Matayo 7:21 - Biblía Axweesantá Hhohho' ar Mungú 2004

²¹ «Heé aní tawó babáw, ‹Aáko, Aáko,› i dahiiká baraá waawuti'iimár dooriiwo. Heé dáh a kudá' sla'aarír Baabuúeé' oo gawaá doorí dirií' ga tlehhiít.

Ya/abtór hho' 1977

²¹ “Heé aní tawó babáw, ‘Aáko, Aáko,’ i dahiiká baraá waawuti'iimár dooriiwo. Heé dáh a kudá' sla'aarír Baabuúeé' oo gawaá doorí dirií', ga tlehhiít.

Matayo 7:21 Iomraidhean Croise

Matayo 12:50

Asma umuúqo heewo oo sla'aarír Baabuúeé' kuduú gawaá doori ga tleéhh, an hhiyaaeé' nee hho'or'eé' nee aayor'eé'.»

Matayo 16:17

Yesu iri oó', «Símon, garmoó Yona, kuúng a heé amohhoó', asma kaangwí heé ngwa dirók i xu'utis i kaahh, ala aqo Baabuúeé' kuduú gawaá doorí dirií'.

Matayo 18:10

«Ti harmagahhe', tam oo wák baraá na/iiká' ninakwe mu waaqaa'ara'. Asma án a kah, malayker'ín umuú baalaaro gawaá dooriiwo i dír geeraá Baabuúeé', kuduú gawaá doorí dirí'. [

Matayo 18:19

«Slám án a kah barnaxes múk tsár baraá tla/angwhunge taa al'axweés baraakaá yaamuwo baraá umuúqo gár ta firina, kingi haniis nee Baabuúeé' kuduú gawaá doori.

Matayo 18:3

iri oó', «Án a kah, kuungá' barnaxes a warqeera'aaká tari adór na/ii tleehhitá', a baloó data'aaká baraá waawuti'iimár dooriiwo.

Matayo 18:35

Yesu iri oó', «Adoorí an adór Baabuúeé' oo gawaá doori kuungá' nu laqi, barnaxes umuúqo heewo hhiyaawós gu gurtlatlayká ar muunuú ló'.»

Matayo 19:24

Slám nu malé baw, ka inslaahh angamía iwa waarahh ar baraá fooxár laqwa, ta daqaarmo iwa baraá waawuti'iimár Mungií dahi.»

Matayo 25:10

Inooín tawa tláy, tawa di/tá tlaxór áy, heedá' duuxuuxuúm nay hardáh. Nee kudá' taa amohhe'eesiye' nee inós tari al dáh baraá doó duuxór i alé. Piindo kari qaás.

Matayo 25:21

Aakoowós iri oó', ‹I qoón, kuúng a lawaalmoó hhoó' nee oo inkihhím. Kuúng tu inkihhím baraá tidá' niina tuy saayini. Án kuúng u muruú yaariír i saayiím daxta. Qwál daháng baraá qwal/uueé'.›

Matayo 26:39

Iri geerií kumiít gár niinawe, giti gari yaamúr óh, iri firín iri oó', «Baabuúeé', barnaxes i ya/aán, qoomaarír slahh'amu aníng i wa pa/. Ala ma tleehhaar ar adoodá' án ngir slaa', na tleehheek ar adoodá' kuúng ta sla'.»

Matayo 26:42

Yesu iri malé kií/ sagaáwa tsare, iri firín iri oó', «Baabuúeé', barnaxes slahh'amuuwí hingeesaro i ya/anaká, barqo ay dír ngway slaw, sla'aarirók i bo/.»

Marko 3:35

Asma umuúqo heewo oo sla'aarír Mungú ga tleéhh, kwí an hhiyaaeé' nee hho'or'eé' nee aayor'eé'.»

Marko 9:47

Barnaxes iltók kuúng u baraá tlakweemií gee/asliín, tu/eek ka kwáhh. A tsiní tawa dat baraá waawuti'iimár Mungú tawa heé ila wák, ta tuwa kwahhi baraá ásltí alé tawa ilaawók koon tsaraawo.

Luka 11:28

Ala Yesu gari báy, «Geera tsiní bar kat, ‹Múk amohhoó' an kudá' axweesantá Mungú ga axamiís nee ga iialooeemiís.› »

Luka 13:25

Qoomár heé do' loó' bira tláy, afkú do' burngwa tseék, kuungá' tari sihhitá' tsee/aá wa ale tawa ateetiinda' tawa kata', ‹Aáko, do' gweereek.› Nee kuungá' nuri bay, ‹Amór ta dahha' aníng a xuaaká.›

Luka 18:25

Ka inslaahh angamía iwa waarahh ar baraá fooxár laqwa, ta daqaarmo iwa baraá waawuti'iimár Mungú i dahi.»

Luka 6:46

«Aníng mihar babeera', ‹Aáko, Aáko,› ala tidá' án ni kah a tlehhita'aaká.

Yohana 14:7

Asma aníng bira xué', Baabá geera ugwa xué'. Iimír hamí u xuá', slám ugwa aandé'.»

Yohana 15:23

Heé aníng iga aahh, a Baabuúeé' guna aáhh sleeme.

Yohana 3:5

Yesu iri oó', «Ar ló' án a kah, hee burkwa laqwaaliiká ar ma'aay nee Qeeruú Mungú, dahmuú baraá waawuti'iimár Mungú gu aslayká.

Yohana 5:17

Ala Yesu inooín giri báy, «Baabuúeé' i gadiyuus tam hamí, nee aníng sleeme an gadiyuús.»

Yohana 6:40

Asma Baabuúeé' gár i slai a tí, ‹Umuúqo heewo oo Garma gwa i qaytsiit, nee guri haratlintií', masók slafíngw alhhe'eesay wásl gu kón. Nee aníng nguri waaslee/atís bál deelór alhhe'eesaywo.› »

Yohana 7:17

Hee barnaxes sla'aarír kudá' aníng iga ya/aaw gaa ya/án tleehhamooro, kángw intsaahhastadá' daqaní gu tsaahh, áx amór i dahh a amór Mungúhe, laqaá án kilooeé' an axweés.

Tlehhema'aá ya/Abuuse 14:22

Inooín eeharuuse kari gurkwa/amís nee /uuru nguwa sleer baraá haratlintaaooro. Nee tari oó', «Atén gár tiwa hariím an dahaán baraá waawuti'iimár Mungú ar slahha'amaayér yaariir.»

Rumi 12:2

Kuungá' baraá slafingwhunge ma hootara' ar adoodá' múk baraaká' yaamu ir hooti. Ala masók kuungá' tundun warqees baraá inslawayhunge, ar inslawayhúng kuwa /abeemiisi, as Mungú gár i slai kawa tsahha'. Asma gár i slai a tidá' hhoo', tidá' inós gu qwal/atimis, nee tidá' qoom.

Rumi 2:13

Asma múk ta gan'amuú i harafaari nee Mungú, a ooanaaká an kudá' hara'aya gaa axaas, ala múk ta gan'amuú i harafaari, an kudá' adoodá' hara'aya i kat ga tlehhiít.

Efeso 6:6

Kuungá' masók a adór lawaaleedá' ilaá maaqumiisaaká. Ti harafade' tawa lawaalér Kristo, tidá' sla'aarír Mungú ga tlehhiít ar muunuú /awaák.

Kolosai 4:12

Epafra kuungá' nu intsihhiimiis. Inós a heehúng. Slám a lawaalmoó Kristo Yesu. Umuúqo daqto inós kuungá' nun aleeslaaqw baraá firooro, as kahhó' kuungá' tawa sihhita' nee tawa kwa/a' baraá haratlintaaooro, nee umuúqo gár Mungú i slai kawa tsahha' nee kawa eehada'.

1 Tesalonike 4:3

Mungú gár i slai a kuungá' masók an hotá' ar slafíngw hhohhó', nee tsaatu'uuma sleémeero kari meerá'.

1 Tesalonike 5:18

Mungú sluufmisaak baraá umuúqo gaaro. Asma gaarí an gár Mungú i slai dír kuungaásingá' awa baraá Kristo Yesu i diriia'a.

Tito 1:16

Inooín ta kaahi atén Mungú u xuaán, ala inooín Mungú ku siaasii' ar tlehhemi'ii'ín. Inooín a múk aa dee/aanuut ló'wa ale, múk iawaslén, Múk hariimaaká gadiyér hho' tam ar wák kawa tleehhi.

Ebrania 13:21

Munguúwí umuúqo gár hhoo' ngi kuungá' i haniisi, as kuungá' sla'aarirós kawa tlehha'. Inós tidá' i slai ngi tleehhi baraá muneerene ar loohír Yesu Kristo. Inós i xirfuuti ay alhhe'eesay wasle. Amin.

Ebrania 4:6

Gawaá adoorihe a gár xu'utír koom adór múk dáh baraá hungu/umaaká' ir deér. Ala mukdá' Ya/abtór hho' gaa geerií axaas, inooín dahmu ngwa aleeslay'iiká, asma Ya/abtór hho' nga haratlinti'ii'iiká.

Yakobo 1:22

Kuungá' adoodá' axweesani i kat na tlehhiitaak, ala ma tawó axamiisara', tiri kiloohúng al/agiindá'.

1 Petro 2:15

Asma gár Mungú i slai a tí, kuungá' bar hhooeema iga tlehhé', daqaní múk axweesantá dakti'iimár axweés u xasltisá'.

1 Petro 4:2

Gawaá adoorihe qoomár aa meti baraá slafingwhúng oo baraakaá yaamuwo, kuungá' gár tunduwa hariím an hotá' ar sla'aarír Mungú kawa tlehha', ala ma hootara' ar ilatleerír muu kawa eeharahada'.

Geehhoeemaá 2:27

Nee inós múk xoordu guri sawaawuti'ii'ín ar hhartá muqsli, nee guri parhhamiis adór qaambeesamá wa ale. Asma tam aníng waawuti'iimarí ana sláw dír Baabuúeé' wa ale.

Geehhoeemaá 22:14

Múk amohhoó' an kudá' inqwaruuín gu hhuuntsiít, as kahhó' inooín tawa harín mamaá xa'anooduú slafiingw kiwa /ayi, nee tawa baraá gixsadií dahi ar afeerós.

Geehhoeemaá 3:5

Heedaádá' arba/ati gaa slay, inós ku tlabaá awák i dahaas, nee umuuwós u baloó fiitsaaká baraá kitaábuuduú slafiingo. Nee slám aníng umuuwós un ya/aám dír geeraá Baabuúeene nee dír geeraá malaykeerós adór inós tar kwe'eé'.