Matayo 5:46 - Biblía Axweesantá Hhohho' ar Mungú 2004

⁴⁶ Asma bar kuungá' múk ta sla'a' a kudá' kuungá' nu slaá' gár kuungá' ta sleera' a umós? Tam mukduú ohmér ohahiím adoosíng ga tlehhaahhítiíke?

Ya/abtór hho' 1977

⁴⁶ Asma kuungá' bira slaé' kudaádá' kuungá' nu sla'á', slaasláwár ta sleera' a umós? Tam mukduú ohomér ohiím adoosíng ga tlehhaahhítiíke?

Matayo 5:46 Iomraidhean Croise

Matayo 11:19

Garmoó Hee nina hardáh i /ayín nee i wahán, tari oó', ‹Kwí a hheehhusmo, nee xuufiitusmo, mulqumoó ohomuusér koódi nee múk tlakuuse.› Ala sagalooár Mungú adór tar ló' kingina laqán nee tlehhemi'iiwós.»

Matayo 18:17

Nee inooín barnaxes gaa malé iiárií qaasiiká, haratlintaauuse xu'utiseek. Nee haratlintaauuse barnaxes gaa malé iiárií qaasiiká, heé adoosíng diroge masók a adór heé xoordaá hatlá' nee heé koódír ohaahiím.»

Matayo 5:47

Slám barnaxes kuungá' hhaeehúng kilooín in laaw'eemisá', gár kuungá' taa ak tlehhé' a milá ta múk hatlae? Tam múk xoordaá hatlá' sleeme adoosíng ga tlehhaahhítiíke?

Matayo 6:1

«Gimsé', hhooeemaahúng mi dír ilaá múk wa tlehhiitara' as inooín tlehhmi'iihúng ngiwa ariya'. Asma adoosíng bara tlehhé' bu'utuú ta sleera' i kaahh dír Baabuúhúng kuduú gawaá dooriiwo.

Marko 2:15

Qoomár Yesu iwa dír muruú /aymaárií iwiít, dír doó Laáwiwo, ohomuusér koódi ar yaariir nee tlakuuse tana al iwiít nee Yesu nee eeharuuseerose, asma múk gwa eehar ku yaariír.

Marko 2:16

Intsaahhatuusér hara'ayár Mose nee múk Farisayo kuwa ár, inós iwa al/ayna' nee ohomuusér koódi nee tlakuuseero, eeharuuseerós kari báy, «Asma milá mis al /ayiná' nee ohomuusér koódi nee tlakuuseero?»

Luka 15:1

Ohomuusér koódi sleémeero nee tlakuuse Yesu kuna i daqáy as kuwa iiárií qaasi.

Luka 18:13

«Ala ohomusmooduú koódi amorqá' saaw gana i sihhiít. Sleeme tam iwa gáwtí qayti gaa qiitliiká, aqo har da/ewawós gina pupuxuumiís, iri oó', ‹Mungú, án gurtlawáng! Aníng a heé tlakweemaá koóm.›

Luka 19:2

Heeko i deer baraadae, umuuwós ku bay Sakayo. Inós a heé wák oo úr baraá ohomuusér koódiro, slám a daqaarmo.

Luka 19:7

Muu adoodá' ngiwa ár, sleémeero tari qununuú/, tari káh, «Aa dáh baraá doó heé tlakweemaá koóm.»

Luka 3:12

Ohomuusér koódi sleeme nina hardát as kawa baatimiisi, kuri yaahaás, «Intsaahhatusámo, atén adór ta laqaan?»

Luka 5:29

Laáwi muruú /aymár yaariír guri tleéhh dír do'ose as Yesu. Boo/oó úr oo ohomuusér koódi nee múk hatlá' oo nee inooín taa al/ayin i deer.

Luka 5:30

Naxés múk Farisayo nee intsaahhatuuser'ín ar hara'ayár Mosewo eeharuusér Yesu kari i qununuú/, ta kaahi, «Mas al/ayiindá' nee mas alwahaanda' nee ohomuusér koódi nee tlakuuseero?»

Luka 7:29

Muu sleémeero nee ohomuusér koódiro adoorí kawa axaás, looeemaá Mungú kiri ya/án, asma kiwa baatimiís ar baatiísmoó Yohane.

Luka 7:34

Garmoó Hee niwa hardáh, i /ayín nee i wahán, kuungá' a kata', ‹Ga/aawaagáy, hheehhusmoowí nee xuufutusmo, mulqumoó ohomuusér koódi nee tlakuuse.›