Matayo 8:5 - Biblía Axweesantá Hhohho' ar Mungú 2004

⁵ Yesu iwa dáh baraá gixsár Kapernaumu, geeraharusmooko askaári iri hardáh dír Yesu, iri oó',

Ya/abtór hho' 1977

⁵ Yesu iwa dáh baraá gixsár Kapernaumu, geeraharusmooko askaári iri hardáh dír Yesu, iri oó',

Matayo 8:5 Iomraidhean Croise

Matayo 11:23

Nee kiíng gixsár Kapernaumu, xáy, ti tsa/aási ay gawaá doori? Aasla'áy, tin /aytiis ay baraá gi'i. Asma muruú waa/oo/amo oo aa tleehharuut diroge, geera dír iwa tleehharuút bar an baraá Sodoma, geera Sodoma i deer ay laarí.

Matayo 27:54

Geeraharusmooduú askaári nee mukdá' Yesu xuuma, kunseelidá' kawa axaás, nee muruudá' aa tleehharuuti, tari ló'wa da'ayuút, tari oó', «Ar ló', heewí a tsuwá Garmoó Mungú.»

Matayo 4:13

Iri gixsár Nasaretír wa lóh iri hotángw áy gixsár Kapernaumu. Kapernaumu a gixsár afaá tlawtá Galilayár i dirii', baraá yaamaá Sebuluni nee Naftali.

Matayo 9:1

Yesu iri tsa/án gawaá miringamo, iri waaraáhh ar baraá tla/ángw tlawi, iri hardáh ay baraá gixsadá' inós i hooti.

Marko 15:39

Geeraharusmoó askaári, kudá' inós gura qon aa geeraawós i sihhiit, adoodá' ira gwaá' ngiwa ár, iri oó', «Ar ló' heewí a tsuwá Garmoó Mungú.»

Marko 2:1

Alaá deelór niinawe Yesu iri male dáh baraá Kapernaumu, kari axaás adór ir dóí dirií'.

Tlehhema'aá ya/Abuuse 22:25

Ala qoomár kuwa him'eérár tseék as kuwa muxi, Paulo geeraharusmoó askaári kudá' aa bihhaawósí sihhiit guri báy, «Ahaá, adoorí a dáko ar yaamuloousmoó Roma kuwa muxi, bur kwa sakwasleemuutiiká?»

Tlehhema'aá ya/Abuuse 23:17

Paulo geeraharusmoó wák oo askaari guri ateét guri báy, «Garmaawí huweek amór geeraharusmoó úr oo askaári, asma gár i dirósí ooár wa slai i deer.»

Tlehhema'aá ya/Abuuse 23:23

Aluuwo geeraharuusér tsár ar askaári gari ateét gari báy, «Askaárír tsiire tsár amohhe'eesaak as iwa Kaisareár keer, nee ar farsúr hi'iimiit, nee slám askaarír lawlaá koom tsiire tsár. Askaárisíng ti amohhe'es iwa tleer looár tám ar xweeraawo.»

Tlehhema'aá ya/Abuuse 27:13

Qoomár fur'ár baskú daahh iwa iimu/uún fukukueeliingo ar tseegamis, tay ooaán daxta hardahamu u aleeslawaán as fur'aarí. Miringamo kuri gweér, tari tláy, tari kumiít ar afaá yaamaá Krete ar adoodá' taa aleesláy.

Tlehhema'aá ya/Abuuse 27:31

Paulo geeraharusmoó askaári guri báy, «Mukwí bir baraá miringamoó wa iwiwiitiiká, kuungá' a ba/aanda'aaká.»

Tlehhema'aá ya/Abuuse 27:43

Ala geeraharusmoó askaári Paulo guna ba/amisár wa slaá', askaáridá' gari ilaá/, adoodá' ta slai makawa tleéhh. Ala iri hara'ayín as mukdá' qumburu/umit gu aleesláw, tawa geerií /akumiiti baraá tlawi, nee ta yaamaá kaahaárí hardihi.

Tlehhema'aá ya/Abuuse 9:38

Gixsár Lida ka tseew dír Yoparo. Eeharuuse gari axás adór Petro ir amoodií dirií'. Múk tsár guna amoorósí ya/áp. Petro kuri harhheehhe'eés, kuri báy, «Qwaláng ar gaanslaay.»