Matayo 7:17 - Biblía Axweesantá Hhohho' ar Mungú 2004

¹⁷ Gawaá adoorihe umuúqo xa'anoó hhoó' mamaá hho' gin laqwaal. Nee xa'anoó tlaákw mamaá tlakw gin laqwaal.

Ya/abtór hho' 1977

¹⁷ Gawaá adoorihe umuúqo xa'anoó hhoó' na/'aá hho' gin laqwaal. Nee xa'anoó tlaákw na/'aá tlakw gin laqwaal.

Matayo 7:17 Iomraidhean Croise

WARA'AMI 1:3

Inós tari adór xa'anoó taa haátl afaá tsiinqaá ma'aay, kudá' mamaá laqwaliím qoomár hariimarose, tam loo/orós i /otská. Heewí umuúqo gár i tleehhi i ya/aán.

ISAYA 61:3

Kudá' tsuunqumiisá' baraá Siyoniro. Slamángw /ayo nguwa slaya' kitángw da/araro. Di/tá qwala/ ngiwa haniis kitángw tawa tsuunqumiisi. Tlabaá xirif ngiwa haniis kitángw muneesi'imaawo. Daqaní inooín kin bay «Ti'itaawér hota ganaa'. Dahaasíngw AAKOÓ MUNGÚ, as kahhó' inós kuwa xirfayeesi.»

YEREMIA 11:19

Ala aníng an adór deelmoó bee/i kudá' tsatsa'aár oo ta gaasár ay. Aga xuiiká adór aníng tir gaasár wa slaá', tawa kaahi, «Xa'anoowí u hhitiimaán dinkwa nee mamuuwose. Un amór saáwií kwahhaán baraakaá yaamaá múk slafa. Umuuwós mukuwa baloó insláy malé alé.»

YEREMIA 17:8

Heewí an adór xa'anoó taa haátl dír afaá kutltá ma'aay, kudá' dee/aruuwós gwaa siihh afaá yaae. Inós i kahiiká qoomár siire/iro, loo/oorós aqo in na/aa/át, sleeme tam kurkú slahheemasto i orooiiká, nee mamu gi mayká laqwaliingo.

Matayo 7:18

Xa'anoó hhoó' mamaá tlakw gi laqwaaliiká. Slám xa'anoó tlaákw mamaá hho' gi laqwaaliiká.

Efeso 5:9

Asma didár gwa/aateema i dirii'iya' gár tleehharumiit a hhooeema sleémeero nee gan'amu nee looeema.

Filipi 1:11

Nee kuungá' tundu hatsiis gan'amuwo, kudá' Kristo i tlehhiiti baraá munerhúng wa ale, as ilaiwa/amér Mungú nee xirfuuwós.

Kolosai 1:10

Daqaní a aleesleerá' tawa hota' ar adór hariím dír Aakoowo, Aako kuri qwal/atisá', nee adoodá' inós i slai kari tlehhitá'. An malé firiimaán as kuungá' umuúqo gár hhoo' kawa tlehhita', nee tawa kumita' Mungú kuwa tsatsahhaanda'.

Yuda 1:12

A múk hhitár huwahuúw baraá dinku'uumarhúng tidár muruú /aymár sla'aariro. Tan al /ayín nee kuungá' ar mure wasle. Inooín kilooín tin xuiyá'. Inooín a adór huunkoó tar hi'iimiiti nee fur'a, ala i tluwoó konká. Slám inooín a adór xaa'aá mamaá kooma'aaká qoomár hariímár mamaá xaaiwo, kudá' taa dee/aruú al tuú/, nee niri kahiyé' niri slupuutiyé'.