Matayo 5:1 - Biblía Axweesantá Hhohho' ar Mungú 2004

¹ Yesu boo/oó muu nguwa ár, iri tsa/án gawaá tlooma, qoomár iwa iwiít eeharuuseerós guri i daqeér.

Ya/abtór hho' 1977

¹ Yesu boo/oó muu nguwa ár, iri tsa/án gawaá tlooma, iwtanaango iwa hhe'eés eeharuuseerós guri i daqeér.

Matayo 5:1 Iomraidhean Croise

Matayo 13:2

Boo/oó yaariír iri dirósií burumburiít, tam Yesu iri gawaá miringamoó i tsa/án, iri iwiít gawaadí alé. Boo/ayduú muu sleémeero iri afaá tlawtí sihhiít.

Matayo 15:29

Yesu iri tláy didaádae, iri hardáh bihhaá tlawtá Galilaya. Iri tsa/án gawaá tlooma, iri gawaadí iwiít.

Matayo 4:25

Yesu kway eehár nee boo/oó yaariír oo amór Galilayár daáhh, nee yaamaá Dekapoli nee Yerusalemu, nee yaamaá Yudea nee gayuú Yordani.

Matayo 5:2

Giri iimu/ún intsaahhatimisuuwo, iri oó',

Marko 3:13

Yesu iri tsa/án gawaá tlooma, kudá' inós aa slaá' giri ateét, kuri i daqáy.

Marko 3:20

Aluudae Yesu iri waátl amór do'. Boo/aay iri malé burumburiít, tam inooín pa/ángw muruú /ayma kur /ayi kwaa slayká.

Marko 4:1

Yesu iri malé afaá tlawtá wa intsaahhatimís. Boo/oó yaariír guri i burumburiít. Inós iri tsa/án gawaá miringamooko baraá tlawtí dirií', as tliqa, iri iwiít. Nee boo/aydá' sleémeero gwa i burumburiit i afaá tlawtí dirii' amór yaamaá kaahaar.

Luka 6:12

Qoomaadae Yesu iri gawaá tloomár i tláy as iwa firór ay. Looa gari gawaadá' wa tleés, iwa Munguú firiirin.

Luka 6:17

Yesu nee inooín tindiri gawaá tloomár wa aweér, iri sihhiít baraá xatsa. Eeharuuseerós ar yaariir i didá', nee boo/oó úr oo muu oo yaamaá Yudea sleémeero ngi daáhh, nee Yerusalemuro nee yaamaá afaá tlawi awa Tiro nee Sidoni.

Luka 6:20

Aluuwo Yesu iri amór eeharuuseerósí qaytsiít, giri báy, «Múk amohhoó' a kuungaásaá narkuute, asma waawuti'iimár Mungú a toohúng.

Luka 9:28

Alaá axweesantihe deelo dakaát iwa waaráhh, Yesu Petro nee Yohane nee Yakobo ginara tláy, iri firór áy gawaá tlooma.

Yohana 6:15

Yesu adór inooín kur oohár wa slaá' ar /uuru gari tsaáhh, as kuwa waawutmooín wa qaasi. Inós adoodá' ngiwa tsaáhh, tina paraátl dir'ine, iri tsa/án gawaá tlooma malé alé, inós kilós.