Matayo 6:13 - Biblía Axweesantá Hhohho' ar Mungú 2004

¹³ Atén miti baraá iiara'aduú uhisar, ala atén ti ba/amis kudá' tlaakwe. [ Asma waawuti'iima a tók, nee aleesleemu, nee xirif, ay alhhe'eesay wasle. Amin.]›

Ya/abtór hho' 1977

¹³ Atén miti baraá iiara'aduú uhisar, ala atén ti ba/amis kuduú tlakusmoowo. [ Asma waawuti'iima a tók, nee aleesleemu, nee xirif, ay alhhe'eesay wasle. Amin.]’

Matayo 6:13 Iomraidhean Croise

IIMU/UUNGW 22:1

Nee alaá muruuwí sleémeero Munguú Abrahamu guri iiár, guri báy, «Aá Abrahamu». Abrahamu iri oó', «Aníng a diirí.»

1 WAAWITÁ 1:36

Benaya garmoó Yehoyada waawutmo guri báy, «Amin, AAKOÓ MUNGÚ, Mungú, aakooeé' waawutmo, adoosíng ngi ya/an.

1 QOM'I 16:36

AAKOÓ MUNGÚ, Munguú Israeli, didi'iimisaak, iimír iimu/uungw wasle ay alhhe'eesay wasle. Aluuwo muu sleémeero iri oó', «Amin», Aakoó Mungú kuri xirfayeemiís.

1 QOM'I 29:11

Aá AAKOÓ MUNGÚ, uraay a kók nee /uuru nee xirif nee baaliro nee aleesleemuuwo. Asma umuú gaaro ar gawaá dooriwo, laqaá ar baraá yaamu a tók. Waawuti'iima a tók, kuúng taa xirfayeés nee tu úr dír umuú gaaro.

1 QOM'I 4:10

Yabesi Munguú xoorór Israeli guri firín, iri oó', «Aníng na tsuuqáng, Munguú, nee yaamaá iintlaaxwá' aníng i haniisang. Kuúng masók a dinkwa nee aníng, nee muruú tlákw pa/asek dir'eene, kudá' slahh'amu ngu huúw.» Munguú tidá' inós aa firín gari haniís.

WARA'AMI 10:16

AAKOÓ MUNGÚ a waawutmo kureerisleém. Xoordaá ngu xua'aaká i qwaariyá' baraá yaamuwose.

WARA'AMI 106:48

I xirfuuti AAKOÓ MUNGÚ, Munguú Israeli, iimír iimu/uungw wasle ay alhhe'eesay wasle! Muu sleémeero i ooi, «Amin!» AAKOÓ MUNGÚ xirfayeemisaak!

WARA'AMI 22:28

Asma waawuti'iima ar AAKOÓ MUNGÚ. Inós an kudá' xoordu gi sa waawuti'iím.

WARA'AMI 41:13

AAKOÓ MUNGÚ, Munguú Israeli, i xirfuuti, iimír iimu/uungw waslér wa ale ay alhhe'eesay wasle. Amin. Amin.

WARA'AMI 47:2

Asma AAKOÓ MUNGÚ kuduú Aleesleemusmo, kudá' Gáwtí dirií', an kudá' dae tlaáq. Inós a waawutmoó úr oo yaamu sleémeero.

WARA'AMI 47:7

Asma Mungú an waawutmoó yaamu sleémeero. Xirfuuwós daa'aak ar wara'ami!

WARA'AMI 72:19

Umuuwós kudá' xiríf ku diidi'iimiis ay alhhe'eesáy wasle. Yaamu sleémeero xirfuuwose i hatsiye' ay alhhe'eesay wasle! Amin! Amin!

WARA'AMI 89:52

AAKOÓ MUNGÚ xirfayeemisaak ay alhhe'eesay wasle! Amin Amin!

TI'INAANGW 15:18

AAKOÓ MUNGÚ in waawuti'ín ay alhhe'eesay wasle.»

AXWEESANOÓ SAGALOOA 30:8

Lama nee tlooraá tawo dir'eene hingeeseek Narakw nee daqaari'iimaro mingi hanisaar Muruú /aymár har guruueé' na haniisang.

YEREMIA 15:21

Aníng kuúng un ba/amís baraá dabaá múk tlakwe nee un tuú/ dír múk xaraasla.»

YEREMIA 28:6

Guri báy, «Masók an adoosíng, AAKOÓ MUNGÚ adoosíng ngi tleehhi, AAKOÓ MUNGÚ axweesantók tisíng ngi boo/eesi, xooslár Doó AAKOÓ MUNGÚ ngi baraá Babuloni wa ki/isi, dinkwa nee muu sleémeero kudá' taa amoodií loohatís.

DANIELI 4:25

Kuúng tu guus dír muko. Kuúng tari hót nee makaá baraá sla/a, gitso a /ák adór slér wá ale, har'uú doori uri na/aas. An baraá sla/atá wa hót kureeri faanqwe, ay dír kay tsáhh adór Mungú ir baaliilín baraá waawuti'iimár muko, nee inós waawuti'iima gan haniis dír kudá' ngir slai.

DANIELI 7:18

Ala mukdá' hhohhó' oo Munguú Gawa, inooín waawuti'iima ngi ilaoohiyá', inooín waawuti'iima ngiri aaliyá' ay alhhe'eesay wasle.›

FAARO 5:22

Ma'aykaá lo'o guruuwók ngu xir'itisiye'.› «/Ameenidá' i o', ‹Amin, Amin.›

Matayo 26:41

Dalaaé', firiiriimé', mutunduwa ar baá/ iiara'aduuwo. Muuná ga mak slaa' ala slaqwa kan daqatlaakw.»

Matayo 28:20

Muruudá' sleémeero naa kuungií intsaahhatimís, dir'ínií intsaahhatisak ku oohi. Ga/aawaak aníng a dinkwa nee kuungá' deelo sleémeero ay alhhe'eesoó yaamu.»

Matayo 5:37

Ala axweesantahúng masók a ‹Ka hhoo',› laqaá ‹Aasla'áy›. Asma ar dír tihe aa harwaarahh, amór i dahh a amór kudá' tlaákw.»

Matayo 6:10

waawuti'iimarók ni xeer, adór kuúng ta sla' i tleehharut baraá yaamuwo, adoodá' gawaá dooriiwo ira tleehharút.

Yohana 17:15

Aníng a fiririimaaká as inooín kiwa hinges baraaká' yaamuwo, ala kiwa xuun dír kudá' tlaakwe.

1 Korinto 10:13

Kuungá' iiara'aduú taa sleeré' a adór kuduú /iisikó muu i slaaslay. Nee Mungú ku inkihhím. Inós iiara'aduú aleesleemuuhúng gu baá/, gu ya/anká kuungá' kuwa sleera'. Ala iiara'at barnaxes naa hardáh, inós loohi ga tleehh ar kuungá' tar ti'ita' baraá iiara'aduudae, as kuungá' tawa qiqtliinda' baraá iiara'aduudá' wa alé.

1 Korinto 14:16

Asma barnaxes kuúng a Mungú xirfayeemís ar baraá qeeru, heé adoosíng xuaaká, inós adór ir ooi «Amin» a adoomá, barnaxes inós axweesanaydá' gwa tsaahhiiká?

2 korinto 1:20

Asma al'axweesantá Mungú sleémeero ar baraá inose a «Eeít». Gawaá adoorihe atén sleeme an kaahaan «Amin» ar inós as Mungú kuwa xirfayeemiisaan.

Galatia 1:4

Aakoorén Yesu Kristo adoodá' Mungú Baabá aa slaá' gana tleéhh, tiri haniís as daanduú tlakweemaarén, as atén tiwa ba/amisi baraá yaamuuká' tlaakwe awa de'emuuká'.

DABE 8:16

Slám inós an kudá' kuungá' naa /aymiis maánaro qoomár tawa baraá xaanxaay, muruú /aymaadá' baabi'iihúng ta baloó xuiiká. Adoorí gana tleéhh as kuungá' nuwa niinaweesi, niwa iiari as nuwa xuxuui, nee alhhe'eesaywo nuwa hhooeemáy tleehhi.

DABE 8:2

Inslawaak adoodá' AAKOÓ MUNGÚ, Munguúhúng, nura geerahaár aaiidá' tleere tawa baraá xaanxár oté', afiqoomár kureeraá mibeeri tsiyahhe, as kuungá' nuwa múk iialoén tleehhi, nee munerhúng ngiwa iiari, as tidá' kuungá' ta aldakuta' baraá munerhunge ngiwa xui, nee axáy hara'ayaarós aga otí'i, laqaá aasla'áy.

1 Tesalonike 1:10

nee Garmaawós Yesu kuwa daamaraanda' gawaá doorí alé, kudá' Mungú aa waasle/atís baraá múk aa qaátl wa ale. Yésuuwí an kudá' atén ti ba/amís baraá sakwasleemaadá' sangw hardaha.

2 Tesalonike 3:3

Ala Aako i inkihhimuú kón. Kuungá' inós nu /uurií haniis, nee nu de'en dír kudá' tlaakwe.

1 Timoteo 1:17

Waawutmoó alhhe'eesay wásl kudá' baloó gwaa'aaká, kudá' geehhooeeká, inós kilós an Mungú. Ilaiwa/ame a tós nee xirif a kós ay alhhe'eesay wasle. Amin.

Ebrania 11:36

Nee bahh'alé iiara'aduú niqimis nguna slayé' nee muxta, tam kiri tsegiít ar qutúr, kiri dahamiís baraá doó tseegamo.

1 Petro 5:8

Kuungá' masók a múk qoóm. Dalaaé', asma wakusmoohúng, Neetlaangw, i adór dirángw wa harweerirín, kudá' aahhamiím, as heé i gu/i nguwa leelehhiiti.

2 Petro 2:9

Tí ga laqaqaán adór Mungú múk gu ilaiwawaá/ ngur aleesláy ba/amisaro baraá iiara'aduwo. Slám ga aleesláy múk tlákw nguwa baraá tseegamór i ilaa/i, ay dír sakwasleema ngay slaya' bál deelór sakwasleemaro,

1 Yohana 3:8

Heé tlakweemaá tlehhaahhiít oo Neetlaangw, asma Neetlaangw i qaroó tlakweemaá tlehhaahhiit iimír iimu/uungo. Garmoó Mungú kunguna geehhooatís, as gadiyér Neetlaangw ngiwa hhitin.

Geehhoeemaá 1:18

kudá' slaáf. Aníng geeraawo ana gwaá', nee qaytsiít, hamí a slaáf ay alhhe'eesay wasle. Nee slám aníng gweermo a koóm ar gwa'ara nee ar baraá gi'i.

Geehhoeemaá 19:1

Alaá muruuwihe afór ur ngiri axaás ar adór afór boo/oó yaariír oo gawaá doori. Afoorí iri ó', «Mungú i xirfuuti!» Ba/ama ar Munguúrén, nee xirif nee /uuru.

Geehhoeemaá 19:4

Bariiseedá' mibeeri tsár nee tsiyáhh, nee muruudá' slaáf oo tsiyáhh tari tumbarara'amiít dír geeraá Mungú, kudá' aa iwiit gawaá kitángw aleesleemu. Mungú kuri sluufmiís, tari oín, «Mungú i xirfuuti!»

Geehhoeemaá 2:10

Slahh'amaayeedá' kuúng ta sleer ma da'ayuutaar. Ga/aaweek, Neetlaangw kuungá' bahh'alé nu tsegiit baraá doó tseegamo, as tunduwa iiari. Nee kuungá' slahh'amu u sleerá' deelo mibaangw. Kuúng masók tu inkihhím tam ay gwa'ara, daqaní aníng slamángw slafiingw ngu haniís.

Geehhoeemaá 21:4

Inós hhirhheeri sleémeero gi fiits gawaá ilaaine. Nee slám gwa'ara didae i káhh, tam tsuunqumis, nee tam /aa/e, nee slahh'eemis sleeme i kaahh. Asma muruuduú geera aa qaroó waaraáhh.»

Geehhoeemaá 3:10

Kuúng axweesante'eé' tidá' daanduú qiqtliingw aga ót. Gawaá adoorihe aníng kuúng u xuúm qoomaadár iiara'aduuwo, tidá' hardah baraá yaamu sleémeerowo, as muu sleémeero oo baraaká' yaamu kuwa iiari.

Geehhoeemaá 3:14

«Kaangwí gooiimeek amór malaykamooduú múk kríshaanáy oo baraá Laodikeár i dirií', «Axweesantí dír i dahh a dír kudá' ta bay Amin. Inós an lamabu'usmoodá' inkihhím nee oo looeemaá axweés. Inós an iimu/úngw muruudá' sleémeero Mungú aa tleéhh.

Geehhoeemaá 5:13

Aluuwo aníng afór mura' sleémeero kudá' taa tleéhh ana axaás, kuduú gawaá doori nee kuduú baraá yaamu, nee tam kuduú baraá guruú yaamu, nee kuduú baraá tlawi sleeme. Muruuwí sleémeero aníng una axamiís tawa daai, ta kaahi, «Kudá' aa iwiit gawaá kitangwduú aleesleemu, nee Deelmoó bee/i, inooín tsuuqa a kooín, nee xirif, nee ilaiwa/ame nee aleesleemu ay alhhe'eesay wasle.»