Matayo 7:8 - Biblía Axweesantá Hhohho' ar Mungú 2004

⁸ Asma umuúqo heé firiiriím ku qáy, nee kudá' leelehhiít ga sláy, nee kudá' afkú doó wa ateetiím, piindo ka qo duux.

Ya/abtór hho' 1977

⁸ Asma umuúqo heé firiiriím, ku qáy, nee kudá' leelehhiít, ga sláy, nee kudá' afkuú doó wa ateetiím, piindo ka duux.

Matayo 7:8 Iomraidhean Croise

2 QOM'I 33:19

Firoorós nee adoodá' Mungú firoorós ngiwa ya/án, nee tlakweemaawós sleémeero, nee inkihhimu wasleerós, nee wa/aameedár gawaá gongoama' ar munguaá hatlá' kiwa sluufmiisi ar aa tleéhh, nee adoodá' munguúdá' ta bay Ashera ngura tleéhh, nee murslaaqatuudá' taa hhaásl qoomár inós tiwa niinaweesiiká, tí sleémeero ka gooín baraá inslaslángw iigu'utuuse.

WARA'AMI 37:4

Qwal/uuwók baraá AAKOÓ MUNGÚ tiwa sleer, daqaní inós tidá' kuúng ta sla' baraá muunaáwoge ngi haniis.

WARA'AMI 81:10

Aníng an AAKOÓ MUNGÚ, Munguúwók, kudá' ugwa tsa/aas baraá yaamaá Misrír wa ale. Kangw'eé' axaaseek, daqaní án kuúng u tsuúq.

WARA'AMI 81:16

Kár ee, aníng geeraawo kuúng ugwa /aymiís ar angaánoó hhó'. Nee geeraawo un /aymiís ar danuú baraá pa/mír tlaa/a.

Matayo 7:7

«Firiiriimé', kuungá' tundu qáy, leelehhiitaak kuungá' a sleerá', ateetimé' afkú dó' wa ale, piindo ka qo duux.

Matayo 7:9

Baraá tla/angwhunge hee i deéro oo na/aywós gu tlaa/anoó i haniís mukatmo burngwa firín?

Luka 11:10

Asma umuúqo heé firiiriím, ku qáy, nee kudá' leelehhiít, ga sláy, nee kudá' afkú doó wa ateetiím, piindo ka duux.

Yohana 2:2

Yesu dinkwa nee eeharuuseerós sleeme kina dahi'is baraá duuxoodá'.

Tlehhema'aá ya/Abuuse 9:11

Aako guri báy, «Sihhiít, tláw ay dír loohidá' ta bay Loohír aa gana'. Heé ta bay Saulo, oo yaamaá Tarso, na yaahaaseek dír doó Yudá wa ale. Inós haandá' hamí i firiirín.