Matayo 9:38 - Biblía Axweesantá Hhohho' ar Mungú 2004

³⁸ Gawaá adoorihe Aakoó bu'uungw loó' firiimaak as múk gadiyeé nguwa ya/aawi baraá bu'uungós.»

Ya/abtór hho' 1977

³⁸ Ala gawaá adoorihe Aakoó bu'uungw na firiimaak as múk gadiyeét nguwa ya/aawi baraá bu'uungós.”

Matayo 9:38 Iomraidhean Croise

WARA'AMI 68:11

Aako axweesantós gana oó', /ameenár yaariir ya/abtór hho' gari ilaharmís.

WARA'AMI 68:18

Kuúng aga gáwtí tsa/aán, múk yaariír ugwa haasaáng wa húp. Qeemu ugwa sleér dír múk wa ale, eeít, tam mukdá' aa dee/aanuut ugwa qáy sleeme, AAKOÓ MUNGÚ i tla/angw'ín wá hoot.

YEREMIA 3:15

«De'eemuusér aníng i iialooeemiis ngi kuungá' i sláw, múk kuungá' nu /aymiís ar xu'uti nee tsaahha.

MIKA 5:7

Baraá tla/ángw xoordaá yaariire panaydá' aa meet baraá múk Yakobowo tay adór har'uú amór AAKOÓ MUNGÚ daáhh, nee adór tluwoó doomu baraá gitsooro. Inooín hee ku harahhifiiká, nee muu ngu haratlinti'iaaká.

Matayo 9:37

Yesu eeharuuseerós gari báy, «Bu'uungw ku yaariír, ala múk gadiyeé ku niiná.

Yohana 20:21

Yesu giri malé báy, «Wayda masók i dirhúng. Adór Baabá aníng ira ya/aáw, aníng kuungá' sleeme nun ya/aáw.»

Yohana 4:35

Kuungá' a kata'aakáhe, ‹Slahheeri naa meetiyé' a tsiyáhh, daqaní bu'uungw aa xáy.› Ala án a kah, baraá qamu i qaytsitaak, ki aandá' adór nira /awaakuyé', bu'uungo a ido.

Tlehhema'aá ya/Abuuse 13:2

Looarka wake múk kríshaanáy qoomár iwa Munguú sluufmiis nee tawa gwaawiwin, Qeeruú hhoohhoó' oo Mungú giri báy, «Barnaba nee Saulo amor'eé' paraatlare' as gadiyeédá' ngiwa ateét.»

Tlehhema'aá ya/Abuuse 8:4

Ala eeharuuseedá' aa diyaa/at iri tleér umuúqo amooro, Ya/abtór hho' kari alki/iít.

1 Korinto 12:28

Baraá tla/ángw kríshaanayhe Mungú muu bahh'alé guna qaás. Múk geera a ya/abuuse, múk tsár a kuduú aaruuse, múk tám a intsaahhatuuse. Múk aluudá' a kudá' aleesleemu gu koóm oo muruú waa/oo/amo nguwa tlehhiiti. Nee slám múk aluudá' a mukdá' aleesleemu gu koóm oo tiqtuuse kawa hungu/umiisi, nee kudá' aleesleemu gu koóm oo muu kuwa alee/iimisi. Nee oo hatlá' a mukdá' aleesleemu gu koóm oo muu kuwa geeraharaahari, nee oo hatlá' a kudá' aleesleemu gu koóm oo tawa axweesi ar tsifrír dimbadimbé ar xuawaslen.

Efeso 4:11

Inós aleesleemuú Qeeru ngwa haniís, bahh'alé tawa ya/abuuse nee bahh'alé tawa aaruuse, nee kookaariya' tawa múk Ya/abtór hhó' alki/iít. Nee slám awa hatlá' tawa de'eemuuse nee intsaahhatuuse.

2 Tesalonike 3:1

Alhhe'eesaywo, hháe, atén ti aleefiriiriinde'. Firiirimé' as axweesantá Aako iwa geerií hi'it ar gaanslaay, nee kawa ilaoohi ar ilaiwa/ame ar adoodá' kuungá' kara ilaoté'.