Matayo 5:45 - Biblía Axweesantá Hhohho' ar Mungú 2004

⁴⁵ as kahhó' kuungá' tawa na/aá Baabuúhúng kuduú gawaá doori tleehhita'. Asma inós tsee/amá gun gwa/atimis dír múk tlákw nee oo hhoe, slám tluwaay gun hanmiis dír múk gan'amuú koóm nee oo ngu kooma'aakahe.

Ya/abtór hho' 1977

⁴⁵ as kuungá' tawa na/'aá Baabuúhúng kuduú gawaá doori tleehhitá'. Asma inós tsee/amá gun gwa/atimis dír múk tlákw nee kudá' hhoe, slám tluwaay gun hanmiis dír kudá' gan'amuú koomá' nee dír kudá' gan'amuú kooma'aakahe.

Matayo 5:45 Iomraidhean Croise

YOBU 25:3

Slaqwaruuseerós faarooro ka aleesláya? Heé gwa/aateemaawós na i hardihi'iiká a heemá?

WARA'AMI 145:9

AAKOÓ MUNGÚ ku hhoó' dír muu sleémeero. Nee gurtleemuwós i gawaá umuúqo gár aa tleehhi.

YEREMIA 5:24

Slám i baraá muner'ín i kaahiaaká, AAKOÓ MUNGÚ, Munguúrén un ilaiwa/aán, kudá' tluwoó hanmiís ar qoomaadá' hariim, tluwoó saxi, nee oo buhaareewo ngu hanmiis, nee umuúqo kurko bu'úngw hhó' ngun hanmiis ar qoomaadá' iwa harin.

Matayo 5:9

Múk amohhoó' a kudá' wayduú tlehhiít, asma inooín ki na/aá Mungú báy.

Luka 6:35

Ala wakuuserhúng sla'aak, hhooeemií tlehhiitaak, nee kirkime ka ya/aandá', ma ki/isárí daamaara'. Ala kuungá' qeemuú ur u sleerá', daqaní kuungá' a na/aá Kuduú Gawa. Asma inós ku hhoó' dír kudá' sluufaay wasle nee tlakuuseero.

Yohana 13:35

Gawaá adoorihe muu sleémeero gay tsaahh adór kuungá' tar eeharuuser'eé', barnaxes kuungá' kiloohúng taa sla'aaslaé'.› »

Tlehhema'aá ya/Abuuse 14:17

Ala muu gwa tawó mayká, ala adór muu inós ngur tsaahhi i deer. Inós hhooeemaawós gaa dirhúngí laqán ar tluwaydá' ni gawaá doorí wa hanmamisi, nee bu'uungw nguwa hanmamisi ar qoomaarós. Slám gur'erhúng ga aaxamiis muruú /aymaro, nee munerhúng ga qwal/atimis.»

Efeso 5:1

Kuungá' a na/aá Mungú, kudá' inós i slai. Gawaá adoorihe inós na eeharaak.

Filipi 2:15

Kuungá' masók an na/aá Mungú awa xaslxaansli wasl nee dakuús wasl, kuungá' masók baraá tla/ángw qartí tlaakwe tundun geehhoó' tawa adór tsatse/uú gawaá doorí dirií',

1 Yohana 3:9

Umuúqo heé taa laqwaali nee Mungú, tlakweema gi tlehhaahhitiiká, asma aleesleemuú Mungú i baraawós i dirii'. Slám i kumiitiiká tlakweema tlehhtuwo, asma inós a na/oó Mungú.