Matayo 9:33 - Biblía Axweesantá Hhohho' ar Mungú 2004

³³ Qoomár neetlaameedá' kawa hingeés, heedá' afa wásl iri axweés. Boo/oó muu iri waa/oó/, iri káh, «Gár adoorí aga araaniiká qooma sleémeerowo baraá Israeliro.»

Ya/abtór hho' 1977

³³ Neetlaameedá' kawa hingeés, heedá' afa wásl iri axweés. Boo/oó muu iri waa/oó/ iri káh, “Gár adoorí aga araaniiká qooma sleémeerowo baraá Israeliwo.”

Matayo 9:33 Iomraidhean Croise

2 WAAWITÁ 5:8

Elisha heé Mungú adoorí ngiwa axaás, adór waawutmo tlabaawós ngira feehhamiís, afo gari ya/aáw amór waawutmo guri yaahaás, «Ahaá a milá, tlabaawók misa feehhamís? Heesíng amor'eénií huwang, as daqaní ngiwa tsaahhi adór baraá yaamaá Israeliro aarusmo ir deér.»

WARA'AMI 76:1

Baraá Yudawo Mungú i xu'utiit, baraá Israeliro umuuwós ku qiitliiká.

ISAYA 35:6

Taqoori iri ni/iín adór saaragmo, nee afaa wasli iri dá' ar qwala/. Ma'aay baraá xaanxaywo niri ti'iitiyá' nee duxe niri wá/ baraá xaanxáy wa alé.

YEREMIA 32:20

Kuúng aange layu nee muruú waa/oo/amo una tléhh baraá yaamaá Misriro, tay laarí tlehhtuuwo a kumít baraá tla/ángw múk Israeliwo, nee baraá múk xoordaá hatlae, adoorí kuúng ugwa iia tleerés.

Matayo 8:10

Yesu /aymi'iidá' ngiwa axaás, iri waa/oó/, mukdá' nee inós ti alkoomá' guri báy, «Án a kah, haratlintaaór ur ar adór tí aga baloó ariiká tam dír heé wake baraá múk Israeliwo.

Matayo 9:32

Qoomár mukwí iwa ti'imiiti, heé afa wásl oo neetlaame aa eér kunguri huúw dír Yesu.

Marko 2:12

Siiwadár kilae heedaádá' iri sihhiít, hhaftuuwós guri gagaár, iri ti'iít geeraá muu sleémeero, muu sleémeero iri waa/oó/, Mungú kuri xirfayeemiís, tay káh, «Kureeriiwo gár adoorí aga baloó araaniiká.»

Luka 11:14

Yesu neetlaamér hee gwa afa qwaares gana duxún. Nee neetlaameedá' nguwa geemeér, heedaádá' iri ilawaáts. Muu iri waa/oó/.

Luka 7:9

Yesu tí ngiwa axaás, heedaádá' guri waa/oó/, iri warqáy amór boo/aydá' ngwa eehar, iri oó', «Án a kah, tam baraá múk Israeliwo haratlintaaór ur ar adór tí aga baloó ariiká.»