Matayo 4:4 - Biblía Axweesantá Hhohho' ar Mungú 2004

⁴ Ala Yesu iri oó', «Kaa gooín, ‹Hee gár ir slafi a muruú /ayma kiloseeká, ala aqo har umuúqo axweesantá amór Mungú daahh.› »

Ya/abtór hho' 1977

⁴ Ala Yesu iri oó', “Kaa gooín gídaabá, ‘Hee gár ir slafi a muruú /ayma kiloseeká, ala aqo har umuúqo axweesantá amór Mungú daahh.’”

Matayo 4:4 Iomraidhean Croise

TI'INAANGW 16:15

Múk Israeli gaarí kawa ár, tina kilooín yaahamisiyé', i kaahiya', «Gaarí a milá?» Asma ngaa tsaahhi'iiká. Mose giri báy, «Gaarí an mikaáteedá' AAKOÓ MUNGÚ naa haniís as kawa /aga'.

TI'INAANGW 16:35

Xoorór Israeli muruú /aymaadár maána nguna /aa/ayiyé' ay kureeri mibeeri tsiyáhh, ay ngar wa hardihiyé' yaamuudá' hariimá' hotaawo digmuú yaamaá Kana'ani.

TI'INAANGW 16:8

Mose iri oó', «AAKOÓ MUNGÚ kuungá' nu fu'unáy haniis tsiindoowo, nee matlaatleero nun mikaáteérí haniis, gur'erhúng kari dal/aandá', asma inós qununu/ayhúng gwa axaás. Kawa xua' atén tiwa i qununu/a a múk adoomá? Ma qununu/aara' amooréní ale, amór AAKOÓ MUNGÚ nay qununu/aak.»

TI'INAANGW 23:15

Deelór ur ar mikaátér taa sluuftisiiká an tlehhá' ar adoodá' ngira hara'ayiím. Mikaátér taa sluuftisiiká an /agá' deelo faanqw qoomár slahhangwdá' niwa ti'ité' baraá Misriro oo ta bay Abibu. Nee umuúqo heé deeloorí nga boo/eesár ayi mindiwa geeraaeé' daqáy ar dákw kaahaár.

Matayo 15:11

Gár hee i /ayi gu meetagaská, ala tidá' baraá afkú heé wa ti'imiit, an tidá' gu meetagaas.»

Matayo 4:10

Yesu iri oó', «Neétlaangw, quútl. Asma kaa gooín, ‹Aakoó Munguúwók na sluufmiseek, nee inós kilós ku sagadiyús.› »

Matayo 4:7

Yesu guri báy, «Ala tí sleeme kaa gooín, ‹Aakoó Munguúwók mu iiaraa'araar.› »

Marko 7:20

Giri báy, «Tidá' baraá muunuú heé daahh an tidá' gu meetagaas.

Luka 4:12

Yesu iri oó', «Kaa oó' sleeme, ‹Aakoó Munguúwók mu iiaraa'araar.› »

Luka 4:4

Yesu iri oó', «Kaa gooín, ‹Hee gár ir slafi a muruú /ayma kiloseeká.› »

Luka 4:8

Yesu iri oó', «Kaa gooín, ‹Aakoó Munguúwók na sluufmiseek nee ku sagadiyús inós kilós.› »

Yohana 15:26

«Alee/isusmoodá' binda hardáh, kudá' ni amorhúngí ya/aaw amór Baabá wa ale Qeeruuduú looeema, kudá' amór Baabá daáhh, inós aníng i lamabu'ún.

Yohana 6:63

Qeeru an kudá' slafíngw hanmiís, slaqwa gár i bu' i káhh. /Aymi'iiká' naa kuungá' i oó' a qeeru, slám a slafiingw.

Rumi 15:4

Asma Gooi sleémeero tidá' taa qaroó gooín, kana gooín as atén tiwa intsaahhatimis. Atén qitla nee gurkwa/amis u slaslawaán baraá Gooiro. Gawaá adoorihe a gawduwaán baraá haraxu'utirene.

Efeso 6:17

Ba/ama oohaak sleeme, tawa kofiyár gawit ar ta ságw i qasa'. Nee paángár Qeeru oohaak, an axweesantá Mungú.

DABE 8:3

Nuna ala qwárkwí máy as tiwa niinaweesa', aluuwo muruú /aymaadá' ta bay maána nguri haniís, muruú /aymár kuungá' ta baloó xua'aaká, laqaá baabi'iihúng sleeme ngwa xui'iiká. Adoorí gana /iís asma nuwa intsaahhatisi, adór hee ir hootiiká ar muruú /ayma kilós, ala aqo ar axweesantá amór AAKOÓ MUNGÚ daahh.