Matayo 5:18 - Biblía Axweesantá Hhohho' ar Mungú 2004

¹⁸ Án a kah, looeemaawo, ay dír doori nee yaamu i waarahhiya', ala gooír niina adór afkú laqwa laqaá tam ar ló'wa niina ta afkú laqwto ar baraá hara'ayaárií dirii' i baloó waarahhká ay dír sleémeero kay boo/eesi.

Ya/abtór hho' 1977

¹⁸ Án a kah, ay dír doori nee yaamu i waarahhiya', ala tam gár wák ar niiná laqaá tam gár niiná ar tí ba/a baraá gooír aaruuseero i baloó waarahhká ay dír sleémeero kay boo/eesi.

Matayo 5:18 Iomraidhean Croise

WARA'AMI 102:26

Inooín i hhitiruutiyá', ala kuúng a kumamít. Inooín i qaruyá' adór inqwaruú wa ale, kuúng in adór tlabaá wá warqés, nay slaxaruutiyá'.

WARA'AMI 111:8

Hara'ayaarós aqo in kumamít, alhhe'eesaywós i kaahh. Gana haniís ar looeema nee ar adór hhoohhoo'.

WARA'AMI 119:152

Iimír aange axweesantók iga intsaahhatís, adór ir kumamit ay kureeraá kureér.

ISAYA 40:8

Gitso in kát, nee /ayo iri /óts, ala axweesantá Munguúrén in hotaatiín ay alhhe'eesay wasle.»

ISAYA 44:26

Ala axweesanoó sagadiyusmoowós un gawdeemiís nee iigu'utuú ya/abuuser'eé' un looeemiís aníng an kudá' káh dír Yerusalemu, «Kiíng Yerusalemu muu i male hoot baraá ayaawók wa ale.» Nee an kudá' káh dír Yudawo, «Tundu malé tleehh, taanguuhúng i malé sihhitiyá'.»

ISAYA 51:6

Gawaá doori i qaytsitaak, daanduú yaamu xuxuaak, asma doori i waaraahhiyá' adór quui, yaamu i feehhamiitiyá' adór inqwaarír qaren awa baraadá' hootá' i qatliyá' adór naanaga. Ala ba/amar'eé' in kumaamít ay kureeraá kureér, nee gweeramor'eé' i alhhe'eesoó koondaaká.

Matayo 10:15

Án a kah, deelór alhhe'eesoó yaamuwo a tsiní gixsár Sodoma nee Gomora sakwasleemar'ín ngiwa ilií oohiya', ta gixsadae.»

Matayo 10:23

Kuungá' bartunda guús baraá gixsarí wa ale, ta gobá' baraá gixsár hatlá'. Asma án a kah, Garmoó hee ni kii/ dír gixsadaá múk Israeli kira faki'iiká.

Matayo 10:42

Án a kah, umuúqo heewo oo heé wák gwa wahaas, baraá kuká' ninakwe, tam ma'aá niiná awa tsa', as tawa eeharusmooeé', bu'utuuwós i qwaariiká.»

Matayo 11:11

«Án a kah, baraá múk /ameena naa laqwali, heé úr oo Yohanedá' Baatimaamiís gu baá/ i kaahh. Ala kudá' niiná baraá waawuti'iimár dooriiwo kun úr dirose.

Matayo 13:17

Án a kah, aaruusér yaariir nee múk hota ganaa'aá' kana slaá' arto tidá' kuungá' ta ga/eera', ala kaa ariiká. Nee kari slaá' axaasaro tidá' kuungá' ta axamisa', ala kaa axaasiiká.»

Matayo 16:28

Án a kah, muu i deer baraá tla/ángw mukwí sihhimiita, oo baloó qatlaaká, ay dír Garmoó Hee kway ari birna hardáh ar baraá waawuti'iimarós.»

Matayo 17:20

Yesu iri oó', «Asma haratlintaaorhúng ka /aár. Án a kah, haratlintaaór har qoomoó ilmoó haradaáli bar koondá', a aleesleerá' tloomarí kawa beera', ‹Quútl diirihe, tláw amorqá',› alók geera tidá' taa oé' i tleehharút. Tam /aymuú ta harslaaqata' tleehhamooro i kaahh. [

Matayo 18:18

«Án a kah, umuúqo gaaro ar taa tsegé' baraakaá' yaamuwo, gawaá dooriiwo kaa tseék sleeme. Nee umuúqo gaaro ar taa gwedé' baraakaá' yaamuwo, gawaá dooriiwo sleeme kaa gweér.

Matayo 18:3

iri oó', «Án a kah, kuungá' barnaxes a warqeera'aaká tari adór na/ii tleehhitá', a baloó data'aaká baraá waawuti'iimár dooriiwo.

Matayo 19:23

Yesu eeharuuseerós gari báy, «Án a kah, ka gawit daqaarmo iwa dahi baraá waawuti'iimár doori.

Matayo 19:28

Yesu giri báy, «Án a kah, kuungaásingá' aníng iga eehade', baraá yaamuudá' /aben, kudá' Garmoó Hee iwa iwiiti gawaá kitangwduú xirfuuwós, kuungá' sleeme a iwitá' baraá kiteeriidá' mibaá nee tsár, tlahhi'iidá' mibaá nee tsár awa múk Israeli kiri sakwasleemutá'.

Matayo 21:21

Yesu giri báy, «Án a kah, kuungá' bar haratlintaao a koondá', nee a xuruumita'aaká, ar ta tlehha' a tír /aantsí kiloseeká. Tam tloomarí sleeme bara beeré', ‹Quútl, tláw ti kwahhtá eer baraá tlawi,› adoorí i tleehharút.

Matayo 21:31

Xáy, baraá daaqaywí tsare heé sla'aarír baabuúín gaa tleehh a gaalá?» Tari oó', «A kudá' niiná.» Yesu giri báy, «Án a kah, ohomuusér koódi nee tsaatuuseero ta geeraahúng i waaraahh tari dah baraá waawuti'iimár Mungú.

Matayo 23:36

Án a kah, kaangwí sleémeero ni hardah gawaá múk qartí.»

Matayo 24:2

Yesu eeharuuseerós gari báy, «Tí sleémeero a ga/eerá'a? Án a kah, tlaa/anoó gawaá kuqí meét oo ta fee/iiká i kaahh.»

Matayo 24:47

Án a kah, aakoowós gun qaas daanduú muruuwós sleémeero.

Matayo 25:12

Giri i ilawaáts giri báy, ‹A ló', án a kah, án kuungá' nu xuaaká.› »

Matayo 25:40

Waawutmo iri ooi, ‹Án a kah, umuúqo gaaro ar taa tlehhé' dír oo wák baraá hhaee'eé' kuká' ninakwe, a ngina aníng i tlehhé'.›

Matayo 25:45

Inós iri ooi, ‹Án a kah, umuúqo gaaro ar taa tlehhi'iiká dír oo wák baraá hhaee'eé' kuká' ninakwe, a ngina aníngií tlehhi'iiká.›

Matayo 5:26

Ar ló' án a kah, a baloó ti'itaká baraadae ay dír heelmooduú alhhe'eesaay kway bu'.»

Matayo 6:16

«Slám bar kuungá' aga gwaawindé', gitsee/erhúng ma quy'uumisaara', adór múk hhaahhafuusér wa ale. Asma inooín adoorí kan tlehhiit as muu ngiwa ari adór tara gwaawín. Án a kah, inooín bu'utuuín kwaa qaro hhe'eés sleemuuwo.

Matayo 6:2

«Kuúng bar gaa a heé i haniisár wa slá', ma dír múkwí kaahaar as muu ngiwa xui, adoodá' hhaahhafuuse i tlehhaahhit baraá maraá saaliingo nee baraá lohuuwo, inooín gár ta slai a masók kin xirfayeemiis nee muu. Án a kah, bu'utuuín ngwa qaroó slayé'.

Matayo 8:10

Yesu /aymi'iidá' ngiwa axaás, iri waa/oó/, mukdá' nee inós ti alkoomá' guri báy, «Án a kah, haratlintaaór ur ar adór tí aga baloó ariiká tam dír heé wake baraá múk Israeliwo.

Marko 10:15

Án a kah, heé waawuti'iimár Mungú gaa ya/aniká adór na/oó niinár ale, i dahiiká baraá waawuti'iimarihe.»

Marko 10:29

Yesu iri oó', «Án a kah, umuúqo heewo oo dooín ngwa geexay, laqaá hhaeewós, laqaá aayo, laqaá baabá, laqaá na/ii, laqaá qamu, as aníng nee as Ya/abtór hho',

Marko 11:23

Án a kah, heé baraá muunaáwose xurumitaaká, tloomarí ga aleesláy ngiwa bay, ‹Quútl, ti kwahh baraá tlawi›. Birnga haratlintií' adór tidá' i kaahi ir tleehharút, i tsuwá tleehharút.

Marko 12:43

Yesu eeharuuseerós gari ateét, gari báy, «Án a kah, kwaalo'orqár narkuto'o hariímár aa qás ka ló'wa ur mukquú hatlá' sleémeero ba/a,

Marko 13:30

Án a kah, muruuwí sleémeero i boo/ dír mukuú de'emaaká' ir kumiiti.

Marko 14:18

Qoomár inooín tawa /ayin, Yesu giri báy, «Án a kah, heé wák dirhunge oo nee aníng al/ayiimá', án i sakii/.»

Marko 14:25

Án a kah, ma'aá sabiíbu i baloó wahaaká ay baalaadá' awa /aben ngiwa wah baraá waawuti'iimár Munguhe.»

Marko 14:30

Yesu guri báy, «Án a kah, xweeraakaá laarihe konkomoó tsár iwa uui, án kuúng iga sagaáwa tám wa satlánk.»

Marko 14:9

Ala án a kah, umuúqo dír Ya/abtór hho' kawa alki/iiti baraá yaamu sleémeerowo, nee tí /ameenirí aa tléhh sleeme ka alki/aa/iit as inslaslaangós.»

Marko 3:28

«Án a kah, tlakweema sleémeero awa muu ki gurtláy, nee /ooslislingw'ine,

Marko 6:11

Dír kuungá' tunduwa ilaohiiká, nee axweesantahúng kawa slaiiká axaasaro, quutlé', didá' geexawaak, teeri ka alií kukuá', tawa gurbua dir'ine.»

Marko 8:12

Baraawose iri slahhaá', iri oó', «A milá mukú de'emaaká' mis layár leelehhiit? Án a kah, layár ta laqan i káhh dír mukú de'emaakae.»

Marko 9:1

Yesu giri báy, «Án a kah, baraá tla/ángw mukwihe muko i qatliiká, ay dír waawuti'iimár Mungú tidá' hardat ar /uuru kay ari.»

Marko 9:41

Án a kah, umuúqo heewo oo kuungá' naa wahaas ar ma'aay asma tawa múk Kristo, xuaak, hariímarós ga sláy.»

Luka 11:51

iimír tseerér Abeli wa tleemu ay tseerér Sekaria sleeme, kudá' taa gaás dír tla/ángw kitángw ilahhooa nee Doó Mungú. Án a kah, tí sleémeero ka gawaá daanduú múk de'emuukí iinuus.

Luka 12:37

Múk amohhoó' a sagadiyuuseedá' aakooín binda hardáh i dala'amaayérí ay. Án a kah, inós in siinootín, nee sagadiyuuseedá' gari dahi'is dír muruú /ayma, gari muruú /aymárí qasmiis.

Luka 13:35

Qaytsité', Mungú doohúng gwa geexáy. Án a kah, aníng i baloó aanda'aaká daxta ay dír ti oa', ‹Kudá' hardáh ar umuú Aako kwa tsuúq.› »

Luka 16:17

Ala ka inslaahh doori nee yaamu niwa waarahhiya', ala i ya/aandaaká tam gooír niina adór afkú laqwa baraá hara'ayár Mosewo kawa hingeesi.»

Luka 18:17

Án a kah, heé waawuti'iimár Mungú gaa ya/aniiká adór na/oó niinár alé, i baloó dahiiká baraá waawuti'iimarihe.»

Luka 18:29

Yesu giri báy, «Án a kah, umuúqo heewo oo dooín gwa geexay, laqaá hareerós, laqaá hhaeewós, laqaá xwayliteérós, laqaá na/iiwós, as waawuti'iimár Mungú,

Luka 23:43

Yesu iri oó', «Án a kah, laarír kilá' án nee kuúng a al dinkwa didár amohhooaro.»

Luka 4:24

Iri oó', «Án a kah, aarusmoó taa ya/án nee múk ayaawós i kaahh.

Yohana 1:51

Yesu Natanaeli guri báy, «Án a kah, doori iqo aandá' adór nir gweeritiya', nee malaykér Mungú iwa tsa/a/aan nee iwa awdit gawaá Garmoó Hee.»

Yohana 10:1

Yesu iri oó', «Án a kah, heé aa dahiiká ar afkú do' baraá matla/ángw bee/aangw, ala ina dáh ar amór hatlá', heedaádá' a fisusmo nee a heé muruú muu gu /uurúr hayohiím

Yohana 10:7

Yesu iri malé oó', «Án a kah, aníng an afkú doó bee/aangw.

Yohana 12:24

Án a kah, ilmoó angaáno bira huuiiká baraá hhapér i alé, iri gwaa', aqo in hootatín adoodá' i dirii'i kilós alé. Ala bira gwaá', mamaá yaariir gin laqwaal.

Yohana 13:16

Án a kah, lawaalmo ku ureeká ta aakoowose, laqaá ya/abusmo ku ureeká ta heedaádá' ngwa ya/aawi.

Yohana 13:38

Yesu iri oó', «Ar lóe, kuúng slafiingók uqo hanísa as aníng? Án a kah, konkomo iwa uui, án kuúng iga tlánk sagaáwa tám wa ale.»

Yohana 14:12

Án a kah, kudá' aníng iga haratlintii', tlehhemi'iiká' án ni tlehhiit, inós sleeme gi tleehh, nee tam tlehhema'aá ak uren gi tleehh, asma aníng a tláw amór Baabá.

Yohana 16:20

Án a kah, kuungá' a /a/á', nee tay tsuunqumisá', ala múk aa haratlintii'iiká iri qwalaa/. Kuungá' tay gurhaamutá', ala gurhaamirhúng i warqeér tawa qwala/.

Yohana 16:23

«Slám baldá' gár iwa yaahasa' i káhh. Ar ló' án a kah, Baabá bura firiindé' umuúqo gaaro, inós ngi haniis ar umuueé'.

Yohana 21:18

Án a kah, qoomár kuúng tawa masoomo, inqwaari an afeetlí tsegaagít kuúng kilók, nee an tleér amór kuúng ta sla'. Ala bar aga diín, dabaawók in gan'ás, nee heé hatlá' uri tseek nee urir tláy amoodá' kuúng ta sla'aká.»

Yohana 3:11

Ar ló' án a kah, tidá' ta xuaan an kaahaán, nee tidá' taa araán an lamabu'uumaán, ala lamabu'ungwrén kuungá' u ya/a/aanda'aaká.

Yohana 3:3

Yesu guri mu/aywaáts guri báy, «Ar ló' án a kah, hee burkwa sagaáwa tsár wa laqwaaliiká, waawuti'iimár Mungú ga ariiká.»

Yohana 3:5

Yesu iri oó', «Ar ló' án a kah, hee burkwa laqwaaliiká ar ma'aay nee Qeeruú Mungú, dahmuú baraá waawuti'iimár Mungú gu aslayká.

Yohana 5:19

Yesu iri oó', «Án a kah, Garma gár tleehharo kilós i aleeslay i káhh, aqo har tidá' Baabá i tlehhiiti gan tleehh. Asma tidá' sleémeero Baabá i tlehhiiti an tidá' Garma i tlehhiiti.

Yohana 6:26

Yesu iri oó', «Án a kah, án kuungá' i leelehhita'aaká as layaadá' taa aandé', ala gár is leelehhita' a mikaáteedá' taa /agé', tay axé'.

Yohana 6:32

Yesu iri oó', «Án a kah, Mose mikaátér dooraá daahh ngaa haniisiiká, ala a Baabuúeé' mikaátér ló' ar dooraá daahh, ngin hanimiis dirhúng i alé.

Yohana 6:47

Án a kah, heé aníng iga haratlintii', slafíngw alhhe'eesay wásl gu kón.

Yohana 6:53

Yesu iri oó', «Án a kah, kuungá' barnaxes slaqwtá Garmoó Hee aga /agi'iiká, nee tseereerós aga wati'iiká, slafiingw i kaahh baraahunge.

Yohana 8:34

Yesu giri báy, «Án a kah, umuúqo heé tlakweemaá tlehhahhiít, a lawaalmoó tlakweema.

Yohana 8:51

Án a kah, hee bar axweesante'eé' gaa óh, i baloó gwaaiiká.»

Yohana 8:58

Yesu iri oó', «Án a kah, iimír Abrahamu kuwa laqwaliiká, aníng a qaroó daadeer.»

1 Petro 1:25

Ala axweesantá Aako in hotaatiín ay alhhe'eesay wasle.» Axweesantí an Ya/abtór hho', tidá' tinda dirhúngií alki/iít.

Geehhoeemaá 20:11

Aluudae kitángw aleesleemu oo úr oo /awaák nguri ár, nee kudá' aa gawaadá' i iwiit. Doori nee yaamu gitsee/aawós ngiri ilaguwiyé', tam dir'ín iri qwát.