam dír sagós nguy qaasi i káhh.»

Matayo 9:2

Heé tiqtír sol'omit kuri huúw dír Yesu, aa qaát gawaá shafta. Nee Yesu haratlintaaor'ín ngiwa ár, heedaáduú tiqtír sol'omit guri báy, «Ma da'ayumiitaar, garmaaeé'. Tlakweemaawók kaa gurtláy.»

Matayo 9:5

Gár ák inslaahh a gaalá, a tawa oói, ‹Tlakweemaawók kaa gurtláy›, laqaá tawa ooi, ‹Sihhiít, hi'iít›?

Matayo 9:7

Iri sihhiít, iri waátl amór do'ós.

Marko 2:10

Ala kuungá' xuaak adór Garmoó Hee aleesleemu ngur kón baraá yaamuwo oo tlakweema ngiwa gurtlay.» Tiqtusmoodá' guri báy,

Marko 2:7

«Asma milá mis adoorí kah? I Munguú /ooslislín. Heé tlakweema gurtleemuuwo gi aleesláw a heemá? A har Mungú kilóseéke?»

Luka 5:21

Intsaahhatuusér hara'ayár Mose nee múk Farisayowo tiri yaahamiisiyé' ta kaahi, «A heemá heewí /aymi'iiká' gi káh, awa Mungú /ooslisliingw? Heé tlakweema gurtleemuuwo gi aleesláw a heemá, a har Mungú kilosekáhe?»

Yohana 10:28

Aníng u slafíngw alhhe'eesay wásl i haniís, nee inós i baloó qwaariiká. Slám heé gu gawaá dakw'eé' wa hayóh i kaahh.

Yohana 17:2

adoodá' kuúng Garma kura aleesleemuú i hanís daanduú muu sleémeerowo, asma sleémeero kudá' taa dirós i hanís ngiwa slafíngw alhhe'eesay wásl i haniisi.

Yohana 5:27

Slám aleesleemuú sakwasleema gwa amoorós i haniís asma tawa Garmoó Hee.

Yohana 5:8

Yesu iri oó', «Sihhiít, hhaftuuwók gagaareek, tláw.»

Tlehhema'aá ya/Abuuse 5:31

Mungú heewí guri xirfayeés ar dakós oo doó /iyáy, as tawa heé úr nee ba/amusmo, as múk Israeli nguwa hhu'u'úngw i huwi nee hingeemisuú tlakweema nguwa slaya'.

Tlehhema'aá ya/Abuuse 9:34

Petro guri báy, «Enéa, Yesu Kristo kuúng u hungu/uus. Tláw, faltók amohhe'eeseek.» Qoomaadár kilae iri tláy.

2 korinto 2:10

Asma heé kuungá' taa gurtleeré', heedá' aníng sleeme ugwa gurtláw. Asma aníng gár naa gurtláw, aga gurtláw, barnaxes gaa i deer ar nguwa gurtlaw. Slám gadá' naa gurtláw, aga gurtláw as kuungá' dír geeraá Kristó wa ale,

2 korinto 5:20

Gawaá adoorihe atén a ya/abuusér Kristo. Atén bar axweesaán, a adór Mungú in gurbu'ún ar afeerén. Gawaá adoorihe atén kuungá' nun firiimaán as daanduú Kristó wa ale as kuungá' tunduwa haraki/isi nee Mungú.

Efeso 4:32

Kuungá' masók a múk hhó' nee oo gurtleemuú koóm. Ti kiloohúng gurtlatleere' adoodá' Mungú kuungá' nura gurtláy baraá Kristowo.

Kolosai 3:13

Kuungá' kiloohúng ti sa qiqtliinde', nee ti gurtlatleere' hee bar kuqá' gwa sa dakuús. Gár kuungá' tunduwa hariím a tin kiloohúng gurtlatleerá' adoodá' Aako kuungá' nura gurtláy.