Matayo 6:16 - Biblía Axweesantá Hhohho' ar Mungú 2004

¹⁶ «Slám bar kuungá' aga gwaawindé', gitsee/erhúng ma quy'uumisaara', adór múk hhaahhafuusér wa ale. Asma inooín adoorí kan tlehhiit as muu ngiwa ari adór tara gwaawín. Án a kah, inooín bu'utuuín kwaa qaro hhe'eés sleemuuwo.

Ya/abtór hho' 1977

¹⁶ “Slám kuungá' bar gwaawaawiindá', gitsee/erhúng ma quy'uumisaara', adór múk hhaahhafuuse. Asma inooín adoorí kan tlehhiit as muu ngiwa ari adór tara gwaawín. Án a kah, inooín bu'utuín kwaa qaro hhe'eés sleemuuwo.

Matayo 6:16 Iomraidhean Croise

2 SAMUELI 12:16

Daudi Mungú guna firaarín as na/aay tsiní ngiwa slay. Iri gwaawín, ina dáh baraá kutuwirós, iri qaát yaamií ale iimír xweera ay iimi garwa /awakuúr.

2 SAMUELI 12:21

Sagadiyuuserós guri yaahás, «Kaangwí a milá taa tléhh? Qoomár na/aay iwa slafi, kuúng ana gwaawiín nee una ale/aa/amamiín. Ala alaá iwa gwaá' tari sihhít muruú /ayma kuri /ák.»

1 WAAWITÁ 21:27

Alaá Ahabu adoorí ngiwa axaás, tlabaawós gina feehhamiís, guniya gana tsiít, iri gwaawín, iri guniyadúr guú' nee iri hi'iimiít ar gurhaami amorqá' nee tiqae.

NEHEMIA 1:4

Qoomár /aymi'iiká' ngiwa axaás ana yaamií iwiít nay /a/amiím, nari tsuunqumiís deelór hhaawakahe. Nee nari gwaawiím, nee niri fiririím dír geeraá Munguú doorí wa ale.

ESTA 4:16

«Tláw, múk Yahudi sleémeero oo diirír Susarí dirií' burumbureek, ta gwaawiindá' as aníng. Ma /ayimaara' laqaá ma gaa wahaara' har afiqoomár deelo tame, xweera nee tlaatla/aango. Aníng nee sagadiyuuser'eé' a gwaawimaán sleeme, daqaní niri dáh amór waawutmo adoodá' dabe i sla'aká, ar naa hamat bar gwa'ara ni gwaá'.»

WARA'AMI 109:24

Gurungeeri'eé' naa wanana'atiyé' as niwa gwaawawiím, gár aa met a fadu nee kaahari.

WARA'AMI 35:13

Ala inooín niwa tiqiyé', aníng tlabaá hheehhe'eemiis ina tsiít as gurhaami laqaama. Ana slahhaá' niri gwaawiím, sagw'eé' una xupu'uús as niwa fiririim.

WARA'AMI 69:10

Aníng tiwa slahh'eemiís ar gwaawito, muu ina niqimiís.

DANIELI 9:3

Aluuwo Aakoó Mungú una firiím ar muunaáeé' sleémeero dinkwa nee gwaawito, tlabaá guniyadu ngiri dahaás nee niri iwiít baraá da/ara.

MALAKI 3:14

Kuungá' ana katé', ‹Slaasláwár dáw i káhh, Mungú kuwa sagadiyuusi. Gár naa slawaán a milá hara'ayaarós kawa oohaán, nee tawa daqawan ar gurhaami dír geeraá AAKOÓ MUNGÚ Aleesleemusmo?

Matayo 6:1

«Gimsé', hhooeemaahúng mi dír ilaá múk wa tlehhiitara' as inooín tlehhmi'iihúng ngiwa ariya'. Asma adoosíng bara tlehhé' bu'utuú ta sleera' i kaahh dír Baabuúhúng kuduú gawaá dooriiwo.

Matayo 6:2

«Kuúng bar gaa a heé i haniisár wa slá', ma dír múkwí kaahaar as muu ngiwa xui, adoodá' hhaahhafuuse i tlehhaahhit baraá maraá saaliingo nee baraá lohuuwo, inooín gár ta slai a masók kin xirfayeemiis nee muu. Án a kah, bu'utuuín ngwa qaroó slayé'.

Matayo 6:5

«Slám bar kuungá' Munguú firiiriindá', masók a adór hhaahhafuuseerooká. Asma inooín tan firiirín tawa sihhimiiti baraá maraá saaliingo, nee baraá afaá lohuwo, as muu ngiwa ara'ari. Án a kah, bu'utuuín ngwa qaroó slayé'.

Marko 2:18

Qoomár eeharuusér Yohane nee múk Farisayo tawa gwaawín, muu iri hardáh dír Yesu, kuri báy, «Ahaá baré eeharuusér Yohane nee eeharuusér Farisayo i gwaawiwiín, eeharuuseerók gaálay i gwaawawiin.»

Luka 18:12

Aníng an gwaawawiím baraá wiíkír wake sagaáwa tsár. A ilahhooár hanimaamiís baraá daqaari'iimar'eé' sleémeerowo, ar wák baraá mibaango tawa ar Mungú.›

Luka 2:37

Daxta inós a kwaalo'ór kureeri mibeeri dakaát nee tsiyáhh. Baraá Doó Munguhe i ququtlaatliindaaká, aqo in sluufmaamís xweera nee tlaatla/aango, iwa gwaawiwiin nee iwa fiririin.

Tlehhema'aá ya/Abuuse 10:30

Kornelio iri oó', «Laarí ar tsiyáhh qoomár looár gwaleél, aníng a saaliím baraá dooeé' wa aleeró. Heeko inqwar qwiirií/ nina geeraaeé' wa adaá ti'iít,

Tlehhema'aá ya/Abuuse 14:23

Dír umuúqo kríshaanáy iwa deero bariise kari qamín. Tari firín nee tari gwaawín. Inooín kiri geexáy baraá dabaá Aako, kudá' taa haratlintií'.

1 Korinto 7:5

Kuungá' miti /ita/itaara'. Ala aqo tin axweesani axamisá' gídaabá tiwa /ita/ita' ar har qooma, as pa/ángw tawa firiinda' kuwa sleera'. Aluuwo ti malé inki/e', as Neetlaangw pa/aangw munguwa diirír sláy oo nuwa iiara'ari asma kuungá' ila/aango tiwa aleesleera'aaká.

2 korinto 11:27

Aníng aga daawimaamiít as gadiyér yaariir. Daqtá yaariire ana dalaá', nee slám ana slahhahhaá' as qwari nee waxe. Daqtá yaariire muruú /ayma ugwa slawiiká, ana slahhahhaá' as tsaaqwa nee /aankwets.

2 korinto 6:5

Atén taa muúx sleeme nee tiri tsegiít, nee tiri i haratlatláy nee muu. Atén gadiyeé ana ló'wa tlehhiitaán, nee slám ana dalaa'aán, nee ana qwárkwár hootaán. Baraá muruuwí sleémeerowo atén ana qiqtliimaán.