Matayo 6:1 - Biblía Axweesantá Hhohho' ar Mungú 2004

¹ «Gimsé', hhooeemaahúng mi dír ilaá múk wa tlehhiitara' as inooín tlehhmi'iihúng ngiwa ariya'. Asma adoosíng bara tlehhé' bu'utuú ta sleera' i kaahh dír Baabuúhúng kuduú gawaá dooriiwo.

Ya/abtór hho' 1977

¹ “Gimsé', hhooeemaahúng mi tlehhiitara' dír ilaá múk wa ale as tunduwa ga/ay nee inooín. Asma adoosíng bara tlehhé' slaasláwár ta sleera' i káhh dír Baabuúhúng kuduú gawaá dooriiwo.

Matayo 6:1 Iomraidhean Croise

2 WAAWITÁ 10:16

Guri báy, «Gimáy aníng eeharáng daqaní a aán adór aníng nir inkihhimuú koóm dír geeraá AAKOÓ MUNGUHE.» Naagáy tari al'aa'aá káy gawaá gaárirós ar aleeró.

2 WAAWITÁ 10:31

Ala Yehu hara'ayár AAKOÓ MUNGÚ, Munguú múk Israeli gaa iialooeesiiká ar muunaáwós sleémeero, kitaangose inós loohidár Yeroboamu kudá' múk Israeli gwa qwaarees baraá tlakweema gana eehár.

WARA'AMI 112:9

Muu gun qaqáy ar muunuú /awaák, narkuute gan qaqáy tawó ale. Gurhhooarós i baloó fakaká. Heewí ku aleesleemuú i haniis nee slám ku ilaiwawaa/.

ESEKIELI 33:31

Nina dír geeraawók i hardihiyé' adór múk wa ale, nee nina dír geerawók i iwiitiyé' adór muk'eé', axweesantók ngiri axaasiyé', ala naa iialooeesi'iiká. Barta axwees i sla'aarír koná', ala muner'ín i baraá slaasláw leelehhit.

DANIELI 4:27

Gawaá adoorihe, aá waawutámo, gurbu'utaeé' tí iiaárí qaaseek. Tlakweema tlehhtuuwo maweek, gan'amu tleehheek, nee tlakweema maweek mukdá' ta baramaanuús gurtleemu ti tlehhit, daqaní deeloorók ar diihhooa ka tleerees.»

SEKARIA 13:4

Baalaadár kilae umuúqo aarusmoowo iigu'utuwós gun murér wa ar, tam hiyaydá' se'éngw koóm nguri mayá' dahamisuwo as muu mukuwa malé al/agín.

SEKARIA 7:5

«Muu sleémeero nee kaahamuusér Munguhe ki beer, ‹Qoomár tawa gwaawiindé' nee tawa tsuunqumiisé' umuúqo slahhángw kooán nee oo faanqwe, baraá kureeriká mibeeri faanqw awa naa waarahhii'i, xáy aníng ina sa gwaawiindí'i?

Matayo 16:27

Asma Garmoó Hee i hardah ar baraá xirfuú Baabuúwós dinkwa nee malaykeerós. Qoomaadá' an qoomár umuú heewo nguwa bui ar qoomoó tlehhemi'iiwós.

Matayo 16:6

Yesu iri oó', «Qaytsité', ti harmagahhe' nee gadaádá' ta mikaátér sluuftimiisi ar múk Farisayo nee ar múk Sadukayo.»

Matayo 23:13

«Ala kuungaá intsaahhatuusér hara'ayár Mose nee múk Farisayo awa hhaahafuuse, a tsaxwaahúng. Asma kuungá' afkú doó waawuti'iimár Mungú una tsegé' as muu miwa dáh. Gím kuungá' kilá' a ak data'aaká, slám mukdá' daráh u ak geemeera'aaká iwa dahi. [

Matayo 23:5

Asma tlehhemi'ii'ín sleémeero kin tlehhiit as muu ngiwa ga/ay. Inooín slambaré/uuín kuduú firo ngun dogiitiyá' nee hirituú tsaafoó inqwaruuín ngun ureemisiyá'.

Matayo 25:40

Waawutmo iri ooi, ‹Án a kah, umuúqo gaaro ar taa tlehhé' dír oo wák baraá hhaee'eé' kuká' ninakwe, a ngina aníng i tlehhé'.›

Matayo 5:16

Gawaá adoorihe gwa/aateemaahúng i gwa/aatiye' dír geeraá muko, as tlehhemi'iihúng awa hhohho' kiwa ari, nee Baabuúhúng kuduú gawaá doorí dirií' kuwa xirfayeesi.»

Matayo 5:46

Asma bar kuungá' múk ta sla'a' a kudá' kuungá' nu slaá' gár kuungá' ta sleera' a umós? Tam mukduú ohmér ohahiím adoosíng ga tlehhaahhítiíke?

Matayo 5:48

Gawaá adoorihe kuungá' masók a múk ganaá', adoodár Baabuúhúng kuduú gawaá doori ir ganaai.»

Matayo 6:16

«Slám bar kuungá' aga gwaawindé', gitsee/erhúng ma quy'uumisaara', adór múk hhaahhafuusér wa ale. Asma inooín adoorí kan tlehhiit as muu ngiwa ari adór tara gwaawín. Án a kah, inooín bu'utuuín kwaa qaro hhe'eés sleemuuwo.

Matayo 6:9

Gawaá adoorihe kuungá' bar firiiriindá', ta oa', ‹Baabuúrén oo gawaá doorí dirií', umuuwók i xirfuuti,

Marko 8:15

Yesu giri gurbuú' giri báy, «Ga/aawaak, ti harmagahhe' nee gár ta mikaátér sluuftimiisi ar múk Farisayo nar múk Herode.»

Luka 11:35

Ala ti alqaytsit, gwa/aateemaá baraawók i diriiá' mindiwa giwti tleehhiyé'.

Luka 12:1

Boo/oó kumér yaariir iri burumburiít tam tiri kilooín adaráh. Qoomaadae Yesu iri dír eeharuuseerós i axweés ngiwa babay, «Ti harmagahhe' nee gár ta mikaátér sluuftimamisi ar múk Farisayo, gídaabá a hhaahhafingw'ín.

Luka 12:15

Yesu giri báy, «Qaytsité', ti harmagahhe' nee qahángw umuúqo adooro. Asma daqaari'iima tam ka yaariír dír heewo, i slafíngw hupká.»

Luka 16:15

Yesu giri báy, «Kuungá' ti geehhooatimisá' dír geeraá muko, tawa kudá' hota ganaa'á'. Ala Mungú munerhúng ga xuu'. Muruudá' muu i gaárí xui, ala dír geeraá Munguhe an kudá' buhhtamís.

Yohana 12:43

Asma inooín gár ta slai a muu gin xirfayeemiis ta ak Mungú ngiwa xirfayeesi.

Yohana 5:44

Kuungá' adór tar haratlintia' a adoomá, kuungaásingá' ti kiloohúng xirfayeemisá'. Nee xirfuudá' amór Mungú kudá' wák daáhh u leelehhita'aaká.

Tlehhema'aá ya/Abuuse 3:12

Qoomár Petro adoorí ngiwa ár, mukdá' guri báy, «Aá múk Israeli, tlehhmuuwí mus waa/oo/amiindá'? Asma milá atén mista tawó ilaá i duxuundé', baré kwaáo' a atén heewí una hungu/uusaán ar /uureemoorén, laqaá ar hhooeemaarén.

Galatia 6:12

Mukdá' sleémeero kuungá' nu harakeemiís as tunduwa al/utlin, inooín nun harakeemisiyá' as muu nguwa sla'atisiya'. Gár adoorí ngis tlehhiitiya' a wak kilós, as kahhó' mikiwa slahh'eemiís as msalaábár Kristo.

DABE 24:13

Umuú tsiindoowo inqwaaridár arhaáni ki/imiseek, as inós ngiwa tsiiti nee kuúng uri tsuuq. Adoorí bara tléhh, adór ganaa' aga tléhh dír geeraá AAKOÓ MUNGÚ, Munguúhunge.

Ebrania 11:26

Inós gana tsaáhh niqimis nguwa slay dinkwa nee Kristo, a gár ló'wa afhhamít ta daqaari'iimár Misri sleémeerowo. Asma inós gár i harahhifi a qeemuudá' i aluú wa slay.

Ebrania 2:1

Gawaá adoorihe atén gár tiwa hariím ya/abtoodá' taa axaasaán an ak alqaytsimiitaán ló'wa ale, as kahhó' atén mawa paslaán baraá loohirene.

Ebrania 6:10

Asma Mungú i ganaa'. Slám gadiyérhúng tidá' taa tlehhé' ga gunqareesiiká, nee sla'aarirhúng tidá' taa dirós i geehhooesé' ar loohír múk hhohhó' oo Mungú kuwa sagadiyusé' nee slám tam hamí a kumitá' kuwa sagadiyusa'.

2 Yohana 1:8

Kuungá' ti harmagahhe', gadiyérhúng tidá' taa tlehhé' bu'utuuwós miwa qwaár, as kahhó' kuungá' bu'utuudá' hariím kuwa adá wa sleera'.