Matayo 5:9 - Biblía Axweesantá Hhohho' ar Mungú 2004

⁹ Múk amohhoó' a kudá' wayduú tlehhiít, asma inooín ki na/aá Mungú báy.

Ya/abtór hho' 1977

⁹ Múk amohhoó' a kudá' wayduú tlehhiít, asma inooín ki na/'aá Mungú báy.

Matayo 5:9 Iomraidhean Croise

1 QOM'I 12:17

Daudi ngiwa ár gina al'áy, giri báy, «Kuungá' bar nina hardaté' as tawa mulqer'eé' nee iwa alee/isa', do' ló'wa awaare'. Ala kuungá' barnaxes aníng in geewaqatá' dír wakuuser'eene, tam aníng kuungá' na sadakuusiikahe, Munguú baabi'iirén i xumiis nee kuungá' nu iigahhaati.»

WARA'AMI 120:6

Aga ló'wa hotatiím, baraá tla/ángw múk wayda gwa aahh.

WARA'AMI 34:12

A heemá heé slafíngw slaá'? A heemá heé hootaá amohhooa awa deelór yaariir gi slaá'?

Matayo 5:45

as kahhó' kuungá' tawa na/aá Baabuúhúng kuduú gawaá doori tleehhita'. Asma inós tsee/amá gun gwa/atimis dír múk tlákw nee oo hhoe, slám tluwaay gun hanmiis dír múk gan'amuú koóm nee oo ngu kooma'aakahe.

Matayo 5:48

Gawaá adoorihe kuungá' masók a múk ganaá', adoodár Baabuúhúng kuduú gawaá doori ir ganaai.»

Luka 20:36

Slám ta malé qatliiká, asma inooín a adór malayke, nee inooín a na/aá Mungú, asma tawa múk naa waaslee/.

Luka 6:35

Ala wakuuserhúng sla'aak, hhooeemií tlehhiitaak, nee kirkime ka ya/aandá', ma ki/isárí daamaara'. Ala kuungá' qeemuú ur u sleerá', daqaní kuungá' a na/aá Kuduú Gawa. Asma inós ku hhoó' dír kudá' sluufaay wasle nee tlakuuseero.

Tlehhema'aá ya/Abuuse 7:26

Looaytleérós iri malé daqáy amór hhaeewós. Iwa hardáh naxés múk tsár oo Israeli ti muux. Giri har'ohín iri oó', ‹Xaysé' muk'eé', kuungá' a hhae, mas giliindá'?›

Rumi 12:18

Kuungá' umuúqo loohír ya/aama leelehhiitaak ar tawa hota' ar wayda nee muu sleémeero, ar adoodá' kuungá' kar aleesleera'.

Rumi 8:14

Asma mukdá' sleémeero ta geeraharahari nee Qeeruú Mungú, inooín a na/aá Mungú.

Rumi 8:16

Qeeru i lamabu'ún dinkwa nee qeeruurén adór atén tar na/aá Mungú.

Rumi 8:19

Nee mura' sleémeero sleeme kudá' Mungú aa tleéhh, ku daamaarán ar haraxu'uti, adór na/aá Mungú kir geehhooeesi baraá xirfuú wa ale.

1 Korinto 6:6

Ala laatí, dirhunge Krishaanmo kuqá' gun sakwasleemár áy dír geeraá mukdá' Mungú gwa haratlinti'iiká.

2 korinto 13:11

Hám daxta, hhaee'eé', alaáhhooá' ngi geexáw. Kumiité' baraá gan'amuuwo. Gurbu'uungw ya/aa/amaak. Ti axweesani axamise'. Hooté' ar wayda. Nee Munguúduú sla'aari nee oo wayduú hanmaamiís masók i dinkwa nee kuungá'.

2 korinto 5:20

Gawaá adoorihe atén a ya/abuusér Kristo. Atén bar axweesaán, a adór Mungú in gurbu'ún ar afeerén. Gawaá adoorihe atén kuungá' nun firiimaán as daanduú Kristó wa ale as kuungá' tunduwa haraki/isi nee Mungú.

Galatia 5:22

Ala gár Qeeru i laqwaali baraá slafíngw heewo a sla'aari, nee qwala/, nee wayda, nee qitla, nee hhooeema, nee gurhhooa, nee inkihhimu,

Efeso 4:1

Aníng kuungá' nun ló'wa firiiriím, aniíwí taa tseék as Aako, hooté' ar adoodá' hariím as ateetamoodá' Aako kuungá' nura ateét.

Filipi 4:2

Aníng Euodia nee Suntike in firiím tiwa haraki/iya', masók muunuú wák ngun koná' baraá Aakoowo.

Kolosai 3:13

Kuungá' kiloohúng ti sa qiqtliinde', nee ti gurtlatleere' hee bar kuqá' gwa sa dakuús. Gár kuungá' tunduwa hariím a tin kiloohúng gurtlatleerá' adoodá' Aako kuungá' nura gurtláy.

Ebrania 12:14

Wayda leeleehhaak, tawa hota' ar wayda nee muu sleémeerowo. Nee hhoohhooeema leelehhitaak, asma heé Mungú gu ár i kaahh, hhoohhooeema bir kahhiyá'.