Matayo 6:25 - Biblía Axweesantá Hhohho' ar Mungú 2004

²⁵ «Gawaá adoorihe, án a kah, ma daawimitaara' as slafingwhúng, tawa kata', ‹Ma /ayaán nee ma wahaán?› Laqaá slaqoohunge, tawa kata', ‹Ma tsiitaán?› Asma slafiingw a gár afhhamíteéke ta muruú /aymaaro? Nee slaqwa a gár afhhamíteéke ta tsitaywo?

Ya/abtór hho' 1977

²⁵ “Gawaá adoorihe, án a kah, ma daawimitaara' as slafingwhúng, tawa kata', ‘Ma /ayaán nee ma wahaán?’ Laqaá slaqoohunge, tawa kata', ‘Ma tsiitaán?’ Asma slafiingw a gár afhhamíteéke ta muruú /aymaaro? Nee slaqwa a gár afhhamíteéke ta tsitaywo?

Matayo 6:25 Iomraidhean Croise

WARA'AMI 55:22

Slahh'amuuwók sleémeero dír AAKOÓ MUNGÚ ti meer, inós kuúng u aleeslawtis. Heé hota ganaá' gu baloó mayká kuwa diinqisi.

YEREMIA 45:5

Xáy kuúng muruú urén u leelehhíta? Muruusíng mu leelehhitaar, asma ga/aaweek, aníng amotlakwe ngin huúw gawaá daanduú muu sleémeero, ala aníng slafiingók u ba/amís baraá slaqwaraaro umuú dír ta keera.»

Matayo 10:19

Ala qoomár barnaxes kuungá' tundu huwahuuw, gár ta oa' ma leelehhitara', asma qoomaadae gár ta oa' kingi haniis.

Matayo 13:22

Nee kudá' aa paahh baraá laqaya', an slaqsoó múk axweesantadá' gaa axaas, ala daawitimér yaamu nee al/aymár daqaari'iima axweesantadá' gari tlíq, axweesantadá' iri laqwaliká.

Matayo 6:31

Gimsé', ma daawiimitaara' tawa kata', ‹Ma /ayaán?› laqaá ‹Ma wahaán?› laqaá ‹Ma tsiitaán?›

Matayo 6:34

Gawaá adoorihe muruú matlo mu sadaawimitaara', asma ar matlo looarós ngisa tleér. Umuúqo baalaaro i daawiitimeerós koón ar bu'uut.»

Marko 13:11

Bar kuungá' tunda uhín, tunday huúw as tunduwa sakwasleemuuti, gár ta oa' ma geerií leelehhiitara', ala tidá' siiwadaádae tindi haniisi na ooaak. Asma heé axweés qoomaadae a kuungaeeká, a Qeeruú hhoohhoó' oo Mungú.

Marko 4:19

ala tari daawimiit as muruú slafiingw oo baraakaá yaamu. Daqaari'iimár yaamu gina uurúx, nee ilatleerír muruú dimbadimbé oo baraaká'. Gawaá adoorihe axweesantadá' pa/ángw ir laqwal gwa sleeriiká.

Luka 12:11

«Kuungá' burtunda huúw dír geeraá maraá saaliingw, nee dír geeraá waawitá nee mukduú hara'ayár koóm, as tunduwa sakwasleemuuti, ala kuungá' ma daawimitaara' as tiwa aleekala/a nee ar ta dir'íní oa' ma leelehhitara'.

Luka 8:14

Kudá' paahh baraá laqaya', an slaqsoó mukdá' gaa axaas, baraá hotaaine kiri tliíq nee daawitame nee daqaari'iima nee qwal/amaayér slafíngw baraá yaamu, axweesantadá' mamuuwós gay hamaaresiká.

Rumi 8:32

Mungú tam Garmaawós gwa ilaa/iiká, ala nguri haniís iwa gwaai as atén sleémeero. Munguúwí mura' sleémeero ngu aténí haniísiíke dinkwa nee inós?

1 Korinto 7:32

Ala gár án ni slaa' masók kuungá' an daawimita'aaká. Heedaádá' aa duuxunká in daawiimiit as Aako, nee adór ngur qwal/atisi.

Filipi 4:6

Ma daawiimitaara' baraá umuúqo gaaro. Ala umuúqo gaaro ar ta sla'a'a Mungú na ádbawaak, kuwa firiiriinda' nee kuwa sluufmisa'.

2 Timoteo 2:4

Askaarmoó baraá slaqwarár i dirií', i dahiiká baraá daawitimér muruú hatlae, asma gár i slai a geeraharusmoowós kudá' úr kilós gun sla'atimis.

1 Petro 5:7

Daawitamerhúng sleémeero gawaawós ti qase', asma inós ti daawitimiis as kuungá'.