Matayo 7:28 - Biblía Axweesantá Hhohho' ar Mungú 2004

²⁸ Qoomár Yesu muruuwí kaahaango nguwa hhe'eés, boo/oó yaariír oo muu ina waa/oó/ ló'wa aleeró asma intsaahhatimisuuwós.

Ya/abtór hho' 1977

²⁸ Yesu /aymi'iiká' ngiwa hhe'eés axweesanto, boo/oó yaariír oo muu ina waa/oó/ ló'wa aleeró asma intsaahhatimisuuwós.

Matayo 7:28 Iomraidhean Croise

WARA'AMI 45:2

Kuúng tu ló'wa hhoohhoó' ta múk hatlae. Ar afkoge axweesanoó tsuuqaá huwahuúw un kát. Gawaá adoorihe Mungú kuúng ugwa tsuúq ay alhhe'eesay wasle.

Matayo 11:1

Yesu eeharuuseerós tidá' mibaá nee tsár hara'ayaaro ngiwa hhe'eés, iri tláy didae, iri intsaahhatimisuú áy, Ya/abtór hho' gari alki/iít baraá gixsaduuín wa ale.

Matayo 19:1

Qoomár Yesu muruuwí axweesanto nguwa hhe'eés, iri Galilayár wa tláy ay Yudea, amór gayuú yaaér Yordani.

Matayo 22:33

Boo/aay adoodá' ngiwa axaás, intsaahhatimisuuwós kuri ló'wa waa/oó/.

Matayo 26:1

Yesu axweesanaywí sleémeero ooaro nguwa hhe'eés, eeharuuseerós gari báy,

Matayo 7:27

Tluwaay iri tluúw, yau nay wa/iyé' amór dó' i alé, nee fur'a guri i fukuukú', do'dá' guri diingís iri huú'. Nee adór do'dá' ira huú' ka ló'wa slasla/aar.»

Matayo 7:29

Asma gina intsaahhatimís adór heé aleesleemuú koóm, tam a adór intsaahhatuusér hara'ayár Mosewooká.

Marko 1:22

Intsaahhatimisuuwós kuri waa/oó', asma Yesu inooín gina intsaahhatimís adór heé hara'ayár koóm, aa intsaahhatimisiiká adór intsaahhatuusér hara'ayár Mose.

Marko 11:18

Kaahamuusér uren ar Mungú nee intsaahhatuusér hara'ayár Mosewo kangwdá' kuri axaás, loohi kari leelehhiít ar Yesu kur gaasi. Asma kuna da'ayuút as adoodá' boo/aay sleémeero intsaahhatimisuuwós nguwa waa/oó/.

Marko 6:2

Bál deelór Sabaátoro múk yaariír guna baraá doó saalíngw wa intsaahhatimís. Inooín intsaahhatimisuuwós kuri ló'wa waa/oó/, tari oó', «Kwí amór tí sleémeero ngiwa sláy a amá? Sagalooarí taa heewí haniís a sagalooár adoomá? Nee muruú xuawásl kwí i tlehhiiti a milá?

Luka 19:48

Ala gár ta tleehhi kaa slayká. Asma muu sleémeero axweesanaywós guna ló'wa slaá' axmisuwo.

Luka 2:47

Mukdá' sleémeero axamiís sagalooarós kari waa/oó/, nee adoodá' axweesani ngira mu/aywatsín.

Luka 4:22

Axweesantós giri qwal/ás, axweesantá gurtleemu tidá' aa afkósár axweés kari waa/oó/, tay káh, «Kwí a garmoó Yosefuwookáhe?»

Luka 4:32

Intsaahhatisarós kari ló'wa waa/oó/, asma axweesantós i aleesleemuú koón.

Luka 7:1

Alaá Yesu axweesantós sleémeero dír múkwí ooaro ngiwa hhe'eés, iri tláy ay Kapernaumu.

Yohana 7:15

Múk Yahudi tari waa/oo/amín tari oó', «Heewí sagalooár adór tí adór ngira sláy, inós bira soomuusiiká?»

Yohana 7:46

Askaáridá' iri ó', «Heé aa adór heedaádár axwees i kaahh tam looár wake.»