Matayo 4:24 - Biblía Axweesantá Hhohho' ar Mungú 2004

²⁴ Kaangós iri tsiyaayaaxaát baraá yaamaá Shamu sleémeero. Múk tiqtír dimbadimbé kunguri huúw dirós i alé, nee kudá' slahh'amuú koomá', nee múk neetlaame aa eér, nee múk /araraám, nee múk tiqtír sol'omit, sleémeero giri hungu/umiís.

Ya/abtór hho' 1977

²⁴ Iidíguuwós iri tsiyaayaaxaát baraá yaamaá Shamu sleémeero. Múk tiqtír dimbadimbé kunguri huúw dirós i alé, nee kudá' slahha'amuú koomá', múk neetlaame aa eér, múk /araraám, nee múk tiqtír sol'omit, giri hungu/umiís.

Matayo 4:24 Iomraidhean Croise

2 SAMUELI 8:6

Naagáy Daudi xafoó múk slaqwara guri tleéhh baraá gixsár Aramu ar Damasko. Múk Aramu tari lawaaleerós, kuna koódirí huwahuúw. AAKOÓ MUNGÚ Daudi guri baalirií haniís umuú dír aqo kayi.

1 WAAWITÁ 10:1

Waawuto'ór yaamaá Sheba xirfuú Solomon as umuú AAKOÓ MUNGÚ nguwa axás, nina hardát amór Solomon as nguwa yaahamis ar /ayma'aá gawden.

1 WAAWITÁ 4:31

Asma sagalooa ngiwa kon a muu sleémeero ba/a, ta Etaniwo heé tlahhoó Esrahi, nee Hemani nee Kalkoli, nee Darda, inooín a daaqoó Maholi, inós iri iiatleerúy baraá xoordaá inslaawaywose.

1 QOM'I 14:17

Daudi iri iia tleerúy ay baraá yaamu sleémeero. AAKOÓ MUNGÚ xoordu sleémeero gay daeérí tleés, inooín Daudi kuri da'ayumiiít.

1 QOM'I 29:2

Aníng umuú gaaro aga iiár burumburto as tleehhamór doó Munguúeé', muruú naa burumbuúr a kwí: Sahaábu as muruú ta sahaábúr tleehhi, nee muqslár peésa ar ta muruú muqslár peésár ar tleehhi, nee muqsla sirda/aten ar ta muruú muqslár sirda/atén ar tleehhi, nee muqsla ar ta xoslár muqslár ar tleehhi, nee xaai awa ta xooslár xaaír tleehhi. Sleeme tlaa/aá kal'i iga amohhe'eés nee tlaa/aá tar tipin, tlaa/aá ta bay njumu, tlaa/eedá' kal'i nee awa tlaxo uren awa da'aweemaá dimbadiimbé, nee awa ta bay marumarúr yaariir.

TI'INAANGW 15:26

Giri báy, «Barnaxés afór AAKOÓ MUNGÚ Munguúhúng aga iiárií qasé' ar ilakaaharu, nee adór ganaa' kari tlehhé' dír geeraawose, nee hara'ayaarós kari iialooesé', nee kaahirós kari oté', daqaní anuú AAKOÓ MUNGÚ kuungá' nu tiqtírí huwaaká, tidá' naa huúw dír múk Misri. Asma aníng an AAKOÓ MUNGÚ kudá' kuungá' nu hungu/uumiís.»

Matayo 12:22

Qoomaadae heé neetlaame aa eér kunguri huúw amór Yesu. Heedaádá' a taampa, slám a heé afa wásl. Yesu guri hungu/uús, heedá' afa wásl iri axweés, nee iri xumiís.

Matayo 14:1

Qoomaadae waawutmo Herode kángw Yesu guri axaás,

Matayo 15:22

/Ameenirkar xoorór Kananayo, ar yaamuudá' hoot, Yesu guri i daqeér, iri tsé' ar afór ur, guri beér, «Aáko, Garmoó Daudi, án gurtlawáng. Dasir'eé' neetlaame gaa ló'wa slahhe'eemís.»

Matayo 17:15

iri oó', «Aáko, garmaaeé' gurtlawang, asma inós i /araarán, nee ku ló'wa slahh'eemaamiis. Umuúqo daqto i huuhuaaín baraá asla nee baraá ma'aay.

Matayo 17:18

Yesu neetlaame gari iigahhaát, neetlaameedá' na/aay guri geexeér. Na/aydá' iri hunguú/ siiwadár kilae.

Matayo 4:23

Yesu ina hi'iimiít baraá yaamaá Galilaya sleémeero, iri baraá maraá saalíngw wa intsaahhatimís, nee Ya/abtór hho' ar waawuti'iimár Mungú gari alki/iít. Múk tiqtuuse guri hungu/uumiís nee kudá' slaqo tlakwen sleémeero.

Matayo 8:28

Yesu iri gayuú hatlá' oo yaaeérií waaraáhh amór yaamaá múk Gadara. Tiri doogiyé' nee múk tsár oo neetlaame aa eér, i amór /aantaá dahhiyá'. Slám a múk xaraásl. Tam hee waarahhamuú loohidá' gu qiitliiká.

Matayo 8:33

Ala de'eemuusér baynuudá' iri ta'aiín ay baraá gixsa. Kangwdá' sleémeero kuri alki/iít, nee oo neetlaameedá' sleeme.

Matayo 8:6

«Aáko, lawaalmooeé' i dír dó' wa tiiq, tiqtír sol'omituuwo i ló'wa slahhaa'.»

Matayo 9:26

Kaangwí iri xu'utiít baraá yaamuudá' sleémeerowo.

Matayo 9:35

Aluuwo Yesu gixsadu sleémeero nee ayeemo gina alhi'iimiít. Iri baraá maraá saalingw'ín wa intsaahhatimís. Ya/abtór hho' ar waawuti'iimár Mungú gari alki/iít, nee tiqtuuse sleémeero gari hungu/uumiís, nee slaqwaatlakwér dimbadimbé sleeme.

Marko 1:28

Siiwadár kilae kangós iri tsiyaayaaxaát umuúqo diiro baraá yaamu sleémeero awa bihhér Galilaya.

Marko 1:32

Qoomár tsiindo looa iwa dát, kuna múk yaariír i huwahuúw oo tiqtuuse nee oo neetlaame aa aeér.

Marko 2:3

Múk tsiyáhh heé tiqtír sol'omituú koóm kunguri dirósí huuw, kungwa himbeét.

Marko 2:4

Inooín Yesu i tsewuwto kuwa harslaaqaát as boo/oó muu, daanduú do' kuri fooxiís afi qoomaadá' inós i dirii'i. Fooxisaro kuwa hhe'eés, tiqtusmoodá' kuri didár aweeriís ar hhaftuuwós.

Marko 2:9

Gár ák inslaahh a gaalá, a heé tiqtír sol'omituú koóm kuwa báya, ‹Tlakweemaawók kaa gurtláy›, laqaá kuwa bay, ‹Sihhiít, hhaftuuwók gagaareek, tláw.›

Luka 2:2

Gooirí ar geera qoomár Kurenio tawa ga/aawusmoó yaamaá Shamu.

Luka 4:14

Yesu iri kií/ ar /uuruú Qeeruú hhoohhoó' oo Mungú, iri Galilayár káy. Kaangós umuúqo diiro kuri axaás baraá yaamuudae.

Luka 4:38

Yesu iri tláy dír do'duú saaliingo, iri hardáh dír doó Simon. Aayór harér Simon naxés i ló'wa tíq ga/atanto. Yesu kuri firín as aayoodá' ngiwa hungu/uusi.

Luka 5:15

Ala kangós iri ak tsiyaayaaxaát, boo/oó muu iri burumburiít as kuwa iiárií qamin, nee tiqtir'ín kawa hungu/uumisi.

Luka 5:24

Ala kuungá' xuaak adór Garmoó Hee aleesleemu ngur kón baraá yaamuwo oo tlakweema ngiwa gurtlay.» Heedaáduú tiqtír sol'omit guri báy, «Án kuúng un baw, sihhiít, hhaftuuwók gagaareek, waátl amór do'ók.»

Luka 7:17

Tí Yesu aa tleéhh iri tsiyaayaaxát yaamaá Yudea sleémeerowo, nee baraá yaamu sleémeero awa inslaawaydá'.

Yohana 10:21

Bahh'alé tari oín, «Axweesanaywí a axweesanoó heé neetlaamér koomaaká. Ahaá, neetlaame aleesleemu gu koónda oo taampu ngiwa ila' qaytsitisi?»

Tlehhema'aá ya/Abuuse 10:38

Kuungá' kángw Yesú Nasareti u xuá', adór Mungú ngura Qeeruuwós oo hhoohhoó' i haniís nee /uuru. Inós ina hi'iimiít umuúqo diiro, gadiyér hho' gari tlehhiít, nee muu sleémeero guri hungu/uumiís, kudá' Neetlaangw aa slahh'eemiís. Asma inós nee Mungú a dinkwa.

Tlehhema'aá ya/Abuuse 15:23

Barwá kari gooín kari ya/aáw ar mukdá'. Barwaádá' gár i kat a tí, «Intsihhiisarí amór i dahh a amór ya/abuuse nee bariise. Kana gooín amór hhaeerén kudá' awa xoordaá hatlá', awa baraá Antiokiár i diriiá', nee Siria nee Kilikia.

Tlehhema'aá ya/Abuuse 15:41

Iri waaraáhh ar baraá yaamaá Siria nee Kilikia, múk kríshaanáy guri alee/imiís /uuru nguwa slaya' baraá haratlintaaooro.

Tlehhema'aá ya/Abuuse 28:9

Tí sleémeero iwa tleehharút, múk hatlá' oo tiqtuuse oo baraá yaamuudá', niri didií hardaráh, kuri hungu/uumiís.

Tlehhema'aá ya/Abuuse 8:7

Asma múk yaariír neetlaame aa eér, neetlaameedá' iri /aa/amiín ar afór ur, iri ti'imít. Nee múk yaariír oo tiqtír sol'omit nee taqooraay kuri hungu/umiís sleeme.

YOSHUA 6:27

Naagáy AAKOÓ MUNGÚ a dinkwa nee Yoshua baraá umuúqo gaaro ar aa tleehhi, nee xirfuú Yoshua sleeme kuri axaás nee muu sleémeero.