Matayo 6:2 - Biblía Axweesantá Hhohho' ar Mungú 2004

² «Kuúng bar gaa a heé i haniisár wa slá', ma dír múkwí kaahaar as muu ngiwa xui, adoodá' hhaahhafuuse i tlehhaahhit baraá maraá saaliingo nee baraá lohuuwo, inooín gár ta slai a masók kin xirfayeemiis nee muu. Án a kah, bu'utuuín ngwa qaroó slayé'.

Ya/abtór hho' 1977

² “Kuúng bar gaa a heé i haniisár wa slá', ma tsimahhuusaar as muu ngiwa xui, adór múk hhaahhafuuse i tlehhaahhiiti baraá maraá saaliingo nee baraá lohu. Inooín gár ta slai masók kin xirfayeemiis nee muu. Án a kah, bu'utuuín ngwa qaroó slayé'.

Matayo 6:2 Iomraidhean Croise

WARA'AMI 112:9

Muu gun qaqáy ar muunuú /awaák, narkuute gan qaqáy tawó ale. Gurhhooarós i baloó fakaká. Heewí ku aleesleemuú i haniis nee slám ku ilaiwawaa/.

WARA'AMI 37:21

Heé tlaákw gaa binga kiriík, ga buiiká. Ala heé hota ganaá' gurhhooa tinar hanmiis.

AXWEESANOÓ SAGALOOA 19:17

Heé narkutmo gwaa /iis a AAKOÓ MUNGÚ guna kirkitís. Inós ku buu' nee Mungú tlehhmuuwós kwí hhooe.

AXWEESANOÓ SAGALOOA 20:6

Múk yaariír inkihhimuuín ngun kilooín alki/iitiyá', Ala heé inkihhím ar tsáp dír kuwa slay?

DAHARUSMO 11:2

Qasiseek múk faanqwí ale laqaá dakaát, asma baalár gár tlaakw ni barakaá yaamií hardat a xu'ká.

ISAYA 10:6

Una ya/aáw xoorór tlaakw ngiwa muxi, una ádbáw mukdá' naa i buúhh nguwa muxi nee ngiwa haasaáng wa ar tlay, ngiwa yaamií kalaa/i adór hhapér baraá loohi.»

ISAYA 58:7

Gwaawitór ló' an tí: Múk qwariít kuwa /aymisa', nee narkuutér maraá koomaaká kawa dah'isa'. Múk tlabaá koomaaká kuwa tsiitisa' nee mar'eefoowók kiwa alee/is.

ISAYA 9:17

Gawaá adoorihe, Aako masoombar'ín ga gurtlayká, sleeme i gurtleemuú konká dír panaay nee kwaeeliiwo. Asma heé Munguú ilaiwawaá/ i kaahh, umuú heewo a lamusmo. Tam adoorihe muneerós gaa gu/iiká, tam hamí dakós i loloqoosárí kaahh.

HOSEA 8:1

Tarumbeéta ufahhaak! Asma wakusmo i adór gwareesír wá haraatláy amór doó AAKOÓ MUNGÚ, asma alqador'eé' ngaa mayé' nee hara'ayar'eé' ngaa aahhiyé'.

Matayo 15:7

Kuungá' a hhaahhafuuse. Adoodá' aarusmo Isaya aa aarín as kuungá' i qoón, tidá' iwa kaahi,

Matayo 16:3

Looa binda tleér a kata', ‹Laarí tluwaay i tluuw, asma doori ki daa/aat, slám i huunkoó koná'.› Kuungá' a hhaahhafuuse. Afaá doori tsatsahhaango i aleesleerá', ala layár de'emuuká' tsaahharo mas aleesleera'aaká.

Matayo 22:18

Ala Yesu tlakweemaaín kudá' giri tsaáhh, giri báy, «Ahaá, án mis iiara'adá', kuungá' hhaahhafuúse.

Matayo 23:5

Asma tlehhemi'ii'ín sleémeero kin tlehhiit as muu ngiwa ga/ay. Inooín slambaré/uuín kuduú firo ngun dogiitiyá' nee hirituú tsaafoó inqwaruuín ngun ureemisiyá'.

Matayo 23:6

Doó kiwa dahi'isi kiteeraá geera ngin tsawdaaditiyá', nee baraá maraá saaliingo sleeme.

Matayo 24:51

Sagadiyusmoodá' guri tla/a tsaat, guri haragaas dír hhaahhafuuse. Diirí an didá' tawa /aa/amin nee sihhina' kiwa qirirtlimiisi.»

Matayo 5:18

Án a kah, looeemaawo, ay dír doori nee yaamu i waarahhiya', ala gooír niina adór afkú laqwa laqaá tam ar ló'wa niina ta afkú laqwto ar baraá hara'ayaárií dirii' i baloó waarahhká ay dír sleémeero kay boo/eesi.

Matayo 6:16

«Slám bar kuungá' aga gwaawindé', gitsee/erhúng ma quy'uumisaara', adór múk hhaahhafuusér wa ale. Asma inooín adoorí kan tlehhiit as muu ngiwa ari adór tara gwaawín. Án a kah, inooín bu'utuuín kwaa qaro hhe'eés sleemuuwo.

Matayo 6:3

Ala bar kuúng hee u alee/isár wa slá', tam dakók oo doó basáy gár dakók oo doó /iyáy i tlehhiiti mingiwa xuú'.

Matayo 6:5

«Slám bar kuungá' Munguú firiiriindá', masók a adór hhaahhafuuseerooká. Asma inooín tan firiirín tawa sihhimiiti baraá maraá saaliingo, nee baraá afaá lohuwo, as muu ngiwa ara'ari. Án a kah, bu'utuuín ngwa qaroó slayé'.

Matayo 7:5

Kuúng adoosinge a hhaahhafusmo. Waaqaasír baraá iltók ala geerií hingeeseek, daqaní suwito'oodár baraá iltá heewók i dirii' a tsaahha hhe'és nee kawa hinges.

Marko 12:39

Inooín kiteeraá geera ngi tsawdaaditiyá' baraá maraá saaliingo nee doó kiwa dahi'isi muruú /aymaaro.

Marko 7:6

Yesu giri báy, «Tidá' Isaya aa aarír wa oó' daanduú hhaahhafingwhunge ar ló', adoodá' kara gooín, ‹Mukwí aníng i ilaiwawaa/ ar afe, ala muner'ín ka saaw dir'eene.

Luka 11:41

Ala tidá' sleémeero ar baraá isaangi nee qwaree/amo hanmiisaak dír narkuute, nee mura' sleémeero dirhunge daqaní ku hhohhó'.

Luka 11:43

«Kuungá' múk Farisayo, a tsaxwaahúng, asma gár kuungá' ta sla'a' an iwitá' dír kiteeraá geera baraá maraá saaliingo, nee tunduwa ilaiwa/ameérár laawe'eemisi dír boo/oó muko.

Luka 12:33

Muruudá' ta koonda' weerisaak, nee peésaadá' ta sleera' ka hanisá' dír narkuute. Sandadaá qaruwa'aaká hiriitaak, daqaari'iimarhúng qaasaak gawaá doori, didá' iwa baloó /aaruuraaká, didá' fisusmo iwa hardihiiká, nee babi ngiwa hhitiindaaká.

Luka 12:56

Kuungaá' hhaahhafuúse. Kuungá' doori nee yaamu i tsatsahhaandá', ala tí tleehharumiit de'emaakae mas tsatsahhaanda'aaká?»

Luka 13:15

Ala Aako heedá' úr oo doó saaliingw guri báy, «Kuungaá hhaahhafuúse. Umuúqo heewo dirhunge deelór Sabaátoro awuuwós laqaá daqwaywós gu duúxiíke baraá matla/aango as nguwa wahaasár ay.

Luka 20:46

«Ti harmagahhe' nee intsaahhatuusér hara'ayár Mose. Asma inooín barta hi'iimiit, tlabaá tlet ngi slaiyá' dahamisuwo, nee kiwa taaqweemisi ar ilaiwa/ame dír boo/oó muu barka áy. Slám inooín kiteeraá geera ngi tsawdaaditiyá' baraá maraá saaliingo, nee maraá kiwa dahi'isi muruú /aymaaro.

Luka 6:24

Ala kuungaásingaá daqaare, a tsaxwaahuúng, asma qwal/uuhúng sleémeero ugwa hhe'esé' sleemuuwo.

Luka 6:42

Adór heewók kur beer, ‹Xáda, suwito'oosír baraá iltók án ngi hingeés›, bar kuúng waaqaasír baraá iltók a tsatsahhaandaaká? Kuúng a hhaahhafusmo adoosinge. Waaqaasír baraá iltók ala geerií hingeeseek, daqaní suwito'oodár baraá iltá heewók ka sangw aluú wa hingés.»

Yohana 13:29

Eeharuuse bahh'alé geera ngi xu', Yesu Yuda guna báy, «Muruudá' ta sla'aan as deelór ur tlaxwang,» laqaá liitlakuuse ngiwa gaárí haniisi, asma Yuda tawa heé tlakoó peésár amohhe'eemaamiís.

Yohana 5:41

«Aníng xirfuú amór múk daáhh u ilaohiimaaká.

Yohana 5:44

Kuungá' adór tar haratlintia' a adoomá, kuungaásingá' ti kiloohúng xirfayeemisá'. Nee xirfuudá' amór Mungú kudá' wák daáhh u leelehhita'aaká.

Yohana 7:18

Heé sagós ar axweés, xirfuú i leelehhiiti a kós kilós. Ala heé xirfuú heé inós ngwa ya/aaw gu leelehhiít, heedá' a heé ló', nee baraawose al/ayma i káhh.

Tlehhema'aá ya/Abuuse 10:2

Inós nee múk do'ose sleémeero ta Munguú ilaiwa/a/aat. Slám muu gun qaaqáy ilahhooár yaariire, nee Mungú gun firaarín daqisleém.

Tlehhema'aá ya/Abuuse 10:31

iri báy, ‹Kornelío, firoorók kaa axaás nee ilahhooarók Mungú ga gunqareesiiká.

Tlehhema'aá ya/Abuuse 10:4

Kornelio malaykamoodá' guri i qaytsita hhe'eés, iri da'ayuút, iri oó', «Gaa a milá, aáko?» Malaykamo iri oó', «Firoorók nee ilahhooaro Mungú gaa ilaaóh, nee Mungú ga gunqareesiiká.

Tlehhema'aá ya/Abuuse 11:29

Eeharuuse iri al'axwés iri ó', «Umuúqo heewo alee/isoó i aleeslay ngu haniisi, as kuwa huwi amór hhaeerén kudá' yaamaá Yudeár i diriiá'.»

Tlehhema'aá ya/Abuuse 24:17

«Aníng kureeraá yaariire a kaáhh Yerusalemuwo, aluuwo niri kií/, as xooror'eé' ngiwa alee/iisáy i huuw, nee as ilahhooar'eé' ngiwa haniisár aw.

Tlehhema'aá ya/Abuuse 9:36

Nee eeharuso'orka wák i deer baraá gixsár Yopa, umuuwós a Tabita, tsifrír grikiro a Dorkasi (gídaabárós a tlaaqati). /Ameenirí tlehhma'aá hho' awa yaariir gaa tlehhaahhít, nee ilahhooa ga hanmaamís dír múk i alé.

Rumi 12:8

Nee heé aleesleemuú gurbu'uungw gu koóm, muu ngu gurbu'un. Heé muruuwós hanmiís, ngu hanmiisi ar muunuú /awaák. Heé múk hatlá' sageesihhimiít, muu ngu sagesihhimiiti ar ilakaaharu. Heé gurtleemuú koóm, muu ngu gurtlatlay ar qwala/.

1 Korinto 13:3

Slám aníng tam liitlakuuse a /aymaamisa ar muruueé' sleémeero, nee án tam slaqwte'eé' a haniisa asla iwa /ak, bar sla'aari a koomaaká, gár aníng iwa gaa bu' i káhh.

Galatia 2:10

Ala gár wák kilós ngina ooiyé', iwa kaahiya', «Múk narkuute alee/iimisaak.» Nee gaarí a gár án ni tlehhaahhiit ló'wa ale.

Efeso 4:28

Heé fisaasiím, fiiso ngi may, ala inós gár kuwa hariím gadiyér hhoo' gan tleehh ar dabaawós awa kilá', as gaa ngiwa slay ar liitlakuuse ngir alee/iisi.

1 Tesalonike 2:6

Atén aga sla'aaniiká muu tiwa xirfayeemisi, tam kuungá', laqaá tam múk hatlae.

1 Timoteo 6:18

Inooín masók hhooeema kin tleehh, slám masók tlehhema'aá hho' awa yaariir ki tlehhiit, nee masók a múk gurhhoén oo múk qaqáw muruuine.

Filemoni 1:7

Asma qwal/uú yaariír ugwa sláw nee gurkwa/asa, as sla'aarirók, asma munér múk hhohhó' kaa qwal/atís nee kuúng, hhiyaaeé'.

Ebrania 13:16

Kuungá' ma gunqaruutaara' tlehhma'aá hho' kiwa tlehha' nee tiwa alee/iimisa', asma gaarí an ilahhooadár muruú ta tsu/i ar Mungú gu ak qwal/atimis.

1 Petro 4:11

Heé axweesantá Munguú alki/iít, ngi alki/iiti ar adoodá' axweesantá Mungú i kat. Heé gadiyuús, i gadiyuusi ar /uuruudá' Mungú aa haniís dirós i alé, as kahhó' Mungú iwa xirfuuti baraá mura' sleémeerowo ar loohír Yesu Kristo. Xirif nee aleesleemu a kós tam ay alhhe'eesay wasle. Amin.

1 SAMUELI 15:30

Saulo iri male oó', «Aga tlakweés, ala hamí u firiím, ilaiwa/áng geeraá bariiseedár muk'eene nee dír geeraá múk Israeliro ya/aamáng, nee kuúng niwa alki/aan, as AAKOÓ MUNGÚ, Munguúwók nguwa sluufiis.»