Matayo 9:4 - Biblía Axweesantá Hhohho' ar Mungú 2004

⁴ Ala Yesu tidá' ta baraá muner'ín i axweesi gari tsaáhh, iri oó', «Muruusíng tlákw mus baraá munerhúngí axwesá'?

Ya/abtór hho' 1977

⁴ Ala Yesu tidá' ta baraá muner'ín i axweesi gari tsaáhh, iri oó', “Muruusíng tlákw mus axwesá' baraá munerhunge?

Matayo 9:4 Iomraidhean Croise

WARA'AMI 139:2

Bar iwiwiít nee bar sihhimiít, kuúng aníng i xú'. Iinslaway'eé' ugwa tsáhh amór saáw wa ale.

WARA'AMI 44:21

ahaá geeraawo Mungú gaa tsaáhhiíke? Asma inós sufuú baraá mune gun xuu'.

ESEKIELI 38:10

«Kuúng, Gógu, anuú Aakoó MUNGÚ a kah, baalaadá' birna xeér muruú tlákw kuri axwés baraá muunaáwók i ale, nee kuri qoomeemés tari o',

Matayo 12:25

Ala Yesu inslaway'ín nguwa tsaáhh giri báy, «Umuúqo waawuti'iimaro birti kilós tlaampa'aamís, i hhitirút. Slám gixsa, laqaá umuúqo do'o birti kilós tlaampa'aamiis, do'dá' i sihhitiiká.

Marko 12:15

A hanisána, laqaá a hanisanaaká?» Yesu hhaahhafingw'ín nguwa tsaáhh, giri báy, «Ahaá a milá, mihar iiara'adá'? Peesmo huware', án u ár.»

Marko 2:8

Ala Yesu adoodá' i baraá muner'íní axweesiyá' gari adaá tsaáhh baraá qeeruuwose giri báy, «Asma milá adoosíng mas baraá munerhúngí aldakwtá'?

Luka 11:17

Yesu tidá' ta baraá muner'ín i axweesi gari tsaáhh, giri báy, «Umuúqo waawuti'iima birti kilós tlaampa'aamís, waawuti'iimarí aqo in hhitirút. Nee múk doó wák barnaxes ti kilooín tlaampa'aamiis, do'dá' i sihhitiiká.

Luka 5:22

Yesu axweesantaín gari tsaáhh, giri báy, «Gár ta baraá munerhúngií aldakuta' a milá?

Luka 6:8

Ala Yesu tidá' ta baraá muner'ín i axweesi gari tsaáhh, heedaádá' dakós aa sol'oot guri báy, «Tláw, baraá tla/aangw i sihhiiteek.» Heedaádá' iri tláy iri didaádií sihhiít.

Luka 7:40

Yesu iri ilawaáts, iri oó', «Símon, gár ni kuúng i ooár wa slaa' i deer.» Iri oó', «Intsaahhatusámo, ooang.»

Yohana 16:19

Yesu gari tsaáhh adór eeharuuseerós ngur yaahaasár wa slá', gari báy, «Gár tiwa yaahamisa' a tidá' nuwa báwi, ‹Alaá deelór niina bira waaráhh, án kuungá' i aanda'aaká, nee slám alaá deelór niina bira malé waaráhh, án kuungá' i malé aandá'.›

Yohana 16:30

Atén aga xuaán adór mura' sleémeero kuúng kur xú', nee slám gaa i káhh ar hee kuúng uwa yaahasi. Gawaá adoorihe aga haratlintiaán adór kuúng tar amór Mungú dáhh.»

Yohana 21:17

Yesu iri malé oó' sagaáwa tame, «Símon, garmoó Yohane, án kuúng i slá'a?» Petro iri gurhaamuút asma adoodá' kuwa yaahaás sagaáwa tame, nguwa báy, «Án kuúng i slá'a?» Petro iri oó', «Aáko, kuúng mura' sleémeero u xú', nee kuúng aga tsáhh adór án kuúng ur slaá'.» Yesu iri oó', «Bee/angw'eé' /aymiiseek.

Yohana 6:61

Yesu baraá muunaáwose adór eeharuuse /aymuudá' ngur qununú/, gari tsáhh iri oó', «/Aymuuwí i dukutsumo tleehhimíti dirhunge?

Yohana 6:64

Ala baraá tla/angwhunge muu i deer oo aa haratlinti'iiká.» Asma Yesu mukdá' gwa haratlinti'iiká gu qaroó geerií xuu', tam heedaádá' gu sakií/ sleeme.

Tlehhema'aá ya/Abuuse 5:9

Petro iri oó', «Kiíng nee hhawaatuuwók Qeeruú Aako adór al/aymaaro kura qitlé' a adoomá? Qaytsiít mukdá' aakoowók gwa foolár áy hanoos i dír afkú do'. Nee hám kiíng sleeme ti tsee/áy huuw.»

Geehhoeemaá 2:23

Nee aníng na/iiwós i faák tsu/utaaro. Nee múk kríshaanáy sleémeero gari xuu' adór aníng tar kudá' munér muu ga tsee/ariím nee inslawaywo. Nee aníng umuúqo heewo baraahunge un buú' ar adoodá' inós wa hariím as tlehhemi'iiwós kudá' aa tlehhiít.