Matayo 9:17 - Biblía Axweesantá Hhohho' ar Mungú 2004

¹⁷ Tam muu difaáír /aben ga qamaaminká baraá tlakwa'aá kaahari awa qaren. Ala birnga qaás, difaáidá' /aben tlakwi'iidá' gi tsú/, difaái iri ku'út, nee tlakwi'iidaá kaahari niri hhitirutiyá'. Ala difaáír /aben dír ki qamaamin a baraá tlakwa'aá kaahari awa /aben, daqaní muruuwí tsaraawo ku amohhoó'.»

Ya/abtór hho' 1977

¹⁷ Tam muu buurár hamhaami ga qamaminká baraá dahhaaroó qarén. Ala birnga qaás, buuraadár hamhaami dahhaaráydá' gu tsú/, buura iri ku'út, nee dahhaaráydá' iri hhitiruut. Ala buurár hamhaami dír ki qamamin a baraá dahhaaroó /abén, daqaní muruuwí tsaraawo ku amohhoó'.”

Matayo 9:17 Iomraidhean Croise

YOBU 32:19

/Aymi'iiká' baraeene na hatsiyé' adór hutloó aa daahh, aníng pu/uuta aga nakaá/ adór tlakoó /abén oo kaahari oo difaáír koóm.

WARA'AMI 119:83

Aga kanga/uút nay boo/áw adór kaahartá gawaá bohoó asla. Tam adoorihe kaahirók aga gunqareesiiká.

Matayo 9:16

«Hee i kaahh oo warqamoó inqwaarír /abén gu tsaát, guri waraaq ar inqwaarír qaren. Asma warqamoodá' /abén taa qaás, inqwaaridá' qaren ga hhitín, nee didaádá' aa fox iri tláhh.

Matayo 9:18

Qoomár Yesu iwa dir'ínií axweesi naxés heeko úr oo múk Yahudi nina hardáh, guri i tumbarara'aát, iri oó', «Dasir'eé' hamír kilá' aa gwá', ala kuúng qwaláng, dakók i qaaseek, inós daqaní i sláf.»

Marko 2:22

Tam hee i kaahh oo difaáír /aben ga qamaamiím baraá tlakoó kaahari oo qarén. Biringa qaás, difaáidá' tlakw'iidaá kaahari gi tsú/, difaáí iri ku'út, nee tlakw'iidá' niri hhitiruutiyá'. Ala difaáír /aben dír ki qamaamin a baraá tlakw'aá /abén.»

Luka 5:37

Tam hee i kaahh oo difaáír /aben ga qamaamiím baraá tlakwa'aá qaren awa kaahari. Birnga qaás, difaáidá' /aben tlakwi'iidá' gi tsú/, difaái iri ku'út, tlakwi'iidá' niri hhitituutiyá'.

Luka 5:38

Ala difaáír /aben dír ki qamaamin a baraá tlakwa'aá /aben awa kaahari.

YOSHUA 9:4

inooín al/ayma kana tleéhh. Tina ya/abuuse tleehhiyé', muruú /ayma ngway amohhe'eesiyé' nguri tsa/aasiyé' gawaá daandemaá daqwaayer'ín, tlabaá slaxareemo ngiri dahaasiyé' nee tlakwa'aá kadu awa taa warqaát awa difaái ngiri taatahhiyé',