Matayo 9:36 - Biblía Axweesantá Hhohho' ar Mungú 2004

³⁶ Yesu boo/oó muu nguwa ár, iri gurhaamuút, asma boo/aydá' iwa slaaqamiít nee iwa diyayaa/aát adór bee/ángw de'eemusmo wásl.

Ya/abtór hho' 1977

³⁶ Yesu boo/oó muu nguwa ár, iri gurhaamuút, asma boo/aydá' aa slaaqamiít nee taa diyaayaa/aát adór bee/ángw de'eamusmo wásl.

Matayo 9:36 Iomraidhean Croise

1 WAAWITÁ 22:17

Mikaya iri oó', «Múk Israeli sleémeero ugwa ár aa diya/aát gawaá tlom'i adór bee/ángw de'eemusmoó koomaaká. AAKOÓ MUNGÚ i kaahi, ‹Mukwí i geeraharusmoó konká, umuú heewo i watli amór do'ós ar wayda.› »

2 QOM'I 18:16

Mikaya iri oó', «Aga ár slaqwaruusér Israeli sleémeero aa tsiyayaaxát gawaá tlom'i adór bee/ángw de'eemusmoó koomaaká. AAKOÓ MUNGÚ i kaahi, ‹Mukwí i geeraharusmoó konká, raaqaay inooín ta watli ar wayda.› »

ISAYA 13:14

«Adoodár saragtá ta slakaati i diri', nee adoodár bee/ángw de'eemusmoó koomaaká i dirii'i, umuú heewo sleeme in haragwaa' amór mukós, nee umuú heewo sleeme in ta'aaín amór yaamuuwós.

YEREMIA 50:6

«Muk'eé' a adór bee/ángw aa qwaar, kin qwaareemiis nee de'eemuuser'ín, kina gan'aás gawaá tlom'i, nin gawaá tloomarí wa tláy ay gawaá gongoamooqá', inooín slumtaín ngiri gunqareesiyé'.

SEKARIA 10:2

Asma munguaá hatlá' gár i axweesiya' a muruú tawo, nee qwaslaarér isaá ar'aa'ar gár aa aán lama. Iigu'utuuser'ín tlataá lama ngin alki/itiyá', nee gurkwa/asár al/ayma. Gawaá adoorihe, muu in tawo tonganuus adór bee/aangw, inooín i slahhahhaiyá' asma iwa de'eemusmoó kon'aaká.

SEKARIA 11:16

Asma ga/aaweek, aníng de'eemusmo ngu sláw baraá yaamuukae, oo bee/ángw aa hhiturumiit gu amohhe'eesaaká, slám kudá' aa qwaar gu leelehhitiiká, nee oo aa qeqtin gu tlaawinká, tam kudá' hhó' gu /aymisiiká, ala kudá' wahhaará' gin /aay, nee ta/aanta/amaaín gin feehhamiis.

FAARO 27:17

Inós inooín gi geeraharahaar bar ta iwiiwiit nee bar ta hi'iimiit. Bar ta slaqwarár áy inós ta geeraharumooín, as kahhó' mukók miwa adór bee/ángw de'eemusmo wásl tleehhiít.»

Matayo 10:6

Ala tlawsé' amór múk Israeli, kudá' aa adór bee/ángw wa qwaar.

Matayo 14:14

Qoomár Yesu niwa baraá miringamoó wa ti'iít, boo/oó yaariír guri ár, guri gurtleemuú wa ár. Tiqtuuser'ín gari hungu/uumiís.

Matayo 15:24

Yesu giri báy, «Aníng dír ti ya/aáw a dír múk Israeli kilós, kudá' aa adór bee/ángw wa qwaar.»

Matayo 15:32

Yesu eeharuuseerós gari ateét, gari báy, «Aníng guruueé' i tlatláy boo/aywihe, asma deeloorí tamaawo án nee inooín a dinkwár i dir'aitaán, ala muruú /ayma ku konká. Aníng a sla'aaká ngiwa geemaw tawa watli ar qwari, as matawa baraá loohírí /ara/eerimiít.»

Marko 6:34

Inós iwa gawaá miringamoó wa aweér, múk yaariír guri ár, guruuwós iri tláy, asma ngiwa ár a adór bee/ángw de'eemusmoó koomaaká. Muruú yaariír guri dir'ínií intsaahhatimís.

Marko 8:2

«Aga gurhaamuút asma boo/aywí, asma deeloorí tamaawo án nee inooín a dinkwárií diriaán, ala daxta muruú /ayma aa faák.

Ebrania 4:15

Asma atén kaahamusmoó úr oo Mungú oo ta koomaan, atén ti gurtleemuú wa ara'ar baraá liitlakweerene. Asma inósuú kilá' kuna iiara'ár adór atén wa aleeró baraá mura' sleémeerowo, ala tlakweema gaa tleehhiiká.

Ebrania 5:2

A gár ya/aam inós tawa heé tsatsa'aár dír mukdá' liitlakwene nee oo aa dakuus. Asma inósuú kilá' ku liitlaákw baraá muruú yaariire.