Matayo 5:3 - Biblía Axweesantá Hhohho' ar Mungú 2004

³ «Múk amohhoó' a kudá' narkuú qeeremooín gu tsatsahhaám, asma waawuti'iimár doori a tooín.

Ya/abtór hho' 1977

³ “Múk amohhoó' a kudá' narkuú qeeruuín tsatsahhaamá', asma waawuti'iimár doori a tooín.

Matayo 5:3 Iomraidhean Croise

2 QOM'I 33:12

Qoomár iwa baraádií dirii'i, AAKOÓ MUNGÚ guna ló'wa firín, tiri ló'wa niinaweés dír geeraá Munguú baabi'iiwose.

2 QOM'I 33:19

Firoorós nee adoodá' Mungú firoorós ngiwa ya/án, nee tlakweemaawós sleémeero, nee inkihhimu wasleerós, nee wa/aameedár gawaá gongoama' ar munguaá hatlá' kiwa sluufmiisi ar aa tleéhh, nee adoodá' munguúdá' ta bay Ashera ngura tleéhh, nee murslaaqatuudá' taa hhaásl qoomár inós tiwa niinaweesiiká, tí sleémeero ka gooín baraá inslaslángw iigu'utuuse.

2 QOM'I 33:23

Inós taa niinaweesiiká dír AAKOÓ MUNGUHE, adoodá' baabuúwós Manase tira niinaweés, ala Amoniwí tlakweema tlehhtuuwo gina inkaakií/.

2 QOM'I 34:27

Asma kuúng muunaáwók kuwa hhoó' nee tiri niinawés dír geeraaeé', nee tlabaawók kiri feehhamís, nee tari /aa/amiín, qoomár axweesanay'eé' kuwa axás daanduú yaamuukae, nee daanduú yaamuloouuser'ine, tiri niinawés dír geeraaeé'. Anuú AAKOÓ MUNGÚ kuúg ugwa axaás.

2 QOM'I 7:14

barnaxes muk'eé' kwí birta tsatsaa'areés nee iri firiné', nee iri leeleehhiyé', nee tlehhmi'ii'ín kudá' tlakw ngiri mayé' tlehhtuuwo, aníng inooín i axaás gawaá doorí wa ale nee tlakweemaaín in gurtláw, nee diihhooa ngi slayá' baraá yaamuuine.

YOBU 42:6

Gawaá adoorihe aníng taa kilooeé' aáhh. Aníng aga ya/a/aám, da/ara nee teeriro i gawaaéní qaás.»

WARA'AMI 1:1

Heé amohhoó' a kudá' axweesantá múk tlákw ga iiárií qamimaaká, slám i tlakuusér eeharahariiká, laqaá aa iwiitiiká dír dinku'uumár múk niquuse.

WARA'AMI 112:1

AAKOÓ MUNGÚ xirfayeemisaak. Heé amohhoó' a kudá' AAKOÓ MUNGÚ gu ilaiwawaá/, kudá' hara'ayaarós ga sa qwalalaá/.

WARA'AMI 128:1

Heé amohhoó' a kudá' AAKOÓ MUNGÚ gu haratlintatií', kudaádá' lohdaá AAKOÓ MUNGÚ gi eeharahár.

WARA'AMI 146:5

Heé amohhoó' a kudá' alee/isaay gu harahhiíf dír Munguú Yakobo, nee harahhifoorós i dír AAKOÓ Munguúwós.

WARA'AMI 2:12

as miwa buúhh, kuungá' tay qwadá' baraá loohi, asma buhhtaawós ni hardihiyá' ar gaanslaay. Kudá' sleémeero ngwa i guwiye' ki amohhoo'.

WARA'AMI 34:18

AAKOÓ MUNGÚ ku haratseéw dír múk aa mune si'i, nee kudá' naa diqay tsatitiye' gin ba/amimis.

WARA'AMI 41:1

Heé amohhoó' a kudá' narkuute ga gaár i xuú', inós ku alee/iis nee AAKOÓ MUNGÚ baalár slahh'amuuwo.

WARA'AMI 51:17

Ilahhooár muruú ta tsu/i ar Mungú i ilaoohi a qeeruú aa ya/an amoorós i ale, a muunuú aa gwadiidin nee oo aa dutlutlu/uut, asma Mungú gu waaqaaiiká.

WARA'AMI 84:12

AAKOÓ MUNGÚ Aleesleemusámo, heé kuúng u harahhiíf ku amohhoó'.

AXWEESANOÓ SAGALOOA 16:19

Tsiní tsaeema dinkwa nee narakw, ta marando kawa qasmisa' nee heé daara/aám.

AXWEESANOÓ SAGALOOA 29:23

Daara/aangw hee gu mureekees Ala heé ti kilós niinaweemiís ku ilaiwawaa/.

AXWEESANOÓ SAGALOOA 8:32

«Daaqay'eé', hám daxta iia qaasaak, heé amohhoó' a kudá' loohir'eé' gaa oh.

ISAYA 30:18

Gawaá adoorihe AAKOÓ MUNGÚ kuungá' nu daamaarán, as nuwa gurtlay. Inós ni tláy as kuungá' nuwa gurtláy. Asma AAKOÓ MUNGÚ a Mungú sakwasleemár ganaa' ga tlehhahhiít. Múk amohhoó' a kudá' inós gu daamaraám.

ISAYA 57:15

Asma adoorí an adoodá' kuduú gáwtí dirií', kudá' xiríf, kudá' hotaatiím ay alhhe'eesay wasle, kudá' umuuwós ta bay Oo hhoohhoó' i kaahi, «Aníng dír ni hoot a didá' gáwtí dirii', didá' hhoohhoo', slam a dinkwa nee kudá' aa hhu'uu'un, nee oo tsatsaa'aár baraawose. Asma kahhó' qeereemaá múk tsaén ngiwa slafis nee munér mukdá' aa hhu'uu'un ngiwa slafis.

ISAYA 61:1

Aakoó MUNGÚ, aníng iga hatsiís qeeruuwose, asma AAKOÓ MUNGÚ iga tsawaár, as ya/abtór hho' ngiwa alki/iit dír narkuute. Inós iga ya/aáw kudá' naa munesi'iye' ngiwa gurkwa/as. Iga ya/aáw as kángw gweermo nguwa oo' dír kudá' taa tsegiít, nee ilaá taampu niwa qaytiya'.

ISAYA 66:2

AAKOÓ MUNGÚ i kaahi, «Muruuwí sleémeero a gadiyér dabaaeé', gawaá adoorihe muruuwí a kwe'eé'. Ala aníng heé ni i qaytsiit a heé adoorí: Heé tsatsa'aár nee oo aa gwadiidin, nee heé axweesante'eé' ga da'ayumiít.

MIKA 6:8

Aá heewí, AAKOÓ MUNGÚ gár kuúng wa hariim tlehhmuuwo ngaa laqán. AAKOÓ MUNGÚ gár i slai a tí: Gan'amu kuwa tlehh, hhooeema kiwa sla', nee tawa hot dinkwa nee Munguúwók ar tiwa niinaweemis dír geeraawose.

Matayo 11:25

Qoomaadae Yesu iri axweés iri oó', «Aníng kuúng u sluufiís, Baabá, Aakoó doori nee yaamu, asma muruuwí ugwa lú/ dír múk sagalooár kooma nee fuquraangw, kuri laqaán dír na/aá ninakw.

Matayo 11:6

Heé amohhoó' a kudá' insarehhír koomaaká daanduueene.› »

Matayo 13:16

«Ala kuungá' a múk amohhoó', asma ilaahúng ngi ga/ayá', nee iaahúng i axamiisiyá'.

Matayo 19:14

Ala Yesu iri oó', «Na/aá ninakw mawaagáy, ni amor'eé' hardihiye', slám mi ila/aamara'. Asma múk adór na/iiká', waawuti'iimár Mungú a tooín.»

Matayo 24:46

Heé amohhoó' a sagadiyusmoó adoodá' gaa tleehh aakoowós guri adoodí áy.

Matayo 25:34

«Waawutmo mukduú bartá dákw doó /iyáy guri bay, ‹Qwalaasé', kuungaásingá' Baabuúeé' aa tsuúq. Waawuti'iimadá' iimír tlehhmuú yaamuwo taa amohhe'eés as kuungá' aalaak.

Matayo 3:2

«Hhu'u'umé', asma waawuti'iimár Mungú naa naká/.»

Matayo 8:11

Án a kah, múk yaariír ni hardah, oo da/aá daáhh nee /uwaawo. Inooín ta al iwiit dír muruú /ayma dinkwa nee Abrahamu nee Isaka nee Yakobo baraá waawuti'iimár dooriiwo.

Marko 10:14

Ala Yesu adoodá' ngiwa ár, iri ló'wa buúhh, giri báy, «Na/aá ninakw mawaagáy i amor'eé' hardihiye', mi ila/aamara'. Asma awa adór kuká' waawuti'iimár Mungú a tooín.

Luka 11:28

Ala Yesu gari báy, «Geera tsiní bar kat, ‹Múk amohhoó' an kudá' axweesantá Mungú ga axamiís nee ga iialooeemiís.› »

Luka 18:14

Án a kah, kwí iri waátl amór do'ós, kwí kilós an kudá' taa gan'amií harafaár. Asma kudá' ti kilós ureemiís, ku niinawees, nee kudá' ti kilós niinaweemiís, ku urees.»

Luka 22:29

Ala aníng waawuti'iima ngin dirhúng i haniís adoodár Baabá ngira aníng i haniís,

Luka 22:30

as tawa /ayiinda' nee tawa wahaanda' dinkwa nee aníng baraá waawuti'iimar'eé' wa ale, nee tawa iwita' baraá kiteeriidaá aleesleemu, nee as tlahhi'iidá' mibaá nee tsár awa múk Israeli kiwa sakwasleemuta'.»

Luka 4:18

«Aako aníng iga Qeeruuwós i haniís, asma inós aníng iga tsawaár, Ya/abtór hho' ngiwa alki/iit dír narkuute. Iga ya/aáw amór múk baraá tseegamo as kángw gweermor'ín nguwa ooár aw, nee taampu iwa malé qaytsitiya', nee kudá' ta slahh'eemisi ngiwa amohhooár i haniis,

Yohana 20:29

Yesu iri oó', «Daxta iga haratlintí' asma iga aán. Múk amohhoó' a kudá' ga haratlintatií' tam iga ariikahe.»

DABE 8:2

Inslawaak adoodá' AAKOÓ MUNGÚ, Munguúhúng, nura geerahaár aaiidá' tleere tawa baraá xaanxár oté', afiqoomár kureeraá mibeeri tsiyahhe, as kuungá' nuwa múk iialoén tleehhi, nee munerhúng ngiwa iiari, as tidá' kuungá' ta aldakuta' baraá munerhunge ngiwa xui, nee axáy hara'ayaarós aga otí'i, laqaá aasla'áy.

Yakobo 1:10

Nee kuduú daqaarmo, i qwalaa/i asma kwaa niinaweés. Asma daqaarmo in adór /ayór baraá sla/atá wa qwaar.

Yakobo 1:12

Heé amohhoó' an kudá' iiara'at gu sa qiqtliím. Asma iiara'at bungura ar baá/, aluuwo slamaangw gu sláy. Slamaangwí an slafingwdá' Mungú aa al'axweés nguwa haniisi dír kudá' sleémeero inós ngu sla'á'.

Yakobo 2:5

Hhaee'eé' awa sla'aaruúse, iia qaasaak. Ahaá, Mungú liitlakuusér baraakaá yaamu gaa tsawaáriíke, tawa daqaarér haratlintaao, nee aaluusér waawuti'iimadá' aa al'axweés ngiwa haniisi dír mukdá' inós gu slaá'.

Geehhoeemaá 19:9

Inós aníng iri báy, «/Aymi'iiká' gooiimeek, ‹Múk amohhó' a kudá' taa dahi'ís baraá duuxór Deelmoó bee/i.› » Iri malé báy, «Axweesanaywí a axweesanoó ló' oo Mungú.»

Geehhoeemaá 22:14

Múk amohhoó' an kudá' inqwaruuín gu hhuuntsiít, as kahhó' inooín tawa harín mamaá xa'anooduú slafiingw kiwa /ayi, nee tawa baraá gixsadií dahi ar afeerós.

Geehhoeemaá 3:17

Kuúng a kat, ‹Aníng a daqaarmo. Án tina kilooeé' daqaari'iitís, slám gár iwa /aaruur i káhh.› Ala laatí kuúng a xu'uká adór kuúng tar liitlakusmo, kuúng a heé gurtleemuú slaá', nee a narkutmo, nee heé taampa, nee slám a /aankwets.