Matayo 9:16 - Biblía Axweesantá Hhohho' ar Mungú 2004

¹⁶ «Hee i kaahh oo warqamoó inqwaarír /abén gu tsaát, guri waraaq ar inqwaarír qaren. Asma warqamoodá' /abén taa qaás, inqwaaridá' qaren ga hhitín, nee didaádá' aa fox iri tláhh.

Ya/abtór hho' 1977

¹⁶ “Hee i kaahh oo warqamo gu tsaát gawaá inqwaarír /abén wa ale, guri qaas gawaá inqwaarír aa gwa'. Asma warqamoodá' /abén taa qaás, inqwaaridá' qaren ga hhitín, nee didaádá' aa fox iri tláhh.

Matayo 9:16 Iomraidhean Croise

IIMU/UUNGW 33:14

Daxta án kuúng u firiím, kuúng giiriím, nee aníng ni aluú wa tseegamiís ar adór hi'iitantá na/ii nee hikwa, ay dír ni amoorók i hardahaan baraá yaamaá Seiri.»

WARA'AMI 125:3

Asma múk tlákw ku ya/anká iwa waawuti'in baraá yaamaá múk gan'amuú kooma, as múk gan'amuú koóm tlakweema mingiwa tleéhh.

ISAYA 40:11

Daqtós gan /aymiis adór de'eemusmoó wa ale, nee deeloó bee/aangw gun gawaá dabaawósií oh, giri gawaá da/eewawósár loohiis, bee/ángw du'umiís idaahharo gun tseegiis.

Matayo 9:15

Yesu gari báy, «War/aá heé duuxuuxuúm adór ir tsuunqumiisiya' a doomá, qoomár bar ta dinkwárií dirii' nee heedaádá' duuxuxuúm? Ala deelo i hardát ar heedaádá' duuxuuxuúm kuwa hingeesi. Daqaní an qoomár inooín tawa sangw gwaawin.

Matayo 9:17

Tam muu difaáír /aben ga qamaaminká baraá tlakwa'aá kaahari awa qaren. Ala birnga qaás, difaáidá' /aben tlakwi'iidá' gi tsú/, difaái iri ku'út, nee tlakwi'iidaá kaahari niri hhitirutiyá'. Ala difaáír /aben dír ki qamaamin a baraá tlakwa'aá kaahari awa /aben, daqaní muruuwí tsaraawo ku amohhoó'.»

Marko 2:21

«Hee i kaahh oo warqamoó /abén gwa waraáq ar inqwaarír qaren. Ala burungwa hiriít, warqamoodá' /abén inqwaaridá' aa gwa' ga hhitín, nee didá' aa feehhit i ló'wa doogiín.

Luka 5:36

Giri slaqsaywí báy sleeme, «Hee i kaahh oo warqamo gu tsaát gawaá inqwaarír /abén wa ale, guri waraaq ar inqwaarír aa gwa'. Adoorí birnga tleéhh, inqwaaridá' /aben gaa tawó tsaát, slám warqamoodá' /abén nee inqwaaridá' aa gwa' ti oohiaaká.

Yohana 16:12

«Tam hamí /ayma'aá yaariir i koóm, awa ni kuungá' i oiim, ala kuungá' i aleesleera'aaká hamí.

1 Korinto 13:13

Ala daxta gár kumiit a haratlintaao nee harahhifo nee sla'aari, muruuwí tám. Ala baraá muruuwihe gár ak afhhamít a sla'aari.

2 korinto 9:12

Asma gadiyeérí ta tlehhiitaan gár i huwahup a tí kiloseeká, gídaabá múk Mungú kudá' baraá slahha'amaayér i dirií' alee/isaay gwa sláy. Ala gár i huwahup a tí sleeme, a múk yaariír Mungú gu sluufmiis as alee/isaywí.