Matayo 7:6 - Biblía Axweesantá Hhohho' ar Mungú 2004

⁶ «Gár hhoohhoo' ma seeaawérií haniisara', asma inooín kuungá' nun harawarqayá' nuri kikiihhiyá'. Slám miisli ma baynuú i kwakwaahhara', asma inooín mingiwa yaamií adaraahiyé'.»

Ya/abtór hho' 1977

⁶ “Gár hhoohhoo' ma seeaawér i hanmiisara', asma inooín kuungá' nu i warqayá' nuwa kikiihhiya'. Slám miisli ma baynuú i kwakwaahhara', asma inooín mingiwa yaamí adaraahiyé'.”

Matayo 7:6 Iomraidhean Croise

AXWEESANOÓ SAGALOOA 11:22

/Ameenír hhoohhoo' bar ka sagawasl, a adór sixmoó sahaábu oo gawaá duungaá baynamií dirií'.

AXWEESANOÓ SAGALOOA 23:9

Axweesantók ma ooaar baraá iaá heé daktani, asma aluuwo axweesanaywók oo sagalooa gu waaqaa'.

AXWEESANOÓ SAGALOOA 26:11

Adoodár seeay wa/ariiwós ngir inkaaki/i, tam daktana sleeme aqo in kí/ baraá daktu'uumar'ín.

AXWEESANOÓ SAGALOOA 26:4

Daktani ma mu/aywatsaar ar adór daktu'uumarós i diri', as kahhó' ma daktu'uutaar adór inós wa ale.

Matayo 15:26

Yesu gari báy, «I hariindaaká muruú /aymár na/ii kuwa seeaawérií kwakwaahhi.»

Matayo 24:10

As adoorí múk yaariír haratlintaao gari máy, tiri kilooín sakikii/iyá' nee tiri kilooín ahhiitiyá'.

Matayo 7:5

Kuúng adoosinge a hhaahhafusmo. Waaqaasír baraá iltók ala geerií hingeeseek, daqaní suwito'oodár baraá iltá heewók i dirii' a tsaahha hhe'és nee kawa hinges.

2 korinto 11:26

Baraá aaiieé' awa yaariire tsaxwaá yaariir in wa /akumaamiít, tsaxwaá yau, nee tsaxwaá fisuuse, tsaxwa as múk xooror'eé', nee as múk xoordaá hatlá' sleeme, tsaxwaá baraá gixsadu nee tsaxwaá baraá darma, tsaxwaá baraá tlawi, tsaxwa as mukdá' káh inooín a hhae, ala laatí inooín a hhaeewooká.

Filipi 3:2

Ti harmagahhe' dír mukduú adór seeaawe, dír sagadiyuuseedár muruú tlákw inslaaslaw, mukdá' slaqo gi tlaquú wa slaá' ar al/utlo.

Ebrania 10:29

Ala heé Garmoó Mungú gwa kalaa/ a adoomá? Sakwasleemarós ka ak ureéke? Asma inós tseerér alqadór Mungú gaa waaqaá', tidá' inós gwa hhoohhooes, nee Qeeruú Mungú guri malé /oosliislín, kudá' tsuuqa gi hanmaamiís.

Ebrania 6:6

Aluuwo baraá haratlintaaor'ine tari alií kií/. I ya/aandaaká múk adoosíng kuwa ki/isi baraá hhu'u'úngw i alé, asma inooín Garmoó Mungú ku malé kiki'ín gawaá msalaába ar fahhari, nee ku geeraá múk wa mureekeemiis.

2 Petro 2:22

Inooín a slaqás nee axweesantadár múk urén ar káh, «Seeaay wa/ariwós gaa sakií/,» nee ar hatlá' i kat, «Baynamo bura hamátl, inós i malé kii/ baraá baa/ír i ale.»

Geehhoeemaá 22:15

Amór tsee/aá gixsaro seeaawe i deer, nee da/aluuse, nee fuquuse, nee tsu/utuuse nee kuduú munguaá hatlá' haratlintaatií', nee mukdá' sleémeero axweesanoó lama gwa intsaahh axweesanto.