Matayo 9:13 - Biblía Axweesantá Hhohho' ar Mungú 2004

¹³ Ala tlawsé', gídaabár /aymi'iiká' aldakuutaak, ‹Ilahhooár muruú ta tsu/i a sla'aaká, ala gár ni slaa' a gurtleemu.› Aníng naa hardihiiká asma múk hota ganaá' nguwa ateetiim, ala a múk tlakuuse.»

Ya/abtór hho' 1977

¹³ Ala tlawsé', gídaabár /aymi'iiká' aldakuutaak, ‘Gár ni slaa' a ilahhooarooká, ala a kuungá' tiwa kiloohúng gurtleera'.’ Aníng naa hardahiiká asma múk gan'amuuse nguwa ateetiim, ala a múk tlakuuse.”

Matayo 9:13 Iomraidhean Croise

AXWEESANOÓ SAGALOOA 21:3

Hotaá ganaa'á' nee sakwasleemár ganaa' kawa tleehhi, Muruuwí AAKOÓ MUNGÚ gu sla'atimis ta ilahhooár muruú ta tsu/i.

HOSEA 6:6

Aníng ilahhooár muruú ta tsu/i a sla'aaká, ala gár ni slaa' a sla'aarír warqawaaká, aníng ilahhooár da/a/aangw a sla'aaká, ala a Mungú kuwa xui.

Matayo 12:3

Yesu giri báy, «Aga soomusi'iikáhe adoodá' Daudi aa tleéhh, qoomár iwa qwariít? Inós nee mukdá' ti alkoomá'

Matayo 12:5

Slám aga soomusi'iikáhe baraá hara'ayár Mosewo? Baraadae kaa gooín adór kaahamuusér Mungú hara'ayár deelór Sabaáto ngir giqaaqeér baraá Doó Munguhe bál Sabaátoro, ala tam adoorihe taa dakuusiiká.

Matayo 12:7

Kaa gooín, ‹Ilahhooár muruú ta tsu/i a sla'aaká, ala gár ni slaa' a gurtleemu.› Kuungá' gídaabár /aymi'iiká' geeraawo bar xuá', múk tlakweemaá koomaaká geera u sakwasleemuta'aaká.

Matayo 19:4

Yesu iri oó', «Ahaá, aga soomusi'iikáhe adór tleehharusmoó muu iimír iimu/uungo hhawaata nee /ameeni ngira tleéhh,

Matayo 21:42

Yesu giri báy, «Aga soomusi'iikáhe baraá Gooiro, ‹Tlaa/adá' qwatsiiruuse aa sí', aa tlaa/ár ur tleehhít ar do' ira gawdúy. /Aymuuwí amór i dahhi a amór Aako. Slám a waa/oo/amo dír ilaarene.›

Matayo 3:2

«Hhu'u'umé', asma waawuti'iimár Mungú naa naká/.»

Matayo 3:8

Tlehhma'aá hhu'u'ungwhúng ngu laqaqamá' na tleehhaak.

Matayo 4:17

Iimír qoomaadá' wa tleemu Yesu axweesantá Mungú gari iimu/ún dahareemisuuwo, iri káh, «Hhu'u'umé' asma waawuti'iimár doori naa naká/.»

Marko 12:26

Daanduú waasle/uú múk aa qatli, án kuungá' nu yaahaás, ‹Aga soomuusi'ikáhe baraá kitaábuú Mosewo, didár kángw kitkintiro?› Didae gár taa gooín a tí: Mungú Mose guna báy, ‹Aníng a Munguú Abrahamu nee Munguú Isaka nee Munguú Yakobo.›

Marko 12:33

Nee hee inós nguwa slai ar muunaáwós sleémeero, nee ar fuquraangós sleémeero, nee ar /uuruuwós sleémeero, nee inslaawmoowós nguwa slai adoodá' inós tir kilós slai, adoorí in ganá' ta hikwaá adoodá' koomá' kiwa ilahhooár wa da/i nee ilahhooár muruú ta tsu/i.»

Marko 2:17

Yesu adoodá' ngiwa axaás, giri báy, «Múk slaqoo hhó' i qwaslaarmoó leelehhiitiiká, aqo har tiqtuuse. Aníng naa hardihiiká as múk hota ganaá' nguwa ateetiim, ala nina hardáh as tlakuuse.»

Luka 10:26

Yesu guri báy, «Gár taa gooín a milá baraá kitaábuú hara'ayaaro? Kawa soomús, mi kát?»

Luka 19:10

Asma Garmoó Hee nina hardáh tidá' aa qwat ngiwa leelehhiiti nee ngiwa ba/amisi.»

Luka 24:47

Nee sleeme kaa gooín tawa kaahi, ‹Kaangwí ku alki/iit ar umuueé' dír xoordu sleémeero tawa kaahi, hhu'u'uumé' as gurtleemuú tlakweema kuwa sleera'.› Kaangwí dír kuwa iimu/un an Yerusalemu.

Luka 5:31

Yesu giri báy, «Múk slaqoohhó' qwaslaarmo gu leelehhitiiká, ala aqo har múk tiíq.

Luka 5:32

Aníng naa hardihiiká as múk hota ganaá' ateetiim, ala nina hardáh as tlakuuse iwa hhu'u'uun.»

Yohana 10:34

Yesu iri oó', «Ahaá, kaa gooínke baraá hara'ayár Mosewo tidá' Mungú iwa oó', ‹Kuungá' a mungui.›

Tlehhema'aá ya/Abuuse 11:18

Axweesantí kawa axaás tari xasliít, Mungú kuri xirfeés, tari oó', «Laatí Mungú tam múk xoordaá hatlá' sleeme gwa pa/ángw i haniís oo hhu'u'uungw, as slafiingw nguwa slaya'.»

Tlehhema'aá ya/Abuuse 2:38

Petro iri oó', «Hhu'u'uumé', tundu baatimiisi ar umuú Yesu Kristo, as tlakweemaahúng kiwa gurtlay, nee daqaní kuungá' Qeeruú hhoohhoó' oo Mungú u sleerá'.

Tlehhema'aá ya/Abuuse 20:21

Án múk Yahudi nee Yunaniro una ló'wa gurbuú' tlakweemaaín kiwa hhu'u'n dír Mungú i hhu'u'un, nee Aakoorén Yesu Kristo kuwa haratlintii'i.

Tlehhema'aá ya/Abuuse 3:19

Gawaá adoorihe kuungá' hhu'u'uumé', nee ki/é' amór Mungú, as tlakweemaahúng kiwa fiitsi. As kahhó' qooma niwa hardat ar Aako nuwa qwal/asi dír geeraawose,

Tlehhema'aá ya/Abuuse 5:31

Mungú heewí guri xirfayeés ar dakós oo doó /iyáy, as tawa heé úr nee ba/amusmo, as múk Israeli nguwa hhu'u'úngw i huwi nee hingeemisuú tlakweema nguwa slaya'.

2 Petro 3:9

Muu bahh'alé i kaahi, Aako al'axweesantós boo/eesaro i tligatliik. Ala a adoosingeeká. A inós kuungá' nun sageeqiqtlín. Asma tam heé wák iwa qwaari ga slaiiká. Ala masók sleémeero tlakweemaaín ngin hhu'u'uná'.