Matayo 5:22 - Biblía Axweesantá Hhohho' ar Mungú 2004

²² Ala án kuungá' nu baw, ‹Umuúqo heewo oo hhiyaawós gwa i buuhh, gár kuwa hariím a kun sakwasleemuut.› Umuúqo heewo oo hhiyaawós /ooslisliím, gár kuwa hariím kun huuw dír doó sakwasleema. Nee umuúqo heewo oo hhiyaawós gu babáw, ‹Kuúng a daktani›, gár kuwa hariím asltá baloó gwaa'aaká gun /ák.

Ya/abtór hho' 1977

²² Ala án kuungá' nu baw, ‘Umuúqo heewo oo hhiyaawós gwa i buuhh, gár kuwa hariím aqo sakwasleema.’ Umuúqo heewo oo hhiyaawós gu babáw, ‘Kuúng a gan'aká,’ gár kuwa hariím kun sakwasleemuut baraá doó sakwasleemár wa ale. Nee umuúqo heewo oo hhiyaawós gu babáw, ‘Kuúng a daktani’, gár kuwa hariím aqo in dah baraá asltá baloó gwaa'aaká.

Matayo 5:22 Iomraidhean Croise

IIMU/UUNGW 37:4

Hhaeewós ngiwa tsaahhiyé' adór Yosefu kur ló' wa slai nee baabá ta inooine, Yosefu kuri ló' wa aáhh, tay sangw waydúr hootiiká.

IIMU/UUNGW 37:8

Hhaeewós nguri bayé', «Xáy, kuúng tin sa waawuti'iínda? Kuúng tin bála?» Kuri ló' wa aáhh as tlataawós nee axweesantós.

2 SAMUELI 16:7

Shimei Daudi nguwa lu'umisi iri oó', «Tláw koroóq, tláw kororoqoót, kuúng a tsu/uutusmo, nee heé gaa wásl.

2 SAMUELI 6:20

Daudi niwa waátl amór múk do'ós, as nguwa tsuuqi, Mikali, dasír Saulo guri al'eér iri ó', «Waawutmoó múk Israeli kuwa xiríf a adoomá laarí, gár slaamá' gari tleéhh, /ankwetsuwós guri laqán geeraá sagadiyuusér waawutmoó wa ale, slaqás nee mukduú barawasluse, kudá' /ankwets gu gaárí xuaaká dír ilaá muko.»

1 WAAWITÁ 21:4

Ahabu iri waátl ar mune nee gurhaamír yaariir, as Naboti yaamuloousmoó Yesreeli nguwa báy aalirós ga baloó hanisiiká. Ahabu iri qaát gawaá qatanirós, sagós guri tuuntuúk, muruú /aymaaro iri muunuút.

2 QOM'I 16:10

Axweesantír iigu'utusmo Hanani waawutmo Asa guna buhhtís, Hanani kway dahaás baraá doó tseegamo kway ya'a' tsegiít ar peehhoó iló'. Qoomaadár kilae waawutmo Asa muu bahh ale gway iimu/ún slahh'emisuwo.

2 QOM'I 19:5

Inós har'ohuuse gana qaás baraá umuúqo gixsadaá Yuda sleémeero kudá' koo/i gawden.

NEHEMIA 5:8

Ngiri báw, «Ar aleesleemuú ta koomana hhaeerén awa Yahudi in tlaxumaán kudá' taa weerimiís dír múk xoordaá hatlá'. Ala mis sla'á' kiwa malé weeramisa', bar atén in tlaxumaán?» Ala inooín tari qartlamiít, tam /aymuú taa oó' i kaahh.

WARA'AMI 109:3

Muruú tlákw ngun gawaaeé' kaahiyá', in i slaqwiyá' tawó alé.

WARA'AMI 14:1

Daktana i baraá muner'ín i kat, «Mungú i kaahh.» Inooín sleémeero taa hhitiruumiít. Heé hhooeemaá tlehhiít i kaahh.

WARA'AMI 25:3

Ar ló', kudá' kuúng u harahhifá' tumu wák mukuwa mureekeés, ala kudá' al/aymár tlehhiitá' tawó alé i muruutiye'.

WARA'AMI 35:19

Aníng bar gurhaamuút ma ya/aamaar wakuuser'eé' án iwa waaqaseen. Kuká' aníng i tawo ahhiitá', slahh'amaayer'eé' mingiwa saqwalaa/iyé'.

WARA'AMI 37:8

Mune gu/eek, buhhta maweek, ma buhhabuhhaar asma alhhe'eesaywo a tlakweema in tléhh.

WARA'AMI 49:10

Kár ee, inós gan ar tam adór múk sageloén ir qatli, daktana nee baraawasluuse tan adoodár hhán sleeme, daqaari'iimar'ín kari dír múk hatlá' i geexáy.

WARA'AMI 69:4

Múk aníng i tawo ahhiít ku yaariír tam se'éngw sagw'eé' ba/a. Múk aníng i gaasár wa slaá' i ló'wa /uuruú kón, kudá' aníng i hara/uuntsimá' ar lama. «Gár naa fiisiikahe gár ni buu'?»

WARA'AMI 7:4

barnaxes mulqumooeé' ugwa gár tlaákw i tleéhh, laqaá bar wakusmooeé' bura tawó áw,

WARA'AMI 92:6

Heé daktani muruuwí gu tsaahhiiká, tam heé tliíf ga xuiiká sleeme.

AXWEESANOÓ SAGALOOA 14:16

Heé sagaloó' tlakweema gi da'ayumiit nee giri kwirihhiit, Ala heé daktani i paslaahh nee i fadaaq.

AXWEESANOÓ SAGALOOA 18:6

Axweesanoó daktani i gilaá huwahuuw, daqtá yaariire gila gin igu'umiis ar axweesantós.

YEREMIA 17:11

Heé daqaari'iima gaa slay ar loohír gana'aaká, a adór xooymoó qanhhár aa qanhhusiiká gaa umtór ay. Daqaari'iimarí gun afa bá/ qoomár tla/a tsara birnga áy, alhhe'eesaywo iri daktu'uut.

WA/AA/I 3:52

Aníng tina tawo adór tsir/ír wa slakaát nee wakuuser'eé' sleémeero.

DANIELI 3:13

Naagáy Nebukadnesa iri ló'wa daa/atúy buhhtawo iri oó', «Shadraki, nee Meshaki nee Abednego dir'eéní huwaare'.» Inooín kiri huúw.

DANIELI 3:19

Naagáy Nebukadnesa iri qa/iít, gitsee/aawós niri warqayé' asma ín Shadraki nee Meshaki nee Abednego. Iri oó', «Asla ló'wa slaxaak sagaáwa faanqw ta tidár /iisirkohe.»

OBADIA 1:10

Asma tlakweemaadá' taa tléhh dír hhiyaawók Yakobo, alsi'imu in oh, kiíng tari suqút ay alhhe'eesay wasle.

OBADIA 1:12

Ala geeraawo deelór hhaeehúng niwa isaa qeqtiné' ana i qaytsiti'iiká, nee ana qwalaala/i'iiká, nee slám qwanoó múk Yuda una waaqasesendi'iiká tam deelór slahh'amuuín ana ar laahhandi'iiká.

Matayo 10:17

Ti harmagahhe' dír muko, asma kuungá' tundu huuw baraá maraá kwasleema, nee baraá maray'ín awa saaliingw, tunduri muux.

Matayo 10:28

Kudá' slaqwaá tsu/á' mi da'ayumitaara', asma qeeru gaasaro ngu aleeslay'aaká. Ala Mungú na da'ayumitaak, kudá' aleesleemuú koóm oo slaqwa nee qeeru ngiwa qwaareesi baraá asltá baloó gwaa'aaká.

Matayo 12:24

Ala múk Farisayo adoodá' ngiwa axaás tari oó', «Kwí bir neetlaamér duxun, gár ngir duxun a /uuruú Neetlángw úr kudá' ta bay Be'elsebuli.»

Matayo 17:5

Qoomár tawa axweesi, huunkír /awaak gina mahhtír i tléhh. Afo nina baraá huunkidá' wa ilawáts i kat, «Kwí a Garmaaeé', sla'aarusmooeé' oo aníng iga qwal/atis. Inós iiárií qaasaak.»

Matayo 18:21

Aluudae Petro iri daqáy amór Yesu guri báy, «Aáko, hhiyaaeé' án bir sadakumiis, ngu gurtlaatlaw a sagaáwa magá'? Tam ay sagaáwa faánqwe?»

Matayo 18:35

Yesu iri oó', «Adoorí an adór Baabuúeé' oo gawaá doori kuungá' nu laqi, barnaxes umuúqo heewo hhiyaawós gu gurtlatlayká ar muunuú ló'.»

Matayo 23:15

«Ala kuungaá intsaahhatuusér hara'ayár Mose nee múk Farisayo, awa hhaahhafuuse, a tsaxwaahúng. Asma kuungá' an harweeririindá' baraá tlawtá wa ale, nee baraá yaamaá kaahare as heé wák kuwa eeharusmoohúng tlehha'. Aluuwo kuri heé tlaákw tlehhá' sagaáwa tsár ta kuungae, tari heé hariím kuwa kwahhi baraá asltá baloó gwaa'aaká.

Matayo 23:33

Kuungá' a dayshe, slám a na/aá daysheedá' uren. Kuungá' sakwasleemár baraá asltá baloó gwa'aaká adór kar ilagoba' a adoomá?»

Matayo 25:41

«Aluuwo mukdá' bartá dákw doó basáy i dirií' guri bay, ‹Quutlé' dir'eene, kuungaásingá' taa lu'ús, tlawsé' baraá asltá baloó gwaa'aaká, tidá' taa amohhe'eés as Neetlaangw nee malaykeerós.

Matayo 26:59

Kaahamuusér uren ar Mungú nee múk doó kwasleema sleémeero lamabu'úngw lama kuri leelehhiít daanduú Yesuwo as kuwa gaasi.

Matayo 3:17

Afo nay gawaá doorí wa ilawáts iri ó', «Kwí a Garmaaeé', sla'aarusmooeé' oo aníng iga qwal/atis.»

Matayo 5:34

Ala án nu baw, lo'o ma baloó huwaara', laqaá tam ar doori, asma doori a kitángw aleesleemu oo Mungú.

Matayo 5:44

Ala án nu baw, wakuuserhúng sla'aak, nee kudá' kuungá' nu slahh'eemiisá' aleefiririimaak,

Marko 14:55

Kaahamuusér uren ar Mungú nee múk doó kwasleemaro sleémeero lamabu'uungw kway leelehhiít daanduú Yesuwo, as kuwa gaasár wa slai. Ala lamabu'úngw ló' kwa slayká.

Marko 15:1

Looa niwa tleér matlaatleero kaahamuusér uren ar Mungú nee bariiseero, nee intsaahhatuusér hara'ayár Mosewo, nee múk doó kwasleema sleémeero niri kwasleemutiyé'. Yesu kuri tseék, kuri huúw, kway dabaá Pilató i qaás.

Luka 12:5

Ala oo kuungá' ta da'ayuta' án ngu xu'utís. Mungú na da'ayumitaak, kudá' aleesleemu gu koóm oo hee nguwa kwahhi baraá asltá baloó gwaa'aaká, alaá gaasaro burngwa hhe'eés. Eeít, án a kah, kwí na da'ayumitaak.

Luka 22:66

Looa niwa tleér bariise nee kaahamuusér uren ar Mungú nee intsaahhatuusér hara'ayár Mose tari burumburiít, Yesu kuri huúw baraá doó kwasleemar'ín, kuri babáy,

Yohana 11:47

Kaahamuusér uren ar Mungú nee múk Farisayo, mukduú doó kwasleemár ur kuri ateét tari oó', «Adór heewí ku laqaan a adoomá? Asma heewí layaá yaariir gi tlehhiit.

Yohana 15:25

Adoorí ina tleehharút as /aymuudá' taa gooín baraá hara'ayar'ín iwa boo/i, kudá' káh, ‹Aníng ina tawó aahhiyé'.›

Yohana 7:20

Boo/aydá' iri oó', «Ahaá, kuúng a neetlaamér koónda? Ahaá, heé kuúng u gaasár wa slaá' a heemá?»

Yohana 8:48

Múk Yahudi iri oó', «Ahaá, atén ar ló' aga ooániíke, tawa ooaán kuúng a heé Samaria, nee gídaabá a neetlaamér koón.»

Tlehhema'aá ya/Abuuse 17:18

Mukko intsaahhasár Epikuro nee ar Stoiki tiri tlaampa'aamisiyé' nee Paulo. Bahh'alé tari oó', «Daktantí gár i ooár wa sla' a milá?» Bahh'alé tari oó', «Baré a adór heé ya/abtór munguaá xuawaslen ga alki/iít.» Adoorí kana oó' asma inós kángw Yesu guna alki/iít, nee kángw waasle/uuwós.

Tlehhema'aá ya/Abuuse 22:30

Geeraharusmoodá' úr gár Paulo kusa sakwasleemuút nee múk Yahudi gari xu'utír wa slaá'. Gawaá adoorihe looaytleérós Paulo guri gweér. Kaahamuusér uren ar Mungú nee bariisér doó kwasleema sleémeero gari ateét. Paulo guri leéhh, guri dír geeraaíní huúw.

Tlehhema'aá ya/Abuuse 23:1

Paulo múk kwasleema guri ilií duxún iri oó', «Hhaee'eé', aníng muunuú hhoohhoó' una ar hoót geeraá Munguhe ay laarí.»

Tlehhema'aá ya/Abuuse 24:20

Laqaá tam mukwí diirí dirií' ngi ooi, gár naa tlakweés a milá, ar inooín taa ár, qoomaadá' niwa sihhiít geeraá kwasleema.

Tlehhema'aá ya/Abuuse 4:15

Kiri ádbáy tawa tsee/ií ti'iiti baraá doó kwasleemaro, as inooín kilooín tawa axweesi.

Tlehhema'aá ya/Abuuse 5:21

Inooín axweesanaywí axaasaro kuwa hhe'eés, tari tláy matlaatlér boo/e, tari baraá Doó Mungú wa intsaahhatimís. Kaahamusmoó úr oo Mungú niri hardáh dinkwa nee mukós. Múk doó kwasleema nee bariise sleémeero nee múk Israeliwo, kuri burumbuúr, muu kuri ya/aáw baraá doó tseegamo as mukdá' kunguwa huwi.

Tlehhema'aá ya/Abuuse 5:27

Kingay huúw kiri qaás tla/ángw múk kwasleema. Kaahamusmoó úr oo Mungú giri yaahaás, iri oó',

Tlehhema'aá ya/Abuuse 6:12

Mukdá' muu guri tlaahhírí qaás nee bariiseero, nee intsaahhatuusér hara'ayár Mosewo. Stefano kuri óh, kuri huúw baraá doó kwasleema.

Tlehhema'aá ya/Abuuse 6:15

Mukdá' sleémeero aa iwiit dír kwasleema, Stefano kuri ilií duxún. Gitsee/awós kiwa ár, naxés a adór gitsee/aá malaykamo.

Tlehhema'aá ya/Abuuse 7:37

Mosewí an kudá' múk Israeli gwa bay, ‹Aakoó Munguúhúng aarusmoó adór aníng ngu sláy baraá tla/ángw hhaeehúng wa ale, inós iiárií qaasaak.›

Rumi 12:10

Kuungá' ti kiloohúng ló'wa sla'aaslae' ar sla'aarír hhae, nee ti kiloohúng gan'aamise ar ilaiwa/ame.

1 Korinto 6:10

nee tam fisuuse, laqaá qahuuse, laqaá ooniituuse, laqaá múk /ooslisliím nee laqaá múk aa dee/aanuut.

1 Korinto 6:6

Ala laatí, dirhunge Krishaanmo kuqá' gun sakwasleemár áy dír geeraá mukdá' Mungú gwa haratlinti'iiká.

DABE 15:11

Asma múk narkuute i baloó kahhiiká baraá yaamuwo, gawaá adoorihe, aníng kuungá' nun babaw, kuungá' masók hhaeehúng kudaá narkuute baraá yaamuuhunge in /iimisá' ar muunuú /awaák.

DABE 16:18

«Kuungá' har'ohuuse nee geeraharuuseero tsawaaraak baraá tlahhi'iihúng wa ale, baraá gixsaduhúng kudá' AAKOÓ MUNGÚ, Munguúhúng naa haniisi, inooín qaa/oó muu ngu tlaaqiye' ar adór ganaá'.

1 Tesalonike 4:6

Umuúqo heewo dirhunge hhiyaawós munguwa al/aáy, laqaá munguwa sadakuús baraá kaangwihe. Asma heé adoorí gaa tleehh ku li/áy buu' nee Mungú, adoodá' ngira qaroó geerií gawdeesaán dirhúng i alé.

Tito 3:2

Inooín muu mukuwa daandeemo axweés, ala inooín masók a múk gilimaaká nee oo hhó', nee umuúqo daqto masók a múk tsatsaa'arén dír muu sleémeerowo.

Ebrania 12:25

Ala qaytsité', Yésuudá' nee kuungá' axweesá' mu siaara'. Asma mukdá' Mungú gwa sii' iiárií qaasaro, qoomár iwa axweés baraá yaamu ar afór Mose, mukdá' aa ba/anká. Ala atén adór tar ba/aman a adoomá, barnaxes kudá' gawaá doorí wa axweés ugwa siaán?

Ebrania 5:9

Gawaá adoorihe inós kuri bu'uutiís nee Mungú. Bu'uutisaro kuwa hhe'eés, inós tari heé ba/amár alhhe'eesay wásl ngaa huuw dír mukdá' sleémeero inós ngu iialooemisa'a.

Yakobo 2:20

Kuúng a daktani. Kuúng a xu'ukáhe adór haratlintaaór tlehhema'aá koomaaká, gár i bu' ir káhh.

Yakobo 3:6

Nee tsifraangw a adór asla. Inós a adór yaamaá naa hatsiye' tlakweemaawo. Inós i baraá slaqoorén i dirii', an kudá' slaqwa sleémeero ga tlakweemár a'áw, slafiingw sleémeero guri asltí oohiis, nee inósuú kilá' asltós amór i dahh a baraá asltá daqisleém.

1 Petro 2:23

Inós qoomár kuwa /ooslislín, /ooslima gaa tiqár buiiká. Qoomár kuwa slahh'eemiís, mukdá' gwa slahh'eemiis gwa dae tsatiiká, ala tiri qaás gawaá dabaá Mungú, kudá' sakwasleemár ganaa' ga tleéhh.

1 Petro 3:9

Tlakweema mi kuqár bu'uumara', laqaá /oosli ma tiqár bu'uumaara'. Ala kuungá' masók tsuuqaá Mungú in hanmisá'. Asma gaarí an gár Mungú kuungá' nusa ateét sleeme as tsuuqa kiwa ala'.

1 Yohana 2:9

Heé káh, aníng a baraá gwa/aateema, ala inós hhiyaawós gwa aáhh, inós i baraá giwti tam hamí.

1 Yohana 3:10

Gawaá adoorihe na/aá Mungú ki geehhoo', tam na/aá Neetlaangw sleeme. Asma heé tlakweemaá tlehhaahhiít kwa laqwaaliiká nee Mungú, tam kudá' hhiyaawós ahhiít sleeme.

1 Yohana 5:16

Hee bar hhiyaawós gwa ár, i tlakweemaá tlehhiit, ala a tlakweemaá gwa'arár kooma'aaká, ngu aleefirin, nee Mungú gu slafíngw i haniis. Ala firoorí a har dír mukdá' tlakweemaá gwa'ara gaa tleehhiiká. Tlakweemaá gwa'arár koomá' i dayá'. Aníng a kaahaaká ngu aleefirin as tlakweemaaká'.

Yuda 1:9

Ala tam Mikaeli, malaykamoodá' úr, qoomár tiwa tlaampa'aasiyé' nee Neetlaangw daanduú slaqwtá Mosewo, aa qiitliiká sleeme nguwa /ooslin, aqo ina oó', «Aako kuúng u iigahhaati.»

Geehhoeemaá 20:14

Gwa'ara nee gi'iiwo kiri kwaáhh baraá tlawtadá' asla iwa ohahiin. Tlawtí asla iwa ohahiin an gwa'arár tsár.