Matayo 5:24 - Biblía Axweesantá Hhohho' ar Mungú 2004

²⁴ ilahhooarók ala geexaweek dír geeraá meésár Aako, daqaní ta daqeér dír hhiyaawók, ti ala axweesani axase', daqaní ta kí/, ilahhooarók ka hanís.

Ya/abtór hho' 1977

²⁴ ilahhooarók ala geexaweek dír geerá meésár Aakoó i alé, daqaní ta daqeér dír hhiyaawók, tiwa ala axweesani axasa', daqaní ta ki/, ilahhooarók ka hanís.

Matayo 5:24 Iomraidhean Croise

YOBU 42:8

Gawaá adoorihe awér faanqw slawaak nee gwaandaawér faanqwe, daqaní ta tleerá' amór sagadiyusmooeé' Yobu hikwaasíng ki ilahhooár da/a/ángw wá hanisá', as daandeemoohúng, Yobu kuungá' nu aleefirin, aníng firoorós a ya/aám, as kahhó' kuungá' munduwa alsihhiít as daktu'umarhúng tisíng, asma looeema iga kati'iiká daanduueene adoodár sagadiyusmooeé' Yobu ira axweés.»

AXWEESANOÓ SAGALOOA 25:9

Qaa/ayhúng faakaak kuúng nee inslaawmoowók kiloohúng, ala naaqór heewók ma ooaar.

Matayo 23:23

«Ala kuungaá intsaahhatuusér hara'ayár Mose nee múk Farisayo, awa hhaahhafuuse, a tsaxwaahúng. Asma kuungá' ilahhooár manákw nee daantláy nee piripíri an hanmaamisá', ar wák baraá mibaango tawa ar Mungú, ala muruú urén oo hara'aya ugwa meeré', adór hotaá ganaa'á' nee gurtleemu nee haratlintaao. Gár kuungá' tunduwa hariím aqo muruuwí un tlehhá', ala muruuquú hatlá' sleeme mu mawaara'.

Matayo 5:23

Ala barnaxes kuúng ilahhooarók ngaa húp geeraá meésár Aako, didaádae naxés aga insleér adór hhiyaawók ir /aymuú kón daanduuwoge,

Marko 9:50

«Diwi ka hhoo'. Ala barnaxes maamahhoó diwi aa faák, gár ki qaasi a milá as iwa malé maamahh. «Kuungá' baraá munerhunge adór diwi tleehhité' nee wayda ar hootaak.»

1 Korinto 11:28

Gawaá adoorihe umuúqo heewo ti kilós alqaytsiti, daqaní mukaatmo ngu /ayi nee gár baraá xooslmoodá' ngi wahi.

1 Timoteo 2:8

Gár án ni slaa' hhawaate masók an múk daba' hhohhó' nee oo buhhabuhhaaká nee múk tlaampa'aamisaaká. Ala umuúqo diiro hhawaataá adoorí masók dabaaín ngin gáwtí tleemisiyá' baraá firooro.

Yakobo 5:16

Gawaá adoorihe, kuungá' ti kiloohúng tlakweemií hhu'u'uunde', nee ti kiloohúng aleefiriiriinde' as tunduwa hungu/uusi. Firór heé gan'amuú koóm i ló'wa /uuruú koón nee i gaa bú'.