Matayo 6:24 - Biblía Axweesantá Hhohho' ar Mungú 2004

²⁴ «Heé daqaarér tsár sagadiyeede ga aleesláw i kaahh, asma kooko gun aahh, kuqá' gway slaa'. Laqaá nee kooko tin oohiyá', kuqá' gway waaqaa'. Mungú nee daqaari'iima tsaraawo kiwa sagadiyusa' i aleesleera'aaká.»

Ya/abtór hho' 1977

²⁴ “Heé daqaarér tsár sagadiyeede ga aleesláw i kaahh, asma kookoo gu aahh, kuqá' gway slaa'. Laqaá nee kookoo ti oohiyá', kuqá' gway waaqaa'. Mungú nee daqaari'iima tsaraawo kiwa sagadiyusa' i aleesleera'aaká.”

Matayo 6:24 Iomraidhean Croise

IIMU/UUNGW 47:17

Hikwaaín kiri huúw amór Yosefu, adór: Faras nee hikwa, nee bee/aangw, nee aara nee daqwaaye, inós giri balaángwí haniís. Kurkudae Yosefu gina balaángwí hanmiís ar kuwa waa'alhan ar hikwaaín sleémeero.

1 WAAWITÁ 18:21

Aluuwo Eliya iri tseewúy dír muu sleémeero, guri báy, «Kár kuungaáká' ta aftsaderarinda' baraá inslawayhunge ay xaylá? Gám, bar AAKOÓ MUNGÚ an Munguú ló', eeharaak, ala Ba'ali bar an Mungú, gimsé', eeharaak sleeme.» Ala muu axweesantadá' gaa tlaxwiiká, ina xasliít.

2 WAAWITÁ 17:41

Ala mukdaádá' AAKOÓ MUNGÚ nguna sluufmiisiyé', slám bartaqae inooín murslaaqatuín kudá' naa tleehhiyé' ar dabaaín nguna sagadiyusiyé'. Tam ay laarí na/ii'ín nee na/aá nangw'ine aqo adoodár kilá' ar xwaylitér'ín aa tlehhít ngina tleehhiyé'.

ESEKIELI 20:39

«Hám daxta kuungaá múk Israeli, anuú Aakoó MUNGÚ nun babaw, ‹Án bir iialooeemisa'aaká, kár ala gimsé', kumité' munguaá hatlá' sluufmisuuwo, ala tundun /uurutis umuueé' kudá' hhoohhoó' kuwa meera' /osliisliingo ar ilahhooa nee slaqsi'iihúng kudaá munguaá hatlá' kudá' ta haratlintaatia'.›

SEFANIA 1:5

Mukdá' looa nee slahhaangw nee tsatse/ ngi i tumbarara'amiitá' gawaá daandeemaá maray'ín wa alé un qwaareés, nee kudá' ngu i tumbarara'amiitá' iwa lo'ór /ayiya' ar umuú AAKOÓ MUNGÚ, bartaqae i lo'ór /ayiyá' ar munguú lama oo ta bay Milkomu.

Matayo 4:10

Yesu iri oó', «Neétlaangw, quútl. Asma kaa gooín, ‹Aakoó Munguúwók na sluufmiseek, nee inós kilós ku sagadiyús.› »

Luka 16:11

Gawaá adoorihe, kuungá' bar inkihhimuú koonda'aaká baraá daqaari'iimarír baraá yaamuukae, daqaari'iima tidár ló' heé ngi dirhúng i saayiím a heemá?

Luka 16:13

«Heé daqaarér tsár i lawaali'iitaro ga asláw i kaahh. Asma kooko gu aahh, kuqá' gway slaa', laqaá nee kooko ti oohiyá', kuqá' gway waaqaqaa'. Mungú nee daqaari'iima i lawaali'iitaro i aleesleera'aaká.»

Luka 16:9

«Án a kah, daqaari'iimár baraá yaamu ar gadiyuusaak as mulqe kawa sleera'. Daqaari'iima bira fák, mulqeedá' daqaní nu ilaót baraá hotaá kureerisleeme.

Galatia 1:10

Kuungá' ka xua', aníng axweesanaywí un axweésa, as muu aníng iwa ya/an, laqaá Mungú? Kuungá' ka xua' aníng gár ni leelehhiit a sla'atisár múko? Án barnaxes tam hamí a kumiít muu nguwa sla'atimis, daqaní aníng a sagadiyusmoó Kristowooká.

1 Timoteo 6:17

Mukdá' daqaari'iimár baraakaá' yaamu ga koóm ádbaweek matawa daara/án. Daqaari'iimar'ín tí makawa harahhiíf, asma i fák. Ala masók inooín Mungú ngun harahhifiyá', kudá' mura' sleémeero oo ta sla'aan ngu hanmiís ar yaareema.

2 Timoteo 4:10

Asma Dema muruú yaamu guna slaá', aníng iri geexáy, iri tláy ay Tesalonike. Kreske aa yaamaá Galatiár i tláy. Tito sleeme aa yaamaá Dalmatiár i tláy.

Yakobo 4:4

Kuungá' fuquúse, kuungá' kaangwí u xua'aakáhe? Hee bar mulqumoó múk aa haratlintii'iiká, inós a wakusmo dír Munguhe. Gawaá adoorihe heedaádá' mulqi'iimár tlehhiít dír múk aa haratlintii'iiká, inós tin wakusmoó Mungú tlehhiit.

YOSHUA 24:15

Barnaxes kuungá' AAKOÓ MUNGÚ kuwa sagadiyusa' a sla'a'aaká, gimsé', tsawdimé' laarí munguaá ta sagadiyusa' slawaak. Bar awa ta sla'a' an kudá' baabi'iihúng naa sagadiyusiyé' afaá yaaér Eufrátér wa ale, laqaá bar awa ta sla'a' an kudá' múk Amori ni sagadiyusiya', mukdá' ayaaín hamí ta hota', tlawsé'. Ala aníng nee múk dooeé' sleémeero AAKOÓ MUNGÚ un sagadiyusaán.»

1 SAMUELI 7:3

Samueli múk Israeli sleémeero guri báy, «Barnaxes aga ki/é' ar munerhúng sleémeero amór AAKOÓ MUNGÚ, gimsé' munguaá dahaaye hingeesaak, nee slaqsi'iidá' ta babay Ashtaroti, dirhunge kwahhaak. Munerhúng amohhe'eesaak dír AAKOÓ MUNGÚ. Inós kilós ku sagadiyusá', daqaní inós kuungá' nu ba/amis baraá dabaá xoorór Filistiro.»