Matayo 5:19 - Biblía Axweesantá Hhohho' ar Mungú 2004

¹⁹ Gawaá adoorihe, hee bar hara'ayár wák gaa iialooeesiiká baraá hara'ayadaá ninakwe, nee muu guri adoodár intsaahhatimís, inós a heé ló'wa niiná baraá waawuti'iimár dooriiwo. Ala heé hara'ayaarí gaa boo/ees, nee muu guri adoodár intsaahhatimis, inós a heé ló'wa úr baraá waawuti'iimár dooriiwo.

Ya/abtór hho' 1977

¹⁹ Gawaá adoorihe, hee bar hara'ayár wák gaa geeqáy tam hara'ayaadá' niina, nee muu guri adoodár intsaahhatimís, inós a heé niiná ló'wa ale baraá waawuti'iimár dooriiwo. Ala heé hara'ayaarí gaa boo/ees, nee muu guri adoodár intsaahhatimis, inós a heé úr ló'wa ale baraá waawuti'iimár dooriiwo.

Matayo 5:19 Iomraidhean Croise

WARA'AMI 119:128

Adoorihe an hoót ar hara'ayarók, lohdaá al/ayma i waák.

WARA'AMI 119:6

Barnaxes hara'ayarók sleémeero aga iialooeés, daqaní ti mureekeesiiká.

DANIELI 12:3

Mukdá' sagalooár koóm ta gwa/aat adór doori, nee kudá' muu ngwa geerahariye' baraá hotaá ganaa'á' i suwaahamitiyá' adór tsatse/ ay alhhe'eesay wasle.

Matayo 11:11

«Án a kah, baraá múk /ameena naa laqwali, heé úr oo Yohanedá' Baatimaamiís gu baá/ i kaahh. Ala kudá' niiná baraá waawuti'iimár dooriiwo kun úr dirose.

Matayo 19:28

Yesu giri báy, «Án a kah, kuungaásingá' aníng iga eehade', baraá yaamuudá' /aben, kudá' Garmoó Hee iwa iwiiti gawaá kitangwduú xirfuuwós, kuungá' sleeme a iwitá' baraá kiteeriidá' mibaá nee tsár, tlahhi'iidá' mibaá nee tsár awa múk Israeli kiri sakwasleemutá'.

Matayo 20:26

Ala dirhunge a adoosingeeká. Ala umuúqo heewo oo uroó slaá' dirhunge, masók a sagadiyusmoohúng.

Matayo 28:20

Muruudá' sleémeero naa kuungií intsaahhatimís, dir'ínií intsaahhatisak ku oohi. Ga/aawaak aníng a dinkwa nee kuungá' deelo sleémeero ay alhhe'eesoó yaamu.»

Luka 1:15

Asma uraay gu sláy dír Aakoowo. Difaái ga baloó wahiiká laqaá umuúqo gár ooniitimisa. Inós ku hatsiis Qeeruú hhoohhoó' oo Munguhe iimír iwa baraá guruú aayoórí kahhi.

Luka 11:42

«Kuungá' múk Farisayo, a tsaxwaahúng. Asma ilahhooár manákw nee sugdáy nee da'awemo sleémeero awa naanú in duxuundá', ar wák baraá mibaango tawa ar Mungú, amorqaáqae gan'amu nee sla'aarír Mungú iga sié'. Gár tunduwa hariím a tír geera an tlehhá', dinkwa nee tír tsár sleeme.

Luka 9:48

Giri báy, «Heé na/aywí gwa umuueénár ilaoh, heé aa ilaóh a aníng. Nee kudá' aníng iga ilaoh, kudá' aníng iga ya/aaw guna ilaóh. Asma kudá' ló'wa niiná dirhunge, an kudá' úr.»

Tlehhema'aá ya/Abuuse 1:1

Kitaábuuduú geera nguna gooiím dír kuúng Teofilo, gawaá daanduú muruudá' sleémeero Yesu aa tleéhh nee aa intsaahhatimís iimír iimu/uungo,

Rumi 3:8

Ala bar adoosíng, an ooána, «Tlakweema i tleehhaán as hhooeema iwa hardihiya'.» Múk atén ti kaantiím bahh'alé sleeme gaa káh adór atén gár ta intsaahhatimisaan tar tí. Inooín ki sakwasleemuut ar sakwasleemár hariim.

Rumi 6:1

Gár ta ooaan ala? An baraá tlakweemaá wa kumiitána as gurtleemu iwa ak doogin.

Rumi 6:15

Adoorí gídaabárós a milá? A tlakweema in tleehhána as adoodá' atén tawa baraá waawuti'iimár hara'ayarooká, ala tawa baraá waawuti'iimár gurtleemu? Aasla'áy, adoosingeeká.

DABE 12:32

«Umuú gár naa kuungá' bawi ti harmagahhe' kawa tlehha' ar ilakaahara, ala ma gaa doogara', laqaá ma /aaresara' baraá hara'ayaarihe.»

DABE 27:26

«Umuúqo heé axweesantá dabeerí gaa haalin nee gaa iialooeesiiká, kwaa lu'ús.» «Nee muu sleémeero ta ooi, Amin.»

1 Timoteo 6:11

Ala kuúng a heé Mungú. Kuúng ti paratl nee muruú adór kwí. Hotaá ganaa'á' na eehareek, nee ilaiwa/ame nee haratlintaao, nee sla'aari nee qiqtliingw nee tsatsaa'areema.

Tito 3:8

Tí naa oó' ar ló'. Nee án gár ni slaa' muruuwí masók un gawdés ooaro, as mukdá' Mungú gwa sangw haratlintii', tlehhema'aá hho' kiwa tlehhiiti ki slai. Adoorí ka hhoo' nee slám ka afhhamít dír muko.

1 Petro 5:4

Nee qoomár de'eemusmoodá' úr burkwa geehhooeés, kuungá' slamangwduú xirif u sleerá', oo baloó hhitiruutaaká.

1 Yohana 3:4

Umuúqo heé tlakweemaá tlehhiít, a hara'ayár Mungú eeharto gana sií'. Asma hara'ayár Mungú barka sií' eeharto, an tlakweema.

Geehhoeemaá 2:20

Ala aníng axweesantaka a koóm daanduuwoge, /ameenidá' ta babay Yesebeli a aleeya/a/aán. Inós ti babeer a aaruso'o, nee sagadiyuuser'eé' gari intsaahhatimís nee gari qwaarés as tawa fuquusi, nee fu'unaydá' kiwa /ayi awa taa ilahhooár wa haniís dír munguaá murslaaqat.

1 SAMUELI 2:30

Gawaá adoorihe AAKOÓ MUNGÚ, Munguú Israeli i kaahi, ‹Tam án geeraawo aga ooi do'ók nee doó baabuúwoge i geeraaeé' wa kumaamitiiyá' kureerisleém.› Ala hamí AAKOÓ MUNGÚ i kaahi, ‹Kangwsíng i amór saáw pa/i dir'eene.› Asma mukdá' aníng i ilaiwawaá/ án u ilaiwawaá/ sleeme. Ala kudá' i waqaaqa'á' aníng i gaárí xuaaká.