Matayo 8:34 - Biblía Axweesantá Hhohho' ar Mungú 2004

³⁴ Múk gixsadá' niri ti'iít as Yesu kuwa artá ay. Qoomár kuwa ár, kuri harhheehhe'eés iwa quutli baraá ayaaine.

Ya/abtór hho' 1977

³⁴ Múk gixsadá' tindiri ti'iít as Yesu nguwa artá ay. Nee qoomár kuwa ár, kuri harhheehhe'eés iwa quutli baraá ayaaine.

Matayo 8:34 Iomraidhean Croise

1 WAAWITÁ 17:18

/Ameenidá' Eliya guri beér, «Xáy, kuúng heé Mungú, gár adór tí a milá naa aníng i tléhh? Kuúng nina dooeéní hardáti as tlakweemaaeé' kiwa laqaan, nee gaarí an gár garmaaeé' gwaa gas?»

1 WAAWITÁ 18:17

Ahabu Eliya nguwa ár iri oó', «A kuúnge, heé múk Israeli gwa slahh'amuúr faak?»

YOBU 21:14

Mungú nguna bayé', ‹Atén miti daawitamisaar. Atén kangók kwisíng axaasaro u sla'aanaaká.›

YOBU 22:17

Mukwí an kudá' Mungú gwa bay, ‹Atén ti meer.› tari oó', ‹Gár atén Munguú /uuruú koóm ti /iisi a mila?›

AMOS 7:12

Naagáy Amasia, Amos guri báy, «Aá iigu'utusámo, quútl, tláw ay baraá yaamaá Yuda, muruú /ayma ku amoodá' wa /ák, nee ta aaririín amoodá' wa ale.

Matayo 8:29

Mukdá' iri tseé', tari oó', «Garmoó Mungú, atén nee kuúng a milá? Nina hardáti as atén tiwa slahh'eemis dír qoomaarén ira xeeriiká?»

Luka 5:8

Simon Petro adoodá' ngiwa ár, iri tumbarara'aát dír ya'aá Yesu, iri oó', «Aáko, dir'eene quútl, asma aníng a heé tlakusmo.»

Luka 8:28

Heedaádá' Yesu nguwa ár iri tseé', iri dír geeraawós i tumbarara'aát, afór ur ganara tseé', iri oó', «Aníng nee kuúng a milá, Yésu, Garmoó Munguú Gáwtí dirií'? Un harhheehhe'eés, mi slahh'eemisaar.»

Tlehhema'aá ya/Abuuse 16:39

Bariiseedár kwasleema niri hardát, Paulo nee Sila kiri harhheehhe'eemiís. Nee kiwa hhe'eés tsee/áy duuxaro, kiri harhheehhe'eés tawa ti'iiti baraá gixsarihe.

DABE 5:25

Tsaxwaá gwa'ara awa asltadá' ur gár tis slaya a milá? Afór AAKOÓ MUNGÚ, Munguúrén bara male axasaán, atén a qatlaán!

1 SAMUELI 16:4

Samueli adoodá' AAKOÓ MUNGÚ aa hara'ayín gari tleéhh, iri tláy amór gixsár Betilehemu. Bariisér aya guri al'eér ar daaraxaay, tari oó', «Gaa ka hhoóe?»