Matayo 5:33 - Biblía Axweesantá Hhohho' ar Mungú 2004

³³ «Slám aga axasé' adór bariisér bál geera kara báy, ‹Lo'o bara húp dír geeraá Munguhe, al'axweesani kawa boo/es, al'axweesantadá' ma mawaar boo/eesaro.›

Ya/abtór hho' 1977

³³ “Slám aga axasé' bariisér bál geera adór kara báy gídaabá, ‘Lo'o bara húp geerá Munguhe, al'axweesani kawa boo/es, al'axweesantadá' ma mawaar boo/eesaro.’

Matayo 5:33 Iomraidhean Croise

WARA'AMI 50:14

Mungú ilahhooár sluufáy duxuumeek. Al'axweesantók boo/eeseek dír kudá' gáwtí diriia.

WARA'AMI 76:11

Al'axweesantók tidá' taa qás boo/eeseek dír AAKOÓ Munguúwoge. Mukdá' sleémeero tseéw ilahhooa ngi huwi dír inósuudá' ilaiwa/amér wa hariím.

TI'INAANGW 20:7

«Umuú AAKOÓ MUNGÚ, Munguúwók, mu tawo axweesaar, asma AAKOÓ MUNGÚ heé umuuwós gu tawo axweés gu gan'amií harafaariiká.

TLAHHOÓ LAÁWI 19:12

Lo'o ma tawo /ayaar ar umuueé', tam umuú Munguúhúng kuri /oslisliindá'. Aníng an AAKOÓ MUNGÚ.

NAHUMU 1:15

Gawaá tlooma i qaatsitaak, ga/aawaak heé ya/abtór hho' ngi huúw, heé wayduú dahareemiís. Aá Yúda, deelorhúng ar ur tleehhaak, al'axweesantahúng boo/eesaak, asma heedá' tlaákw nu baloó tlaampa'aasiiká, asma kwaa qaroó suwa tsaát.

Matayo 5:21

«Kuungá' aga axasé' bariisér bál geera adór kara báy, ‹Hee mu gaasaar. Hee bar hee ngwa gaás, gár kuwa hariím a kun sakwasleemuut.›

Matayo 5:27

«Aga axasé' adór tara káh, ‹Fuqi ma awaar›.

DABE 23:21

«Qoomár al'axweesani bara qás dír AAKOÓ MUNGÚ, Munguúhúng, boo/eesaro ma tligaar, asma AAKOÓ MUNGÚ, Munguúwók ga dirók i iinuus, aluuwo kuúng a dát baraá dakuús.

DABE 23:23

Ti ló'wa harmagahh, al'axweesani kawa boo/es tidá' taa afkók ar kát dír AAKOÓ MUNGÚ, Munguúwók i ale, asma gadaádá' kuúng ana ó' ar sla'aarirók ar kilá'.

DABE 5:11

«Umuú AAKOÓ MUNGÚ, Munguúwók mu tawo axweesaar, asma AAKOÓ MUNGÚ, heé umuuwós gu tawo axweés, gu gana'amií harafaariiká.

DABE 6:13

AAKOÓ MUNGÚ, Munguúhúng ilaiwawa/aak, inós kilós sagadiyusaak, nee lo'o /ayaak ar baraá umuuwós kilós.

1 Timoteo 1:10

Nee kana qaás as fuquuse nee as hhawaateedá' fuquusá' nee hhawaataá hatlá', laqaá /ameenár fuquus nee /ameenár hatlá', nee slám kana qaás as mukdá' muu gu halaanu'uumárár tlehhiít nee lamuuse, nee mukdá' tawó lo'ór huwahuúw. Nee hara'aya kana qaás as daanduú umuúqo /aymuuwo oo nee intsaahhasár ló' ti slaslaawa'aaká.