Matayo 5:8 - Biblía Axweesantá Hhohho' ar Mungú 2004

⁸ Múk amohhoó' a kudá' mune hhohhó', asma inooín Mungú ngu ariyá'.

Ya/abtór hho' 1977

⁸ Múk amohhoó' a kudá' mune hhohhó', asma inooín Mungú ngu ariyá'.

Matayo 5:8 Iomraidhean Croise

IIMU/UUNGW 32:30

Yakobo umuú didá' guri báy Penieli, i kaahi, «Nee Mungú taa araán ila nee tí, ala aníng a slaáf.»

2 SAMUELI 22:27

Dír kudá' taa hheehhe'eesi tin laqaán tuwa hhoohhoó', dír kudaá tlakuuseero tin laqaán tuwa saga gawít.

WARA'AMI 15:2

Aqo har kudá' daba' hhohhó', nee hota ganaá', kudá' looeemaá baraá muunaáwós ngi axweés.

WARA'AMI 18:26

Dír kudá' hhohhoe kuúng tin laqaán tuwa hhoohhoó'. Dír kudá' xaraasla'a tin laqaán tawa xarasl.

WARA'AMI 24:4

«A heé daba' hhohhó' nee oo muunaáwós /awaák. Inós munguaá hatlá' gi slaiiká sluufmisuuwo, inós lo'o ga /ayiiká as al/ayma.

WARA'AMI 51:10

Aá Mungú, muunuú hhoohhoó' i tleehháng, qeeruú /abén oo inkihhím baraaeéní qaaseek.

WARA'AMI 51:6

Qaytsiít, kuúng tu sla'atimis nee looeemaá baraá muuná, kuúng aníng intsaahhatisáng sagalooaroge.

WARA'AMI 73:1

Ar ló', Mungú ku hhoó' dír Israeliro, dír kudá' muner'ín hhohhoe.

AXWEESANOÓ SAGALOOA 22:11

Heé inslaway hhohhó' nee oo axweesanoó hhó' gu slaá', inós a mulqumoó waawutmo.

Tlehhema'aá ya/Abuuse 15:9

Mungú barqaanti gaa tleehhiiká dír tla/angwrén nee inooine. Tlakweemaaín gina gurtláy asma inooín sleeme taa haratlintií'.

1 Korinto 13:12

Asma qoomaarihe atén an ga/aawaán ar baraá looa ar slaqsi'i. Ala qoomaadá' binda xeér, atén an ga/aawaán ar ilaarén awa kilá'. Qoomaarihe xu'utir'eé' i harqoomoó koón, ala qoomaadá' binda hardát, aníng a xu'uti hhe'eés, adoodá' tira xu'uti hhe'eés nee Mungú.

2 korinto 7:1

Sla'aaruuser'eé', al'axweesantí sleémeero a toorén. Gawaá adoorihe, atén ti kilootén hhoohhooeesaán baraá umuúqo slasla/aruú gawaá slaqwa nee oo baraá qeeruuwo. Nee tawa hootaan ar slafíngw ló'wa hhohhó', Mungú kuwa ilaiwawa/aan.

Tito 1:15

Mura' sleémeero ku hhohhó' dír mukdá' hhohhoe, ala gár hhoohhoo' i káhh dír mukdá' slasla/arene, kudá' haratlintaaór kooma'aaká. Asma fuqurangw'ín kwaa slasla/aareés, nee muner'ine sleeme.

Ebrania 10:22

Tlakweemaá muneerén kaa hamaátl, nee muneerén kaa hhoohhooeés. Slám slaqoorén kaa hamaátl ar ma'aá hhohho'. Gawaá adoorihe atén Mungú ku haratseewuwaán ar haratlintaaór ló', ar xure wasl.

Ebrania 12:14

Wayda leeleehhaak, tawa hota' ar wayda nee muu sleémeerowo. Nee hhoohhooeema leelehhitaak, asma heé Mungú gu ár i kaahh, hhoohhooeema bir kahhiyá'.

Ebrania 9:14

xáy, tseerér Kristo tí ga ló'wa bá/áke? Asma inós tina kilós haniís dír Mungú ar /uuruú Qeeruú alhhe'eesay wásl as tawa ilahhooár xaslxaansli wasl. Tseereerós muneerén ga hamátl nee tlehhema'aá slafíngw kooma'aaká, as masók atén Munguúdá' slaáf kuwa sagadiyuusaan.

Yakobo 3:17

Ala sagalooadá' gawaá dooraá daahh a adoorí, gár geera ka hhoohhoo'. Slám i wayduú koón, nee ka tsatsa'aar. Nee slám axweesanoó muu gu huwaahúp. Nee slám fola i kaahh dirose, laqaá hhaahhafiingw.

Yakobo 4:8

Mungú i tseewuwaak, daqaní inós ni dirhúngií tseewúy. Dabaahúng hhoohhooeesaak, kuungaásingá' tlakuuse. Nee munerhúng hamaatlaak, kuungaásingá' badu tsadér.

1 Petro 1:22

Kuungá' taa hhoohhooesé' asma looeema kiwa ilaiwawa/é', as tawa hota' ar sla'aarír hhaahhafiingw wasl dír hhaeewo. Gawaá adoorihe kuungá' ti ló'wa sla'aaslae' ar mune sleémeero.

Geehhoeemaá 22:4

Inooín gitsee/awós ngi ga/ayá', nee umuuwós kwaa gawaá gitsee/er'ín i gooín.