Matayo 9:15 - Biblía Axweesantá Hhohho' ar Mungú 2004

¹⁵ Yesu gari báy, «War/aá heé duuxuuxuúm adór ir tsuunqumiisiya' a doomá, qoomár bar ta dinkwárií dirii' nee heedaádá' duuxuxuúm? Ala deelo i hardát ar heedaádá' duuxuuxuúm kuwa hingeesi. Daqaní an qoomár inooín tawa sangw gwaawin.

Ya/abtór hho' 1977

¹⁵ Yesu gari báy, “War/á heé duuxuuxuúm adór ir tsuunqumiisiya' a idoomá, qoomár bar ta dinkwár i dirii' nee heedaádá' duuxuuxuúm? Ala deelo i hardát ar heedaádá' duuxuuxuúm kuwa hingeesi. Daqadá' an qoomár inooín tawa sangw gwaawin.

Matayo 9:15 Iomraidhean Croise

ISAYA 22:12

Baalaadae Aako MUNGÚ Aleesleemusmo muu gun bay, «/Aa/amimé' nee tsuunqumisé', nee deequmé', nee guniyadu siinootaak.»

Matayo 9:14

Qoomaadae eeharuusér Yohane Yesu guri i daqeér, guri beér, «Ahaá, atén nee múk Farisayo mas gwaawawimaán, ala eeharuuseerók gaálaay i gwaawawiin?»

Matayo 9:16

«Hee i kaahh oo warqamoó inqwaarír /abén gu tsaát, guri waraaq ar inqwaarír qaren. Asma warqamoodá' /abén taa qaás, inqwaaridá' qaren ga hhitín, nee didaádá' aa fox iri tláhh.

Marko 2:19

Yesu giri báy, «War/aá garmoó duuxuxuúm mihar gwaawiná' qoomár barta dinkwa nee garmaadá' duuxuxuúm? Qoomaadá' sleémeero tawa dinkwár i dirii'i nee garmoó duuxuxuúm, gár tas gwaawin i káhh.

Marko 2:20

Ala deelo i hardát ar garmoó duuxuxuúm kuwa hingeesi, nee deelaadá' an baalár tawa gwaawin.

Luka 17:22

Yesu eeharuuseerós gari báy, «Deelo i hardát, deelór wák baraá deelór Garmoó Heewo kawa ilatleerusa' arto, ala a aanda'aaká.

Luka 5:34

Ala Yesu giri báy, «War/aá heé duuxuuxuúm kiwa /aymár /ita' i aleesleerá'a, qoomaadá' nee heedá' duuxuuxuúm tawa dinkwárií dirii'i?

Luka 5:35

Ala deelo i hardát ar heedaádá' duuxuuxuúm kuwa hingeesi. Daqadá' an qoomár inooín tawa sangw gwaawin.»

Yohana 16:6

Ala munerhúng gurhaamiro aa háts asma tí án naa dirhúng i oó'.

Yohana 3:29

Heé nee /ameenír ta duxuuti ti koomá', an heedá' duuxuxuúm, ala mulqumoó heedaádá' duuxuxuúm oo didaádí dirií', inós gun iiárií qamín, slám afór heedaádá' duuxuxuúm gan sa qwalalaa/. Gawaá adoorihe qwal/uueé' aa boó/.

Tlehhema'aá ya/Abuuse 14:23

Dír umuúqo kríshaanáy iwa deero bariise kari qamín. Tari firín nee tari gwaawín. Inooín kiri geexáy baraá dabaá Aako, kudá' taa haratlintií'.

1 Korinto 7:5

Kuungá' miti /ita/itaara'. Ala aqo tin axweesani axamisá' gídaabá tiwa /ita/ita' ar har qooma, as pa/ángw tawa firiinda' kuwa sleera'. Aluuwo ti malé inki/e', as Neetlaangw pa/aangw munguwa diirír sláy oo nuwa iiara'ari asma kuungá' ila/aango tiwa aleesleera'aaká.

2 korinto 11:27

Aníng aga daawimaamiít as gadiyér yaariir. Daqtá yaariire ana dalaá', nee slám ana slahhahhaá' as qwari nee waxe. Daqtá yaariire muruú /ayma ugwa slawiiká, ana slahhahhaá' as tsaaqwa nee /aankwets.

Geehhoeemaá 19:9

Inós aníng iri báy, «/Aymi'iiká' gooiimeek, ‹Múk amohhó' a kudá' taa dahi'ís baraá duuxór Deelmoó bee/i.› » Iri malé báy, «Axweesanaywí a axweesanoó ló' oo Mungú.»

Geehhoeemaá 21:2

Gixsadá' hhoohhoo' ngiri ár, Yerusalémúr /aben, i gawaá doorí wa awdít, amór Mungú wa ale. Gixsadá' kaa tsiitiís adór dasír ta duxuuti, ar taa parootuús as garmaadá' ga duxuút.