Matayo 4:19 - Biblía Axweesantá Hhohho' ar Mungú 2004

¹⁹ Yesu giri báy, «Qwalaasé', án eeharaaré', án kuungá' nu intsaahhatís adór muu ngur amor'eé' huwahuba'.»

Ya/abtór hho' 1977

¹⁹ Yesu giri báy, “Qwalaasé', án eeharaaré', án kuungá' nu intsaahhatís adór muu ngur amor'eé' huwahuba'.”

Matayo 4:19 Iomraidhean Croise

Matayo 16:24

Qoomaadár kilae Yesu eeharuuseerós gari báy, «Umuúqo heewo oo aníng i eehartá wa slaá', gar kuwa hariím a sla'aarirós gan gunqarees, nee msalaábarós gari gagaar, aníng iri eehar.

Matayo 19:21

Yesu guri báy, «Barnaxes kuúng a heé ganaá' tlehhitár wa slá', tláw, muruudá' ta koon weeriseek, peésaadá' ka hanís dír narkuute, daqaní aníng ir eehát. Kuúng daqaari'iimarók a gawaá doorií eér.»

Matayo 4:18

Qoomár Yesu iwa afaá tlawtá Galilayár wa hi'iimiti, hha'aá tsár gina ár. Kooko a Simon, kudá' ta babay Petro, nee hhiyaawós Andrea, ta baratsufoó kwakwaahh baraá tlawi, asma tawa inooín a múk siyoó ohahiím.

Matayo 4:20

Siiwadár kilae baratsufay'ín nguri geexayé' Yesu kuri eehár.

Matayo 8:22

Ala Yesu guri báy, «Án eeharáng. Mawaagáy múk adór tu'u, tuaá muk'ín ngi foliitiye'.»

Matayo 9:9

Yesu iri tláy didaádae. Qoomár tawa hi'iiti Yesu heeko guna ár, aa iwiít dír doó ohme. Umuuwós a Matayo. Yesu guri báy, «Án eeharáng.» Iri tláy, guri eehár.

Marko 2:14

Qoomár iwa waaraahhi, Laáwuú Alfayo guna ár, aa iwiít baraá doó ohmér koódi. Guri báy, «Eeharáng.» Laáwi iri tláy, guri eehár.

Luka 5:27

Aluuwo Yesu iri ti'iít, ohomusmoó koódi guri ár, umuuwós a Laáwi, i baraá doó ohmér koódírí dirii', guri báy, «Aníng eeharáng.»

Luka 9:59

Heé hatlá' guri báy, «Aníng i eeharáng.» Heedaádá' iri oó', «Aáko, ala ya/aám, baabuúeé' ngu ala foól.»

Yohana 1:43

Looitleérose Yesu iwa Galilayár keemuú wa slai, Filipo guri ár. Yesu guri báy, «Aníng eeharáng.»

Yohana 12:26

Aníng hee bir sagadiyuus, i eehari. Daqaní didaádá' aníng ni diriia, an didá' sagadiyusmooeé' sleeme i dirii'i. Slám aníng hee bir sagadiyuus, heewí ku ilaiwawaa/ nee Baabá.»

Yohana 21:22

Yesu iri oó', «Án barnaxes a slaá' kwí iwa slafi ay dír án ni kii/, gár kuúng u huuw a milá? Án kuúng na eeharáng.»

2 korinto 12:16

Ala kuungá' a kata', «Ar ló', kuúng taa huwár ar eeriiká. Ala as kuúng tawa al/aymusmo, kuúng atén taa al/ák ar lamtók.»