Matayo 8:10 - Biblía Axweesantá Hhohho' ar Mungú 2004

¹⁰ Yesu /aymi'iidá' ngiwa axaás, iri waa/oó/, mukdá' nee inós ti alkoomá' guri báy, «Án a kah, haratlintaaór ur ar adór tí aga baloó ariiká tam dír heé wake baraá múk Israeliwo.

Ya/abtór hho' 1977

¹⁰ Yesu /aymi'iidá' ngiwa axaás, iri waa/oó/, iri oó' dír mukdá' nee inós ti alkoomá', “Án a kah, haratlintaaór ur ar adór tí aga baloó ariiká tam dír heé wake baraá múk Israeliwo.

Matayo 8:10 Iomraidhean Croise

IIMU/UUNGW 43:33

Tari iwiít dír geeraá Yosefu, tiri hariyé' ar adoodá' tira hariyé' xwaylaro, oo baris tawa heé geera, aluutmo tari heé alhhe'eesáy. Tiwa i qaytsitiyé', adoodá' kari waa/oó/.

Matayo 15:28

Yesu gari báy, «Aáyo, haratlintaaoorók ka ló'wa ur. Tidaádá' ta sla' i tleehharut.» Qoomaadár kilae dasiirós iri hungú/.

Matayo 8:11

Án a kah, múk yaariír ni hardah, oo da/aá daáhh nee /uwaawo. Inooín ta al iwiit dír muruú /ayma dinkwa nee Abrahamu nee Isaka nee Yakobo baraá waawuti'iimár dooriiwo.

Matayo 8:9

Asma aníng sleeme múk i baliít i deer, slám askaárír án ni baliit i deer. Kwí bura báw, ‹Tláw,› aqo in tláy, nee kwí bura báw, ‹Qwaláng,› aqo nin hardah. Nee lawaalmooeé' bura báw, ‹Adoorí tleehheek,› aqo gan tleehh.»

Marko 6:6

Inós iri ló'wa waa/oó/ as haratlintaaor'ín wasle. Yesu iri baraá inslaawaydá' wa hi'iimiít iwa intsaahhatimisi.

Luka 5:20

Inós haratlintaaor'ín ngiwa ár, heedaádá' guri báy, «mulqúmo, tlakweemaawók kaa gurtláy.»

Luka 7:50

Ala Yesu /ameenidá' gari báy, «Haratlintaaoorók iga ba/amís. Tláw ar wayda.»

Luka 7:9

Yesu tí ngiwa axaás, heedaádá' guri waa/oó/, iri warqáy amór boo/aydá' ngwa eehar, iri oó', «Án a kah, tam baraá múk Israeliwo haratlintaaór ur ar adór tí aga baloó ariiká.»

Tlehhema'aá ya/Abuuse 2:7

Sleémeero tari da'ayuút tari waa/oo/amín tari oó', «Ahaá, mukwí sleémeero axweés a múk Galilayarookáhe?