Matayo 6:19 - Biblía Axweesantá Hhohho' ar Mungú 2004

¹⁹ «Daqaari'iimarhúng ma baraá yaamií qamiimara', didár babi nee kútu ngiwa hhitina', nee didá' fisuuse ngiwa hara dat gari fís.

Ya/abtór hho' 1977

¹⁹ “Daqaari'iimarhúng ma baraaká' yaamí qamiimara', didár babi nee kútu ngiwa hhitina', nee fisuuse ngiwa hara dat nee gari fís.

Matayo 6:19 Iomraidhean Croise

YOBU 24:16

Fisuuse koo/ír do' xweeraawo gan tú/, tlaatla/ango tin pindór hara qaasiyá' Inooín gwa/aateema ngi xuiaaká a milá.

YOBU 31:24

Barnaxes sahaábu ugwa harahhiíf, laqaá sahaábu hhohhó' bura haratlintií',

WARA'AMI 39:6

Hee i waaraahh adór geehhantmoó wa ale. Waayaawós nee /ifooro a tawo, i muruú burumburín, ala heé gu sláw gu xuiiká.

WARA'AMI 62:10

Harahhifoorók ma qaasaar baraá muruú hara/uuntsa, laqaá ma daara/aamaar ar daqaari'iimár fiiso, daqaari'iima bira tláhh, muunaáwók munguwa hayót.

TI'INAANGW 22:2

Barnaxes fisusmo xweeraawo kwaa dír do' fi/ití áy kway gaás, heedaádá' gwa gaas i dakuúsár konká,

AXWEESANOÓ SAGALOOA 11:4

Daqaari'iima hee gu gaa wa bu'uká qoomár qwanaywo, Ala hotaá ganaa'á' hee ngu tu/iyá' dír gwa'araro.

AXWEESANOÓ SAGALOOA 16:16

A gár hhoo' sagalooa kawa sleer ta sahaábuwo, sleeme a gár hhoo' tsaahha kawa sleer ta muqslidár peésaaro.

DAHARUSMO 2:26

Mungú sagalooa, nee fuquraangw nee qwal/amaaye gan haniis dír heé inós gu sla'atimís, ala heé tlaákw guna gadiyér gawídií haniís ar bu'uungw nee buruumburiingw, nee tidá' taa sláy kari haniis dír heedá' Mungú gu sla'atimís. Tí sleeme a tawór huwisha, nee a adór heé fur'a gaa alta'aain.

SEFANIA 1:18

Peésar'ín laqaá nee sahaábuwo sleémeero gi ba/amisiiká bál deelór xarasleemaá AAKOÓ MUNGUHE, ala tam yaamu sleémeero kin daa/ ar asltá da/tós, asma muu sleémeero oo baraá yaamuuká' hoót gun qwaarees ar hartsatángw dae tlaáq.

Matayo 19:21

Yesu guri báy, «Barnaxes kuúng a heé ganaá' tlehhitár wa slá', tláw, muruudá' ta koon weeriseek, peésaadá' ka hanís dír narkuute, daqaní aníng ir eehát. Kuúng daqaari'iimarók a gawaá doorií eér.»

Matayo 6:20

Ala daqaari'iimarhúng gawaá doori ti qamiinde', didá' babi nee kútuwo ngiwa hhitiindaaká, slám fisuuse i datká gari fís.

Luka 12:21

«Múk daqaari'iimár baraaká' yaamaá leelehhiít, nee laatí inooín dír geeraá Munguhe gár ta kon i káhh, alhhe'eesoó slafingw'ín a adór slafíngw heewí.»

Luka 12:33

Muruudá' ta koonda' weerisaak, nee peésaadá' ta sleera' ka hanisá' dír narkuute. Sandadaá qaruwa'aaká hiriitaak, daqaari'iimarhúng qaasaak gawaá doori, didá' iwa baloó /aaruuraaká, didá' fisusmo iwa hardihiiká, nee babi ngiwa hhitiindaaká.

Luka 12:39

Ala xuaak, adór heé do' loó' geera siiwár fisusmo do'ós ngu gaasi birngi xuu', geera fisusmoodá' pa/aangw gu slayká oo do'odá' ngur gaasi.

Luka 18:22

Qoomár Yesu tí ngiwa axaás, guri báy, «Tam hamí gár wák uga wa /aaruúr. Muruudá' ta koon sleémeero weeriseek, nee peésaadá' ta sleer ka narkuutér i qasmís. Daqaari'iimarók a gawaá doorí eér. Daqaní ni hardát, aníng i eehát.»

Luka 18:24

Yesu gari tsaáhh adór ira gurhaamuút, iri oó', «Ga/aawaak, adór daqaare kar gawít dahmaá baraá waawuti'iimár Munguhe.

1 Timoteo 6:17

Mukdá' daqaari'iimár baraakaá' yaamu ga koóm ádbaweek matawa daara/án. Daqaari'iimar'ín tí makawa harahhiíf, asma i fák. Ala masók inooín Mungú ngun harahhifiyá', kudá' mura' sleémeero oo ta sla'aan ngu hanmiís ar yaareema.

Ebrania 13:5

Kuungá' ti harmagahhe' gawaá sla'aarír peesaaro, ala muruudá' kuungá' ta koonda' i bu'uuti dirhunge. Asma Mungú inósuú kilá' ina oó', «Aníng kuúng u gaa wa /aaruwaaká, slám u baloó mawaaká.»