Matayo 4:16 - Biblía Axweesantá Hhohho' ar Mungú 2004

¹⁶ mukdá' aa hoot baraá giwtír wa ale gwa/aateemaá ur kaa ár. Nee kudá' naa baraá yaamaá geehhaantamoó gwa'arár wa hootiye', gwa/aateema ngaa i gwa/aatiyé'.»

Ya/abtór hho' 1977

¹⁶ mukdá' aa hoot baraá giwtír wa ale gwa/ateemaá ur kaa ár. Nee kudá' naa yaamaá geehhaantamoó gwa'arár wa hootiye', gwa/ateema ngaa i gwa/aatiyé'.”

Matayo 4:16 Iomraidhean Croise

YOBU 10:22

yaamaá gurhaami nee gila, dír gwa/aateema tawa adór giwti.»

YOBU 3:5

Masók baalaadá' ma/ami nee giwtír aa qipit gan ót, huunkoó iló' ngi tuuntuuki. Ma/ami tlaatla/angwdá' ngu de'e tsat.

YOBU 34:22

Dír giiw nee ar boo/ i káhh dirose, ar múk tlákw i nahhaati ar kiwa ariiká.

WARA'AMI 44:19

Tam adoorihe atén kuúng taa kwáhh ay dír tawer i hooti, atén kuúng taa geexeér baraá ma/amír aa kiqit.

ISAYA 9:1

Ala yaamuudá' aáng giwtír ma/ami aa ót nee gurhaami i adoodá' i meetiaaká. Aáng Mungú yaamaá Sebuluni nee Naftali gina amoqwaareés, ala deeloorí tseewe yaamaá gayuú Yordani nee Galilaya kudaá' yaamaá múk xoordu iwa hootiya' gin xirfayees.

ISAYA 9:2

Mukdá' baraá giwtír wa hi'imaamiít gwa/aateemaá yaariir kaa ár. Mukdá' baraá yaamaá ma/amír wa hoót, kwaa i gwa/aát nee gwa/aateema.

YEREMIA 13:16

AAKOÓ MUNGÚ, Munguúhúng, diidi'iimisaak dír giwti ngira huwiiká nee dír tundura dukuutsiiká baraá tlom'aá giwa'a. Kuungá' gwa/aateema bira haraaxué', inós gin warqees tawa ma/mír aa qipit.

AMOS 5:8

Kudá' tsatsee/ír Kilimía nee ar Orióni gaa tleehh. Kudá' ma/ami gaa matlaatle tleehh. Kudá' tlatla/aangw gwaa giwti tleehh. Kudá' ma'aá tlawi gaa burumbuur dinkwaárí ale giri ku'uús gawaá daanduú yaamu, umuuwós an AAKOÓ MUNGÚ.

MIKA 7:8

Ma qwalaala/aar, wakusmooeé', án bar aga huú', a malé sihhiít. Bar baraá giwtír i dirií', AAKOÓ MUNGÚ a gwa/aateemaeé'.

Luka 2:32

tawa gwa/aateemaá gwa/aatá' dír xoorduuwo, nee tawa xirif dír mukók oo Israeli.»