Matayo 5:39 - Biblía Axweesantá Hhohho' ar Mungú 2004

³⁹ Ala án kuungá' nu baw, miti tlaampa'aamisaara' nee heé tlaákw. Bar hee tlaaqarmoowók oo doó /iyáy gwa slaáhh, tlaaqarmoó bartá hatlá' warqeeseek as nguwa slahhi sleeme.

Ya/abtór hho' 1977

³⁹ Ala án kuungá' nu baw, miti tlaampa'aamisaara' nee heé tlaákw. Heé tlaaqarmoowók oo doó /iyáy gwa slaahh, nee tlaaqarmoó tsár warqeeseek nguwa slaahhi sleeme.

Matayo 5:39 Iomraidhean Croise

1 WAAWITÁ 22:24

Aluuwo Sedekia garmoó Kena'ana iri tseewúy bihhaa Mikaya, guri tlaqarmo slaáhh, guri yaahaás, «Alók a xaylá qeeruú AAKOÓ MUNGÚ aníng iwa geexáy nee kuúng tari axwesé'?»

YOBU 16:10

Muu aníng i niqimis, nee tin waaqaseesén, taa i burumburiít ti tlaaqarma' muux.

AXWEESANOÓ SAGALOOA 20:22

Ló' ma ooaar, «Tlakweemaaqá' na aníng i tleéhh i buú'.» AAKOÓ MUNGÚ na harahhifeek, inós kuúng u alee/iis.

AXWEESANOÓ SAGALOOA 24:29

Ma ooaar, «Tí naxooro a buú' dirósí ale, tlehhmuuwí naa aníng i tleéhh u buú'.»

ISAYA 50:6

Daanda una amór kudá' i muxá' xu'ús tlaaqarmaaeé' ina amór kudá' daamor'eé' tu/uumá' xu'ús. Gitsee/aaeé' iga lu/iiká dír kudá' aníng i mureekeemisa'a nee i nintsimita'a.

WA/AA/I 3:30

I ya/an tlaaqarmaawós kiwa muxi nee kudá' gu muúx, nee i ya/an kuwa tloqmiisi.

TLAHHOÓ LAÁWI 19:18

Li/aay mu bu'uumar, laqaá ma wakaarír ar hootara' nee mukók, masók inslaawmoowók un slá' adór kuúng tir kilók sla'. Aníng an AAKOÓ MUNGÚ.

MIKA 5:1

Ala daxta kuungá' múk Yerusalemu, ti haraki/ise' adór daqooroó slaqwara, asma gixsarhúng kaa harweér nee múk slaqwara. Inooín geeraharusmoó Israeli kun tlaaqarmo slaahh ar hhara.»

Matayo 5:40

Barnaxes hee kuúng ugwa sakwasleemuut nee shaátirók gari hayóh, inqwaarirók ti geexeer sleeme.

Luka 22:64

kuri ila' tuuntukún, kuri yaahamiís kuwa babay, «Kuúngusuú aarusmo, ooang, heé kuúng ugwa slaahh a heemá?»

Luka 6:7

Intsaahhatuusér hara'ayár Mose nee múk Farisayo kuri gigidín kuwa ari, áx gu hungu/uúsi deelór Sabaátoro, asma loohír kur sakwasleemuuti kawa slay.

Yohana 18:23

Yesu iri oó', «Gár tlaakw ar naa oó' barnaxes i deer, tlakweemaasíng laqaamang. Ala barnaxes looeema ina oó', gár isa sláhh a milá?»

1 Korinto 6:7

Ala kuungá' bar ti kiloohúng sakwasleemutá' dír geeraá sakwasleemuusér wa alé, gaarí gár i laqaaqaan a kuungá' slafiingw ugwa harslaaqaté'. Ahaá, a tsiníheéke bar aga ya/aán tam ta sadakuusi? Ahaá, a tsiníheéke bar aga qítl tam taa gaa hayohi?

1 Tesalonike 5:15

Ga/aawaak, umuúqo heewo dirhunge magoót mingiwa buú', ala umuúqo daqto ti hhooeemaá i tlehhite' kuungá' kiloohúng nee dír muu sleémeerowo.

Ebrania 12:4

Kuungá' an slaqwá' nee tlakweema, ala tam hamihe heé taa gaás i kaahh baraahunge as slaqwaraarí.

Yakobo 5:6

Kuungá' heedá' gan'amuú koóm una sakwasleemuté' kuri gasé', ala inós kilós taa aleekal/anká.

1 Petro 3:9

Tlakweema mi kuqár bu'uumara', laqaá /oosli ma tiqár bu'uumaara'. Ala kuungá' masók tsuuqaá Mungú in hanmisá'. Asma gaarí an gár Mungú kuungá' nusa ateét sleeme as tsuuqa kiwa ala'.