Matayo 8:29 - Biblía Axweesantá Hhohho' ar Mungú 2004

²⁹ Mukdá' iri tseé', tari oó', «Garmoó Mungú, atén nee kuúng a milá? Nina hardáti as atén tiwa slahh'eemis dír qoomaarén ira xeeriiká?»

Ya/abtór hho' 1977

²⁹ Tari tseé', tari oó', “Atén nee kuúng a milá, Garmoó Mungú? Nina hardáti as atén tiwa slahhe'eemis dír qoomaarén ira xeeriiká?”

Matayo 8:29 Iomraidhean Croise

2 SAMUELI 16:10

Ala waawutmo iri oó', «Xáy, gaarí a milá ar baraá tla/ángw aníng nee kuungá' daaqoó Serúya? Barnaxes AAKOÓ MUNGÚ inós gwa báy, ‹Daudi lu'usek, heé gu yaahaás a heemá oo gu báw, asma milá adoorí mara tléhh?› »

2 SAMUELI 19:22

Ala Daudi iri oó', «Daaqoó Seruya, gár aníng nee kuungá' i káhh. Asma milá misti adór wakuuser'eé' tlehhá' laarí? Xáy, hee kun gaási baraá Israeliwo laarí? Ahaá, aníng ti xuaakáhe adór tar waawutmoó Israeli deelór laarihe?»

1 WAAWITÁ 17:18

/Ameenidá' Eliya guri beér, «Xáy, kuúng heé Mungú, gár adór tí a milá naa aníng i tléhh? Kuúng nina dooeéní hardáti as tlakweemaaeé' kiwa laqaan, nee gaarí an gár garmaaeé' gwaa gas?»

2 WAAWITÁ 3:13

Elisha waawutmoó Israeli guri yaahaás, «Aníng nee kuúng dinku'uumár ta koomaan i deéro? Tláw amór aaruusedár baabuúwók nee aayoorók.» Waawutmoó Israeli iri oó', «Aasla'áy AAKOÓ MUNGÚ an heé ateéká' tám awa waawitá taa ateet, as tiwa qaasi baraá dabaá waawutmoó Moabu.»

2 QOM'I 35:21

Waawutmo Neko afo gana ya/aáw iwa kaahi, «Kuúng waawutmoó Yuda, aníng nee kuúng a slaqwanaaká. Aníng an slaqwaán nee wakuuser'eé', Mungú iga ádbáy niwa gaansluut. A xáy, Mungú mu tlampa'aamisaar asma i bartaeéií dirii', gám bar adooriheeká inós u hhaamiis.»

Yoeli 3:4

«Kuungá' Tiro nee Sidoni, nee yaamu sleémeero awa Filisti, gár ta tlehhmuú wa sla'a' dir'eene a milá? Xáy, li/oó ta bu'utú sla'a' i deéro daandueene? Kuungá' li/aay bur bu'utuú wa sla'á', aníng li/aay ngu gaanslár buú'.

Matayo 4:3

Neetlaangw guri i daqáy, guri báy, «Kuúng barqo Garmoó Mungú, tlaa/anoowí i ilawatseek i muruú /ayma tleehhiti.»

Matayo 8:30

Daqtaka yaariir ar baynu i deer ar qaw, dir'ín tidae ka saaw.

Marko 1:24

Yesu guri báy, «Atén nee kuúng a milá, Yesú Nasareti? Ahaá, nina hardáti as atén tiwa qwaares? Án kuúng u xuú' adór tar heemá, Kudá' Hhoohhoó' oo Mungú.»

Marko 3:11

Nee mukduú neetlaame aa eér umuúqo siiwaro Yesu burkwa ár, tan dír geeraawosí tumbarara'aamiit, tan tseeamín ta kaahi, «Kuúng an Garmoó Mungú.»

Marko 5:7

iri tseé' ar afór ur i kaahi, «Yésu, Garmoó Munguú Gawa, án nee kuúng a milá? Un firiím ar umuú Mungú, mi slahh'eemisaar.»

Luka 4:34

«Ahaá, Yesú Nasareti atén nee kuúng a milá? Nina hardáti as atén tiwa qwaares? Án kuúng u xuú' adór tar Kudá' hhoohhoó' oo Mungú.»

Luka 4:41

Múk yaariír sleeme neetlaame guri gimeér, ta tseeamín ta kaahi, «Kuúng a Garmoó Mungú.» Yesu giri iigahhamiít asma matawa kumiít tawa axweesi, asma ka xuu' adór inós tar Kristo.

Luka 8:28

Heedaádá' Yesu nguwa ár iri tseé', iri dír geeraawós i tumbarara'aát, afór ur ganara tseé', iri oó', «Aníng nee kuúng a milá, Yésu, Garmoó Munguú Gáwtí dirií'? Un harhheehhe'eés, mi slahh'eemisaar.»

Yohana 2:4

Yesu gari báy, «Aáyo, án nee kiíng gaa a milá? Siiwar'eé' aa xeeriiká.»

Tlehhema'aá ya/Abuuse 16:17

Paulo guri eehát, nee atene, i aluurén wa tseeamiín i kat, «Mukwí a sagadiyuusér Munguú Gáwtí dirií'. Inooín kángw loohír ba/ama kun alki/iit.»

Yakobo 2:19

Kuúng a haratlintaatí' adór Mungú tar wak. Adoosíng i qoón. Tam neetlaame sleeme adoosíng ga haratlintaatí', nee in daaráx daeero.

2 Petro 2:4

Asma Mungú malaykeedá' tlakweema gaa tlehh, gaa gurtlayká, ala gana kwaáhh baraá bohóngw qwanaay. Tan baraadá' wa hoot, kawa tsegiít nee kawa xun baraá giwtír wa ale, as Deeloodár sakwasleema kawa daamaaran.

Yuda 1:6

Nee malayke sleeme tidá' taa uráy i haniís, uray'ín kudá' taa sláy kwaa gaárií xuiiká, ala didár hotaín wa hariim kari geexáy. Gawaá adoorihe Mungú gari tseék baraá giwti ar tseegamór alhhe'eesay wasl, as kiwa sakwasleemuuti bál deelór sakwasleemár ure.

HAR'OHUUSE 11:12

Yefta afo gari ya/aáw amór waawutmoó Amoni, guri báy, «Gám atén nee kuúng gaa a milá, misinda ayaarén i haratleér?»