Matayo 4:17 - Biblía Axweesantá Hhohho' ar Mungú 2004

¹⁷ Iimír qoomaadá' wa tleemu Yesu axweesantá Mungú gari iimu/ún dahareemisuuwo, iri káh, «Hhu'u'umé' asma waawuti'iimár doori naa naká/.»

Ya/abtór hho' 1977

¹⁷ Iimír qoomaadá' Yesu axweesantá Mungú gari alki/iít, iri káh, “Hhu'u'umé' asma waawuti'iimár doori naa naká/.”

Matayo 4:17 Iomraidhean Croise

Matayo 10:7

Baraá aaiihunge dahaareemisé', tawa kata', ‹Waawuti'iimár doori naa naká/.›

Matayo 11:12

Iimír de'emaá Yohanedá' Baatimaamiís ay hamí waawuti'iimár doori kan i qwatliit ar /uuru, nee múk /uuruú koóm ga hayoohín ar /uuru.

Matayo 13:11

Yesu giri i ilawaáts, giri báy, «Kuungá' naaqór waawuti'iimár doori aga xue'. Ala inooín ka xuiiká.

Matayo 13:24

Yesu gina slaqsoó hatlá' báy, iri oó', «Waawuti'iimár doori a slaqás nee heé dahaasíngw hhó' gwa baraá qaymoorós i dahaas.

Matayo 13:47

«Slám waawuti'iimár doori a slaqás nee baratsufoó taa kwaáhh baraá tlawi. Baratsufaydá' siyoó umuúqo daa'awto ngway ohín.

Matayo 13:9

«Heé iaá axamis gi koóm, i axaasi.»

Matayo 25:1

«Qoomaadae waawuti'iimár doori a slaqas nee dasuú mibaangw oo taa'aduuín gaa oh, tari tláy as heé duuxuuxuúm kuwa al'ay.

Matayo 3:2

«Hhu'u'umé', asma waawuti'iimár Mungú naa naká/.»

Matayo 6:10

waawuti'iimarók ni xeer, adór kuúng ta sla' i tleehharut baraá yaamuwo, adoodá' gawaá dooriiwo ira tleehharút.

Matayo 9:13

Ala tlawsé', gídaabár /aymi'iiká' aldakuutaak, ‹Ilahhooár muruú ta tsu/i a sla'aaká, ala gár ni slaa' a gurtleemu.› Aníng naa hardihiiká asma múk hota ganaá' nguwa ateetiim, ala a múk tlakuuse.»

Luka 15:10

Án a kah, tam malaykér Mungú sleeme i adoodár qwalaalá/ as heé wák oo tlakusmo oo aa hhu'u'un.»

Luka 15:7

Án a kah, gawaá dooriiwo sleeme ta adoorír qwalalaa/ as heé wák oo tlakusmo oo aa hhu'u'un, ta múk mibeeraá gwaleél nee gwaleele oo gan'amuú koóm, oo hhu'u'uungw gu sla'aaká.»

Luka 24:47

Nee sleeme kaa gooín tawa kaahi, ‹Kaangwí ku alki/iit ar umuueé' dír xoordu sleémeero tawa kaahi, hhu'u'uumé' as gurtleemuú tlakweema kuwa sleera'.› Kaangwí dír kuwa iimu/un an Yerusalemu.

Luka 3:23

Yesu qoomaadae kureeriiwós a afi qoomár mibeeraá tám gadiyeérós ngiwa iimu/ún. Inós a garmoó Yosefu, adoodá' muu ngira xuú'. Xwayliteérós adór tira harahát a adoorí: Yosefu, garmoó Eli,

Luka 5:32

Aníng naa hardihiiká as múk hota ganaá' ateetiim, ala nina hardáh as tlakuuse iwa hhu'u'uun.»

Luka 9:2

Aluuwo gina ya/aáw waawuti'iimár Mungú kawa alki/iiti, nee tiqtuuse kawa hungu/uumisi.

Tlehhema'aá ya/Abuuse 11:18

Axweesantí kawa axaás tari xasliít, Mungú kuri xirfeés, tari oó', «Laatí Mungú tam múk xoordaá hatlá' sleeme gwa pa/ángw i haniís oo hhu'u'uungw, as slafiingw nguwa slaya'.»

Tlehhema'aá ya/Abuuse 17:30

Qoomaadá' iimi kawa boó/, Mungú muruuwí guna al qiqtlín, asma tawa adór muruú i ga/ayká. Ala hamí muu sleémeero umuúqo diiro gun ádbabáy tawa hhu'u'un.

Tlehhema'aá ya/Abuuse 2:38

Petro iri oó', «Hhu'u'uumé', tundu baatimiisi ar umuú Yesu Kristo, as tlakweemaahúng kiwa gurtlay, nee daqaní kuungá' Qeeruú hhoohhoó' oo Mungú u sleerá'.

Tlehhema'aá ya/Abuuse 20:21

Án múk Yahudi nee Yunaniro una ló'wa gurbuú' tlakweemaaín kiwa hhu'u'n dír Mungú i hhu'u'un, nee Aakoorén Yesu Kristo kuwa haratlintii'i.

Tlehhema'aá ya/Abuuse 26:20

Án kángw Mungú una alki/iít har geeraawo dír múk Damasko. Aluuwo baraá Yerusalemu tin wa alki/iít, nee baraá yaamu sleémeero awa Yudea, nee dír múk xoordu sleeme, as tawa hhu'u'un nee Mungú kuwa i warqay, nee tlehhma'aá nee hhu'u'ungw'ín ti slawá' kiwa tleehhi.

Tlehhema'aá ya/Abuuse 3:19

Gawaá adoorihe kuungá' hhu'u'uumé', nee ki/é' amór Mungú, as tlakweemaahúng kiwa fiitsi. As kahhó' qooma niwa hardat ar Aako nuwa qwal/asi dír geeraawose,

Ebrania 6:1

Gawaá adoorihe intsaahhasadá' sleémeero ar iimu/uuma daanduú Kristowo masók an alií geexawaán, nee tari geerií kumiitaán baraá intsaahhasadá' hee gu kwa/as baraá slafíngw qeeruuwo. Atén a sla'aanaaká intsaahhasadár iimu/uuma kawa malé inki/aan, tidá' hee iwa hhu'u'un nee tlehhma'aá slafa'aaká ngiwa may, nee Mungú nguwa haratlintii'i;